ينفع اسقط مكنة 2000 سي سي فى نوبيرا 2
سلام عليكم
انا موتوري عطل فجاءة وعمل اصوات مش تمام (نوبيرا 2 2001)
انا لسه معرفتش الموتور بتاعي فيه ايه .. لان الميكانيكية كلهم لسه قافلين بس من كلامهم ع التيلفونات العربية هيبقا فيها عمرة موتور ..
فانا بسأل لو هتبقا عمرة موتور انا اشتري موتور احسن بقا
فانا عاوز اركب موتور 2000 سي سي عشان العربية تبقا احسن معايا بما انى هصرف واجيب موتور بقا
السؤال بقا هنا .. انا الفتيس بتاعي كويس هل محتاج انى اجيب فتيس جديد للمكنه الـ 2000
وهل انا محتاج انى اجيب اى حاجه اضافية للموتور الـ 2000 سي سي زي رشاشات .. لانى اكيد مش هركب المكنة برشاشاتها المركونة الى جايه فيها .. وهل اجيب المكنة الـ 2000 بطقم التغذية ولا .. وهل لازم اركب شداد ف الكبوت ولا ؟؟
وتقريبا كدا سعر المكنة الـ 2000 كام والـ 1600 كام ؟؟
وهل المكنة الـ 2000 ديه بتاعت النوبيرا اصلا ولا الليجانزا وهعمل تعديلات ف القواعد عشان تركب ؟؟
شكرا مقدما
