اختراع في المرايات كمان !!

**Ramy_Tantawi** · 20-05-2008 02:23 PM

السلام عليكم.
الأول الموضوع ممكن جداً يكون تافه لكن انا اللي لفت انتباهي هو تفكير الناس دي وقد ايه مافيش كبيره ولا صغيره بتعدي عليهم...كتير كنت بفكر ليه زرار المرايات في الميجان 2 عامل زي دراع الاتاري زمان ليه مش زرار عادي يعني يمين وشمال وخلاص وكان تفكيري دايما بينتهي عند انها تقليعه جديده منهم وخلاص لكن من كام يوم بالصدفه وانا ماشي بالعربيه المرايه اليمين اتخبطت واتقفلت فا دايما كنت بالف الزرار لفه كامله عشان تقفل المرايتين الأول بعدين افتحهم تاني ماكانش عندي حل تاني المهم باعمل الحركه دي بس بالصدفه لفيت الزرار نص لفه ومكملتش لقيت المرايا اليمين فتحت تاني لوحدها والشمال ماعملتش حاجه فضلت مفتوحه عادي جداً كررت التجربه اكتر من مره وجربوها برضه وقولولي اقفل المرايا اليمين او الشمال لوحدها وسيب التانيه مفتوحه ولف الزرار يمين نص لفه وشوف اللي هيحصل هتلاقيه شاف المرايا المقفوله فين ويفتحهالك لوحدها .......العكس كمان !!!! لو المرايا اتفاحت بالعكس يعني اتخبطت من ورا او حاجه وعاوز تعدل اتجاه المرايا لف الزرار نص لفه شمال المره دي هتلاقي المرايا قفلت لغاية وضعها السليم وشكراً وقفت على كده !!!

يا رب اكون وصلت انا عاوز اقول ايه لئني بجد اعجابي بيزيد بدماغ الناس دي يوم عن يوم ويارب نفكر كده زيهم لئن ده اللي ناقصنا والله احنا لا ناقصين ايد ولا رجل :)

اسيبكم تجربوا بقى وان شاء الله في موضوع تاني هاعمله عن اكتشاف تاني في العربيه الفظيعه دي والله الموفق.

**medohai510** · 20-05-2008 02:49 PM

هي دي الرينو يا باشا قمة التكنولوجيا في سيارة

**fahd_628** · 20-05-2008 02:53 PM

حجرب و حقولك يا باشا

شكرا على المعلومة الجميلة الى مكنتش اعرفها

انا كل يوم قاعد اكتشف حاجة جديدة :)

**Ahmed Selim** · 20-05-2008 03:04 PM

شكراً على المعلومة

بس بصراحة أنا كنت عارفها بس فاكرها حاجة عادية

**theking2690** · 20-05-2008 04:31 PM

ما هو قصده من الفظيعه يا سبعاوى باشا يعنى الحلوه الجامده كده يعنى

**MoToRiZeR** · 20-05-2008 04:33 PM

لسة في عضو تاني كان بيقول انه كان ماشي بسرعة و اما فرمل لقي لمبة الانتظار نورت لوحدها .. دي بصراحة عجبتني اوي .. واضح ان ركاب الميجان لسة مكتشفوش امكانتها كلها :)