الموضوع: مطارده موت بينى و بين موتوسيكلين صينى

السلام عليكم
اولا احب اعبر عن كرهى الشديد لمصر الى هى لا امى ولا خالتى ولا اى حاجه ولا تمثل اى شىء بالنسبه ليا لانى مشوفتش منها اى حاجه كويسه لحد دلوقت...
المهم النهارده الساعه 9 و شويه جالى تليفون ان واحد صاحبى عمل حادثه و موجود فى مستشفى فى طنطا و حالته وحشه جدا ..
فقولت اروح ازوره
ركبت العربيه و معايا 2 اصحابى و طلعت على الطريق ..(المحله طنطا)
فى منطقه فى اول الطريق فيها قاعات افراح كتير و زحمه جدا
انا ماشى فى الشمال على سرعه 40 ..
فجاه موتوسيكل صينى طلع من وسط العربيات الى راكنه ..لا نور ولا اى حاجه ..
طلع ادامى بالظبط ...فرملت فرمله رهييييييييييييييييييييييي يييييييبه ..لدرجه ان الى ورايا كان بينى و بينه مسافه اقل من متر ..
عم الحاج سواق الصينى الفاخر و الاتنين الى وراه مش عاجبهم ...(هما دلوقت بقو جمبى على اليمين)
و بيشتم ...
ما تحاسب يا ابن ال.....
قولت يا واد انت رايح تعمل خير اسكت ..
لقيته طلع ادامى ..وبيفرمل و عاوز يوقفنى ..و لقيت صينى فاخر تانى عليه 2 جايين جمبى بيفتحو الباب ...
الحمد لله انا بمشى قافل السنتر ..معرفش يفتحه
والى ادام بدا يهدى اووووووى و المكان زحمه و خلاص هضطر اقف ...
خطفت الطاره كلها يمين و كبست على الاخر طلعت منه و قفلت عليه ...و عديت ...
و الاتنين طايرين ورايا ...و المنطقه بردو زحمه ..
و حاولو لتانى مره يوقفونى ...واحد ماسك اليكتريك (عامل زى ولاعه البوتاجاز كده ملوش لازمه)
والتانى ماسك سكينه ,,و الموتوسيكل الى عليه 3 مشوفتش معاهم ايه
بدات انا اجرى شويه
100 120 140 160 الطريق كان بقى فاضى الى حد ما
لكن كنت بضطر اهدى عند المطبات الهرميه الى على الطريق
و كانو بيحصلونى بردو و يخبطو على العربيه
انا مش عاوز اوقعهم لان هيتهرسو تحت العجل (فى داهيه طبعا بس الى شايف من ورايا هيقول انا موتهم و هتبقى مشكله)
ثانيا العربيه بتاع اخويه الله يرحمه و انا معتز بيها جدااااااا غير كده كنت كسرت ابوها عليهم
المهم شديت جامد و اختفو من ورايا
طلعت طريق اسكندريه و فى منطقه زحمه على الطريق
لقيتهم جم جمبى و بيقفولو و الى ادامى واقف
رميت على واحد منهم (قلت هطيره بقى هعمل ايه يعنى) فلت وانا دخلت مكانه و عديت من الى ادامى
فضلت اجرى و هما ورايا ...انا مش قادر اجرى اوى لان الطريق فيه عربيات كتييييييير
و هما بيسلكو بالموتوسيكلات
انا اه جريت جرى غشيم
بس لقيتهم مصممين يوقفونى
فجاه لقيت انى داخل على مطب
مفيش ادامى حد
على يمينى (فوق المطب) عربيه جامبو
والشمال لانسر فوق المطب بردو
و ورايا على اليمين الموتوسيكل الى عليه تلاته
قلت هلبسهم فى الجامبو وربنا يتولاهم برحمته
وفعلا
بعديت شويه عن الجامبو وانا داخل على المطب
طبعا هو كبس عشان يدخل بينى و بين الجامبو
وقبل ما يدخل بينا
قفلت المكان الى هيدخل منه
هوووووووووووووووووووووووو ووووووووووووووووووووووووو وووووووووووووووووووووب
دخل فى الجامبو و هو حوالى 50
المظهر العام ..داخل دخله ضيقه و لبس مع نفسه
طبعا انا نزلت من المطب مرضيتش اكبس جامد عشان محدش يفكرنى بهرب
واصحابه وقفو طبعا معاهم
معرفش ماتو ولا اتعورو ولا ايه حصل
وطبعا الجامبو وقف و نزلهم
..........................................
ايه ده بقى ؟
هو احنا بقينا بالقذاره دى ؟
هو انا لو عرفو يوقفونى مصيرى هيكون ايه ؟
والعربيه هيحصلها ايه !!
المفاجاه كمان انى كنت داخل على كمين (الرجديه) لو حد يعرفه
قولت هلاقى اللجنه شغاله و هقف فى اللجنه
ملقتش مخلوووووووووووووووووووووو وووق اصلا
غير عسكرى ناااااااااااااااااااايم
راسه محدوفه ورا
وفاتح بؤه
ايه ده يا جدعان
و ناس تقولى خطر تمشى بسلاح !!
سبحان الله الطبنجه كانت فى العربيه التانيه و كسلت اخدها منها ..قولت هو انا يعنى رايح شيكاغو !!
بس طلعنا احقر من شيكاغو بكتيييييييييييييييييييييي يييييييييييير
الحمد لله
وربنا يطلعنا منها على خير