بسم الله الرحمن الرحيم

اعزائى رواد المنتدى .. السلام عليكم ورحمة الله وبركاته

اختكم شارية عربية 128 (مبروكة) من ستة شهور تتعلم عليها السواقة ويدوبك بدأت اتخلص من الخوف ورهبة الطريق شوية وكسبت شوية ثقة وفرحانة بنفسى ....

حتى حدث ما لم يكن فى الحسبان فاطاح بالاحلام وتبدل الحال من فرحة وثقة إلى رعب وزعر على الطرق العام

ولكن ماهو العلاج الشافى والمخرج من هذا المأزق ؟؟ اسمعوا الحكاية وشوروا عليا

ظاهرة أنتشرت بصورة فجة بشوارع مدينة الاسماعيلية الا وهى قطعان البقر (اخدين بالكم بقر مش غنم !!!) ترعى على النجيلة بجزيرة بعض الشوارع والطريق الدائرى وعلى جانبى الطريق !!!!!!!!!!!

وطبعا لا يخلو الأمر من بقرة والا اتنين سارحين لوحدهم فى عرض الشارع امام العربيات !!!!!!!!!

وانا بخاف اساسا من الكلب والقطة فى الشارع يقوم تطلعى بقرة !!!!!!! ..

ماذا تفعل لو كنت مكانى ودى مسئولية مين الحى والا المحافظة والا المرور ؟؟؟