تيت تيت - تيدا 2011

**wadlaziz** · 11-11-2011 12:21 AM

مساء الخير على احلى منتدى واحلى ناس وسلام كبير لرجالة نيسان

اتأخرت عليكم صح ...

معلش انا استلمت تيدا 2011 من شهرين لون فضى فول اوبشن بلس من غير فتحة سقف
ومش عاوز اقولكو انا عملت اية فيها وبيها
اولا نتكلم عن ملاحظاتى على العربية :

فى الاول حسيت ان دواسة البنزين خفيفة قوى.

الفرامل قبل صيانة الخمس الاف كانت تقيلة حبتين

عموما انا اول ما استملت العربية نفذت تعليماتكم وتوجيهاتكم الكريمة بخصوص التليين والاستلام والذى منه والحمد لله العربية زى الفل

ردا على عدم الثبات بعد ال 140 انا سافرت بيها اسكندرية وجبت بيها 200 والعربية زى الفل (هاتش باك)
قبل صيانة الالف كان استهلاك البنزين هايل جداااااااا

بعد كده وطبعا مع زيادة السرعة فى المشى شوية بقى استهلاك البنزين عادى بالنسبة لعربية 1600 بس برضو اقل من العادى يعنى

بعدين ودا شئ هسال علية فى التوكيل حسيت ان العربية بقت بتستهلك بنزين زيادة شوية مش عارف لية

المهم يا ساداة يا كرام بالنسبة للمساحة مش عاوز اقولكوا انا عملت اية عشان اختبر تشيل قد اية العربية ماشاء الله تتحسد على الوسع من جوة مع انها (هاتشباك)

بالنسبة للصيانة :

انا جربت مركزين فى صيانة الالف عملتها عند يونايتد جروب الى فى العباسية دة بصارحة زى الفل بس فى حاجه واحدة العربية ما تحطش عليها فوطة حتى تتمسح ما عللينا

وال5000 عند السبع وبصراحة تسلم ايديهم ناس زى الفل وكمان بيقولوا ان اوتو ايجبت فتح مركز جديد هجربة فى ال10000 ان شاء الله واقولكوا اية الاخبار

نيجى للمشاكل :

انا نفسى اركب كروز كنترول وكمان جى بى اس وانذار للعربية قال اية يا اخوانا بيقولوا ضفيرة الكهربا بتهنججج هل يعقل هذا الكلام افيدونا!!!! ومش لاقى الكروز كنترول المهم حد من صحابى بيسافر برة هخلية يجبهولى بس اتطمن انه هيركب الاول

وكمان عاوز رايكوا اعملها فرش ولا اية هى من جوة اسود بس عاوز احافظ عليها ناس بتقولى فصل جلد تعرفوا حد كويس ؟؟؟؟

وختاما العربية ممتازة
فى حاجه بقى حد سمع ان فى مشكلة فى فرامل النيسان زى تيوتا الى اتسحبت لانى حصلت معايا مرة واحدة بس وانا بعدى مطب بس اخدتة بسرعة شوية لقيت الفرامل بترد كده عارفين لما تبقى فى ممانعة كده فى الفرامل ؟؟؟

حد يعرف نظام امان للعربيات بباسورد وكده عشان السرقة الى دايرة فى البلد يعنى اقفل العربية وتفصل خالص ما تتحركش من مكانها غير مل احط الباسورد

**Sameh_OO7** · 11-11-2011 03:08 AM

1000 مبروك وربنا يباركلك فيها ويكفيك شر طريقك

**minicooper20** · 11-11-2011 04:05 AM

الف مبروك يا باشا

**Ahmed.TV** · 11-11-2011 04:38 AM

الف مبروك .. وربنا يعطيك خيرها ويكفيك شرها
موضوع الكروز كنترول كان مفتوح بيه موضوع او موضوعين فى القسم عنه .. حضرتك ممكن تبحث عنهم وحيفيدك

بخصوص الفرامل فى الصيانة الجاية حتتظبط باذن الله ومفيش مشاكل فى اى عربية من عربيات نيسان زى التويوتا .. ووقت الصيانة كل الحاجات دى حتتظبط

وبردوا استهلاك البنزين .. حضرتك اطلع على طريق طوالى تانى .. بس بدل ما تمشى على سرعة فوق ال140 وتوصل الى 200

امشى على سرعة 90 ومش تعديها .. اكنك زى زمان بتلين .. وانفخ الكاوتش .. واحكم على البنزين بعدها

وبخصوص بردوا جهاز الانذار فى موضوع عنه فى الفهرس القسم المثبت .. اقرائه حيفيدك .. وهو موجود فى التوكيل .. وفى الموضوع موجود اسعاره وصور ليه

وبخصوص الفرش .. انصحك بالتعامل مع جينز كار .. لان الاعضاء كلهم عملوا عنده وبشكروا فيه جدا .ز وهو عامل اعلان فى المنتدى فى الهيدر من فوووووق خاص تقدر تدخل عليه وتتفرج على الصور اللى فيه

وكمان بردوا بيشوى كان منزل ليهم موضوع عن فرش للتيدا .. موجود بردوا فى الفهرس المثبت فى القسم

ولو نويت على جينز كار قولى وانا اجيب لحضرتك خصم 20 % خاص باعضاء قسم نيسان باستيكر فسم نيسان

تحياتى

**Donzi** · 11-11-2011 05:23 AM

الف مبروك العربية و يازين ما اختارت بصراحة ربنا يباركلك فيها و يكفيك شرها

بالنسبة للفرش ارشحلك جينز كار انا عاملة عندهم فرش لعربيتي اول ما اشتريتها السنة دي و شغلهم ممتاز بصراحة

**Sehsss** · 11-11-2011 09:59 AM

مبرووووووووووووووووك

**EhabVet** · 11-11-2011 03:26 PM

أولا ربنا يباركلك في عربيتك وتستخدمها في رضاه
ثانيا بالنسبة للسؤال ده:

المشاركة الأصلية كتبت بواسطة wadlaziz

فى حاجه بقى حد سمع ان فى مشكلة فى فرامل النيسان زى تيوتا الى اتسحبت لانى حصلت معايا مرة واحدة بس وانا بعدى مطب بس اخدتة بسرعة شوية لقيت الفرامل بترد كده عارفين لما تبقى فى ممانعة كده فى الفرامل ؟؟؟

فأعتقد بشده إن ده نظام الـ abs لأنك ضغطت على الفرامل جامد عشان تخفف السرعة فجأة .. وده طبعا ميزة كبيرة مش عيب في العربية .. فياريت تطمنا وتقولي استنتاجي طلع صح ولا غلط

**WalidAdel** · 11-11-2011 03:57 PM

المشاركة الأصلية كتبت بواسطة wadlaziz

ردا على عدم الثبات بعد ال 140 انا سافرت بيها اسكندرية وجبت بيها 200 والعربية زى الفل (هاتش باك)

اولا مبروك علي العربيه و ربنا يباركلك فيها و يديك خيرها يارب
بخصوص النقطه دي اي عربيه هاتش بالك هاتبقي ثابته ماشاء الله عن السيدان لانها اتقل حاجه بيسطه

موضوع ال200 ده كانت عامله ايه علي الطريق او حتي علي 160 كنت ممكن تاخد غرز عادي ولا هاتكون مقلق و ياريت تقولنا كانت العربيه ماليانه ولا فاضيه فيها ركاب يعني ولا حضرتك كنت لوحدك و كان فيه شنط مثلا كده يعني

انا شوفت واحد مظبط تيدا هاتش باك كان موطي العربيه بس مكنتش عارف هل مغيرلها عفشه ولا قاصص في المساعدين و كده بس كان شكلها ظريف و الغريب انه مكنش مجنط كانت بالجنوط الاستوك بتاعتها