أفضل سيارات فى مصر

**Medicalist** · 11-11-2011 03:07 PM

بورسعيد كويسه برضه بس اغلب العربيات فيها جمرك وقديمه شوى فى الموديل وخصوصا الهوندا بس الشوارع فى دمياط احلى وكورنيش دمياط احلى بس الاكل فى بورسعيد احلى بكتير وخصوصا الاسماك
انا اكلت فى دمياط البلد مره الاكل كويس لكن فى راس البر الاكل معفن ومفيش مطعم كويس
فيه حاجه بقى انه وانا مسافر 3 يوم على الدولى ووانا داخل مدخل دمياط الجديده لقيت على الشمال حاجه كبيره فسالت والدى قالى ممكن يكون امتداد للميناء ورابع يوم وانا بجيب الفطار سمعت انه الدمايطه قفلوا الطريق بس انا روحت عادى الساعه 1 ظهرا الساعه 2 ابن عمى كان رايح بس رجع عند دمياط الجديده لانه الناس قفلت الطريق لراس البر ولدمياط الجديده ويقال انهم اخلوا راس البر وطلع انه البتاع الى على الشمال ده مصنع اجريوم والناس متظاهره عشان يوقفوا العمل فيه بس واضح انه الموضوع كبير لانه المساحه المحاطه كبيره جداا جداا وفيه شغل على مستوى عالى هناك
حسبى الله ونعم الوكيل فى دى حكومه
مايه راس البر والبحر كان اجمل بحر وكان متنفس لينا كلنا من المنصوره و دمياط و بورسعيد برضه بعد ما المينا اتوسع والحركه زادت فيه المياه بقت ملوثه و ماعادتش زى الاول

**Medicalist** · 11-11-2011 03:08 PM

المشاركة الأصلية كتبت بواسطة minicooper20

طيب مفيش رحله لزياره معالم دمياط
مصرى و معرفش دمياط دى فين بس اسمع ان عندهم احلى مشبك والله انا منافع

هسيب الدمايطه يردو عليك

**فادى محمد** · 11-11-2011 04:43 PM

المشاركة الأصلية كتبت بواسطة Medicalist

هسيب الدمايطه يردو عليك

دمياط اول مدينه علي نهر النيل من جهه الشمال تطل علي البحر المتوسط تشتهر بصناعه الاثاث اللي بيتصدر لدول اوروبا واسيا -صناعه ودباغه الجلود-حلويات شرقيه عاليه المستوي-منتجات البان -تشتهر بزراعه البرسيم والارز-صيد السمك لان عندنا نيل وبحر وتمتلك دمياط وحدها ثلث الاسطول البحري المصري في مدينه اسمها عزبه البرج -عندنا معالم سياحيه زي الرائعه راس البر وهناك تشوف نقطه التقاء الماء العذب بالمالح بسم الله الرحمن الرحيم (بينهما برزخ لا يبغيان) صدق الله العظيم -مسجد عمرو بن العاص ومسجد المعيني الاثريين -طابيه عرابي-خلاف كل ده الجو عندنا جميل والدمايطه ناس متحضره وطيبين وفيهم ميزه مش لاقيها عند حد وهي ان الدمياطي غيور جدا علي شغله وطول ماهو في شغله مايضيعش وقته ,طول مانت ماشي تلاقي عمال في ورشها بتشتغل وتنتج لذلك سموها يابان مصر واكبر ايراد سنوي لخزينه الحكومه هو ايراد محافظه دمياط

**عصام غنايم** · 11-11-2011 09:09 PM

اضافه بسيطه لكلام اخويا فادى

علشان تتخيلوا كمية الشغل فى دمياط

كل بيوت دمياط بلا استثناء كل البيوت لازم تلاقى الدور الأرضى مفتوح محلات تصنيع او صيانه او تجاره

ده حتى المساكن الحكوميه بيفتحوا شقق الأرضى على الشارع وبيعملوها محلات

تخيلوا بقى كمية العمل فى دمياط

وبالرغم من كل ما سبق الا ان دمياط نفسها تعتبر من اصغر محافظات الجمهوريه فى المساحه

**SYD** · 11-11-2011 10:43 PM

انا كمان طوول عمري اسمع عن دمياط من غير ما اروحها
بس انا اتعاملت مع 2 من دمياط
وبصراحة اجدع ناس لحد دلوقتي لأن هما الأتنين جدعان جدا

1- فادي باشا وهو عضو معانا هنا في المنتدي
2- عميل كان عندي في الشغل

والله المستعان
،

،

**فادى محمد** · 11-11-2011 11:52 PM

المشاركة الأصلية كتبت بواسطة SYD

انا كمان طوول عمري اسمع عن دمياط من غير ما اروحها
بس انا اتعاملت مع 2 من دمياط
وبصراحة اجدع ناس لحد دلوقتي لأن هما الأتنين جدعان جدا

1- فادي باشا وهو عضو معانا هنا في المنتدي
2- عميل كان عندي في الشغل

والله المستعان
،

،

ربنا يكرمك ,ده من اصلك العالي ياباشمهندس

دمياط دي فعلا انا بعشقها ولما بسافر بعيد عنها بحس اني سمكه خرجت من الميه,اللي قعد فيها فتره هيحس معني كلامي