المشاركة الأصلية كتبت بواسطة ayman20100
السلام عليكم ورحمة الله
و عليكم السلام
ياجماعة انا عاوز اشتري موتور استيراد لعربيتي فليشيا 95 بعد ما الاخوة الاعزاء المكيانيكية ظبطولي الدنيا ربنا يكرمني وما اتعاملش معاهم تاني
اعانك الله على قلى انتا فيه وقول الحمد لله على كل شىء وانتا اكيد اتعلمة الدرس وحاول كدة فكر وحاول القرار تتاخذه واسأل 50 واحد قبل ما تعمل حاجة علشان متصرفش على الفاضى لانى الميكانيكى مش هيدفع حاجة من جيبه كل على قفى الزبون والله هما بيحسبوها كدة
ربنا يرحمنا منهم
وعاوز استفسر على شوية حاجات من الاخوة اعضاء المنتدي الكرام
اتفضل يا صديقى اسال برحتك وخد وقتك على قد ماتقدر وجمع معلوماتك صح على ماقد ما تقدر
1- سعر الماتور استيراد فاضي كام ياعني بدون فتيس او تكييف ؟؟؟ لو معاه فتيس يبقى سعره كام ؟؟؟ ولو معاه التكييف والفتيس ؟؟؟؟
انا هقولك على الاسعار من واقع مشاركات الاستاذ ايهاب عثمان ودة يعتبر اخر واحد هنا فى القسم
بتاعنا هنا وهو مغيره تاريخ السبت 22-10-2011 يعنى المدة مش طويلة لسة قريب
2650 قيمة الموتور كامل (بدون فتيس وبدون مارش)
2- انا هحتاج اغير ايه مع الماتور والتكلفة في حدود كام ؟؟؟
235 متنوعة ......... زيت + بوجهات + اوي سيلز + جلد للعبشة ؟؟؟ + متنوعة
55 الكشف علي كبس الموتور لدي بنزينة
3- ايه احسن مكان اشتري منه الموتور ؟؟؟؟
هو الاستاذ ايهاب اشترى من السبتية
4- ايه فترة الضمان الى ممكن اطلبها وده بيبقى شفوي ولا مكتوب ؟؟؟
انتا حضرتك قلى انا اعرفه انى بتاخد منه الموتور وبيضمنهولك بتاع اسبوعين اوثلاث اسابيع على ما اعتقد
فى الغالب شفوى
5- ايه الي بيضمنلي حقي لو لا قدر الله الماتور مش كويس ؟؟؟؟
بيديلك فاتورة بيه بس يفضل تكون من غير تاريخ علشان تستفاد بمدة الترخيص بتاعة الرخصة ولماتيجى ميعاد الفحص يبقى تثبته و تضيف الرقم الجديد فى الرخصة
6- ممكن اسقط ماتور انجيكشن بدل الكربيراتير ؟؟؟؟ وهل هحتاج ساعتها لتغيير حاجات كتير ؟؟؟؟
ده موضوع تانى واكيد هتيبقى قصة تانية ولازم و احديفيدنا فى الموضوع ده يكون اتعامل فى قبل كدة
7- مصنعية الميكانيكي كام وياخد وقت اد ايه ؟؟؟
بتاع 400 اتعاب الميكانيكي ( يومية شراء الموتور + تركيب الموتور ) الوقت دة شوف الميكانيكى يقولك اية دة بالاتفاق معاه
8- هل هيبقى فيه شغل للكهربائي ؟؟؟
نعم تظبيط شغل الكهرباء هياخد بتاع50 أعمال كهربائي .
9- الماتور القديم والحاجة الى هتتغير ممكن ابيعها وبكام ؟؟؟
انا من راى احتفظ بيه وخلية عندك استوك قطع غيار لاى حاجة تحتاجها واعرض لو فى اى عضو احتاج حاجة يبقى يقولك عليه
انا اسف اسألتى كتير بس ياريت الى يعرف رد على اي سؤال يرد عليا عشان محتاج اي معلومة تفيدني وجزاكم الله خيراً
المفضلات