ما المقصود ببيت المساعد -ظبط زوايا
غيرت المساعدين و روحت اظبط زوايا لقيت بتاع الزوايا بيقولى العجلة الشمال قالبة 1.5 سم لجوه و هتاكل الكاوتش قولتله ما العمل قالى زرجينة ب 60 جنيه عندى او ترجع للعفشجى بعد العيد , فمشيت و سبته
النهاردة كلمت الميكانيكى اللى عمل الشغل قالى الاول زرجينة ثم اكشف عند بتاع زوايا تانى لو قالك حاجة تعالى اغير لك بيت مساعد
فما المقصود ببيت المساعد هل هو المكان اللى بيتسقط فيه المساعد و بيمسك فى الطنبورة من وراء؟؟؟ و لا حاجة تانى ؟؟ سعره كام ؟؟؟ و اكيد هيجى استيراد و اقعد اجرب و افضل رايح جى على الزوايا و بتاع الاستيراد و لا بيركب جديد على طول ؟؟
الزرجينة لو عملتها هل هتحل المشكلة حل دائم و لا مؤقت ؟؟؟ و الزرجينة دى هيشد بيها ايه بالظبط ؟؟؟
معلش طولت عليكم لكن معلوماتى فى حوارات العفشة تقترب من الصفر
و للتسهيل الاحتمالات هى :
1- اعمل زرجينة
2- اكشف عند حد تانى بتاع زوايا
3- اغير بيت مساعد
علما بانى ظبطت الزوايا عند شل البحر الاعظم و مجربهم على طول و شغلهم ممتاز
تحياتى