اريد معلومات عن تويوتا كرولا 1990؟

**sammor_28** · 20-05-2008 01:45 PM

السلام عليكم ... لو سمحتم كنت عايز اعرف معلومات عن تويوتا كرولا موديل 90 لأن في واحده معروضه عليا...
عاوز اعرف هل العربيه حلوه ولا لأ وقطع الغيار عامله متوفره ورخيصه ولا لأ؟
وبالنسبه لسعر اعاده البيع ايه خباره؟وهل هى مطلوبه في السوق ولا لأ؟
ولو حد عنده تقييم شامل للعربيه يبقى كتر خيره وجزاه الله خيرا..
العربيه اللي معروضه عليا : 1990-تكيف-كاسيت-اتوماتيك-زجاج كهرباء-مطلوب 43 الف جنيه...ياترى ايه رأيكم فيها وسعرها مناسب ولا غاليه؟
اسف عالطاله ومستنى ردودكم...شكرا

**sammor_28** · 20-05-2008 02:25 PM

ايه ياتويوتاويه محدش يعرف حاجه عن العربيه دي ولا ايه؟
انا مستني منكم رد يا شباب نايل موتورز

**hazem_khidr** · 20-05-2008 08:37 PM

اهلا بيك:)
معلش العربيه نادره شويه فمحدش عارف يفيدك.
بص يا سيدي
الكورولا 90 عربيه ممتازه و محترمه جدا
و قطع غيارها متوفره جديد و استعمال
و اسعارها معقوله
لكن مفيش ليها قطع غيار اوريجنال
لانها موديل قديم نوعا ما حتلاقي فيه ياباني اه لكن اوريجنال لاء.
عربيه مع واحد صاحبي وممتازه و عامل ليها عمره قريب و مكلفها 2000 جنيه بس.
صاجها جميل و احسن من صاج كل الموديلات اللي بعدها.
بالنسبه للسعر مش حقدر افيدك فيه لاني ما اعرفش متوسط اسعارها كام