ازيكم يا شباب انا محتاج منكم النصيحة لاني فعلا بقالي شهور محتار ومش عارف اخد قراري
اخر حاجة وصلتلها وعايز استقر عليها تيدا 2011 ولا كورسا 2012 الاتنين هاي لاين وفتحة سقف وسعرهم تقريبا واحد
ايه رايكم الياباني ايه احسن قيمة مقابل السعر وكمان الراحة سواء في العربية نفسها او في خدمة مابعد البيع
وشكراا
نيسان تيدا طبعا عربية تقريبا مفهاش عيوب خالص وتوكيلها كويس جدا
اوبل كورسا معرفش حد جربها بس هى كعربية اكيد هتكون كويسة بس توكيلها سىء وقطع غيارها غالية
توكل على الله وهات تيدا وهتريحك جدا كعربية وكتوكيل
.................................................. ..........................
فى عربية تانية ممتازة جدا وفى وجهة نظرى افضل من الاتنين وهى فورد فيستا ولكن فى عيب انها من ضيقة من ورا وقعدتها مش مريحة وتوكيلها معرفش عنه اى حاجة غير كده عربية فوق الممتازة
بص ياباشا انا قعدت اكتر من 5 شهور في الحيره دي فقارنت بين جميع العربيات في الفئه السعريه دي وركبت الاتنين
التيدا اوسع
الكورسا تابلوه في رايي اشيك
التيدا قطع غيار ارخص
التيدا عزم واحصنه اكتر
التيدا 1600 الكورسا 1400 سي سي
التيدا منتشره اكتر وبالتالي اعاده البيع هتكون افضل
الشكل الخارجي دي مسألة ازواق
التيدا استهلاك بنزين اقل
التيدا تكلفة الصيانات الدوريه اقل في صيانه دوريه للكورسا ب 3500 تقريبا ودي غاليه اووووووووووي
التيدا ياباني والكورسا الماني
فتحة سقف الكورسا اكبر تحس انها واخده نص سقف العربيه وده بالنسبالي احلى تحس انه بانوراما
التيدا 4 كاوتش بجنوط والخامسه طاسه الكورسا الخمسه جنوط
التوكيل وعشان انا اعرف ناس في خدمة العملا هنا وهنا توكيل نيسان افضل بكتييييييييييييييييييير
الحاجه الاخيره التيدا قطع غيارها متوفره امنا الكورسا مش اوي
الكورسا بها مثبت سرعه التيدا لا وده اللي مزعلني من التيدا
اتمنى اني اكون افدتك
الاشيك كورسا
اللي شكلها مكمل معاك هي كورسا
ماتحكمش عي انتشار الكورسا لانها هتبيع الايام اللي جايه
رايي المتواضع ........كورسا.....و اعتقد ان قطع غيارها مش غاليه ( انا شفت اسعار قطع غيار الاسترا الجديده و هي رخيصه بالمقارنه بكل الالماني و الياباني)
اقتباس:
المشاركة الأصلية كتبت بواسطة mohaismail
شكرا لحضرتك هو فعلا الكفة عندي ارجح حاليا ناحية التيدا وبالنسبة للفيستا فعلا في حد نصحني بيها بس معرفش عنها حاجة وهل ياترى هيا فعلا ممكن تكون الافضل في التلاتة
بجد فعلا هو ده اللي انا بفكر فيه بس اللي مقلقني هل هينزل شكل جديد في التيدا وكمان الكورسا شكلها شيك جداا بس فعلا الناس بتشتكي من قطع الغيار والتوكيلاقتباس:
المشاركة الأصلية كتبت بواسطة togo
الكورسا فعلا شكل جميل جدا وجاااااااامد موووت بس الناس كلها بتشتكي من منصور وقطع الغيار والصيانات غالية فهل هيا تستاهل التضحية خلي بالك الهاي لاين ب 133 الف يعني ممكن بالسعر ده اجيب فئات اعلى انا بصراحة مستغليها كدهاقتباس:
المشاركة الأصلية كتبت بواسطة melagouze
تيدا اكيد افضل
الشكل الجديد مش هينزل قبل سنتين وبعدين برده مش اختلاف ذريع بين الاتنين زي الكوي لما ينزل موديل جديد وانت بتقارن بين جميع العربيات النهارده مش كمان سنتيناقتباس:
المشاركة الأصلية كتبت بواسطة tarekbasha999
هات تيدا افضل