كيف تعتني بالمحبوبة "نيسان"
بسم الله الرحمن الرحيم
مفيش حد مبيبحش يخلي عربيتو اجمل ما يكون بيحاول يخليها نضيفة قدر الامكان
بنزودها اكسسوارات بنحاول نحطلها بنزين نضيف وطبعا في ناس ربنا كارمهم الحمد لله وبيبقو فاهمين في النواحي الميكانيكية وده شيء كويس وفي ناس بتبقى على قدها بس ممكن الموضوع ده يخلي الاساسيات المهمة في التعامل مع بعض المشكلات البسيطة موجوة باذن الله عندنا عشان السرحان عن بعض الحاجات ليه عواقبو
-----------------------
تشيك على اي وامتى ؟؟
1- تحت السيارة:مرة كل فترة
ملاجظة
العربيات الجديدة لو ظهر فيها مشاكل ممكن الضمان يصلحهالك ما عدى المشاكل اللي سببها نقص الزيت
2- تغيير الزيت
اهم حاجة يكون عندنا ثقافة التعامل مع مانوال السيارة حتلاقي مكتوب في القسم الفني مواصفات زيتك وامسك الزيت وشوف مواصفاتو
ملاحظة
ينصح باستخدام زيوت تخليقية للمحركات الجديدة وذلك لاحتوائها على خواص مقاومة الحرارة العالية وسرعة الانتشار في اجزاء المكنة في الاوقات الباردة وينصح بعدم لمس الزيت كثيرا لانه قد يؤدي الى سرطان الجلد على المدى الطويل
3- غسيل السيارة :
حاول تقلل من غسيلها بالماء قدر الامكان يعني مرة كل اسبوعين بس لو بييجي عليها زبل طيور او ورق شجر او حشرات لو طلبت تغسلها كل يوم يبقى احسن لان دول بيبهلدو البوهية
نصيحة
لو حبيت تغسل عربيتك في بنزينة ياريت تاخد الشامبو المخصص لغسل السيارات وتديه للراجل يغسلك بيه الشامبو اللي موجود في البنزينة ده شامبو بيتشرى بالجملة وده اسوا ميت مرة من صابون المواعين
فيه منتجات كتير موجودة في كارفور والهايبرات والمحطات الكبيرة بتبقى صابون +شمع دي جميلة ومش مكلفة
4- التشميع
تشميع السيارة يحمي البوهية وبيقلل غسيلها
بيحمي العربية بالذات لو في منطقة صناعية او مكان فيه تلوثات كتير زي القاهرة او كنت بتركنها تحت الاشجار
ملاحظة
حاول تتجنب الركن تحت الشمس مباشرة واركن بقدر الامكان في مكان ضل
هناك فرق كبير بين الشمع والبوليش
البوليش للخدوش ويستحسن عدم استخدامه قدر الامكان وعلى فترات طويلة جدا
الشمع لا ضرر من استخدامه كل 3 شهور
----------------------
--تفاصيل داخلية--
1- مستوى زيت المحرك
طبعا كلنا عارفين ازاي نقيس الزيت بس للتذكير تاكد ان المحرك متوقف واسحب العصاية امسحها مرة ورجعها تاني وطلعها وتاكد ان الزيت بين الحد الاقصى والادنى
معلومة على السريع:policeman:
في سيارة بورش 911 يتم قياس الزيت والمحرك شغال
2-سائل ناقل الحركة
في الحالة دي يكون الموتور شغال والسيارة على سطح مستتوي
اسحب العمود وامسحه رجعه تاني بسرعة وطلع واقرا نفس الكلام ياريت يكون بين العلامتين
احذر
لازم يكون لون السائل يا زهريا يا اما احمر اذا كان لونو بني عليك واقرب واحد فاهم يشوف المشكلة فين وطبعا يغيرو
اختار السائل حسب ما مكتوب في الدليل
3-سائل الفرامل
خزان سائل الفرامل بيبقى موجود ومكتوب عليه من برة ماكس ومين بدون ما تفتحو حتعرفمستوى السائل وهو بينخفض طبيعي مع برود مساند الفرامل ودي حاجة متقلقكش اهم حاجة انو ميقلش عن المستوى الطبيعي
4- سائل الدريكسيون
نفس الكلام بالنسبة لناقل الحركة عمود تسحبو وتشوف المستوى
5- سائل الراديتير
اختار نوع يكون ذو مستوى عالي ومتسترخصش وفي حال ان المية الخضرا او الزرقا او اي كان نقصت ومش عارف تجيب زيها عليك والمية المعدنية او مية مقطرة وزودها ومتقلقش
6-محلول المساحات
ده محلول بيبقى لونو وردي او ازرق في منو انواع كتير افضلهم عن تجربة sonax ودي عبوة ب 30 بتكفي كتير جدا طبعا بيقبى المحلول ده مفيد للربر بتاع المساحات ومخصص لخزان المساحات ووبيسهل تنضيف الزجاج من الحشراات والاتربة والطين
7-المساحات
غيرها كل سنة او سنتين ولو في مرة عملت خطوط على القزاز على طول غيرها
ملاحظة
التغاضي عن تغيير المساحات قد يؤدي الى وصول الحديد الى الزجاج وبالتالي خدوش لا تزال
8-الكوبلن او التربيعة
مكانها في الجانب الداخلي للاطارات الامامية و طبعا بتكون مليانة شحم دي طبعا ممكن تنكسر لاي سبب كان فانت بكل بساطة كل فترة شيك على العجل وبص عليها ببساطة اكسر العجل كلو وبص عليها من ورا لو لقيت تشريب شحم فهي مكسورة
احذر
تطنيشها ممكن يخلي محود العجل بلا فائدة
9-فلتر البنزين
تبدل كل 10 الاف "بنزين مصر الجميل"
يستحسن اضافة محلول تنظيف البخاخات بعد تغيير فلتر البنزين مباشرة
طبعا الكل عارف امتى يغير فلتر الزيت والمكيف وفلتر الهواء
بالنسبة لديسكات الفرامل افضحها مع استبدال التيل والمعدل الطبيعي 50 الف قل بقليل او زاد بقليل
-------------------
احب اختم بحاجة مهمة
لازم تكون فاهم عربيتك فيها ايه عشان متبدلش حاجات ممكن تستحمل
التوكيل بيقدم برنامج لتبديل الحاجات لو انت مش فاهم او مش عارف ازاي تقيس صلاحية حاجة معينة امشي مع التوكيل اضمنلك
حاول دايما كل متلاقي نفسك مش فاهم افتح المانوال بتاع عربيتك ممكن تلاقي ضالتك وغالبا باذن الله حتلاقيها
اتمنى الموضوع يكون مفيد
اجزاء من الموضوع نقلتها عشان تكون المعلومات اكيدة وبحمد استطعت ان اضيف بعض الاشياء
