الموضوع: مسافر السعوديه باذن الله ومحتاج نصائحكم

المشاركة الأصلية كتبت بواسطة a.saad

ربنا يوفقك يا مصطفى
هتوحشنى

الله يخليك يااحمد باشا
انت حتوحشنى اكتر والله
كان نفسى اشوفك قبل ماسافر

المشاركة الأصلية كتبت بواسطة mokhtar

السلام عليكم
اولا ربنا يوفقك فى حياتك العمليه فى السعوديه ويارب تبقى فاتحه خير عليك وتحقق كل اللى تتمناة
هاحاول افيدك على قد ماقدر من خبرتى المتواضعه فى دبى الامارات سابقا ودلوقتى من اقامتى فى قطر

احسن حاجه فى السفر ده لو انك ان شاء الله هتبقى عايش فى مكه وده فعلا حلم لناس كتير وانا اولهم هتقدر تعمل عمره كل فتره وهتبقى قريبمن المسجد الحرام وهتقدر تحج ونفسيتك هتبقى على طول مرتاحه يكفى انك فى اطهر مكان على وجه الارض

اولا كويس انك عملت توكيل لوالدك لكافه المعاملات هيريحك كتير

بالنسبة لتشترى من مصر وايه من هناك:
اولا الهدوم معظم السنه هتبقى لابس صيفى حاول تخلى اللبس الاكتر صيفى بس ده مايمنعش انك مسافر على ايام البرد يعنى خد معاك لبس بيت مثلا بناطيل وتى شيرتات بكم وممكن سويت شيرت او بلوفر مش تقيل اوى لايام البرد بليل بس يعنى لبسك ينحصر اغلب اوقات السنه على التى شيرتات وقمصان نص كم او كم و بناطيل جينز او كلاسيك للبيت برمودا وشورتات وكده اللبس فى السعوديه كويس واسعاره معقوله يعنى انت خد معاك بس مش كتير اوى او لو كنت ناوى تجيب حاجه ماتجيبهاش من عندك ممكن من السعوديه فيه عندك مجمعات ومولات كتير جدا اسعارها معقوله وتشكيلات كتير وصناعتها كويسه هندى او صينى زى
سلسله سنتر بوينت ودى سلسله محلات ومولات للملابس اصلا يمتلكها هنود وموجوده فى كل الخليج وبعض دول شرق اسيا فيها محلات :1- ماكس وده فيه كل انواع الملابس من البيبى الى عنده يومين للحريمى والرجالى كلاسيك وكاجوال هدوم بيت وغيارات وكل اللى تتخيله واسعاره كويسه اوى
2- سبلاش : وده زى ماكس بالزبط بس يمكن اغلى شويه / 3- شومارت او شو اكسبريس ده متخصص بالاحزية كوتشيات وجزم واسعاره كويسه جدا
كل التعلقات الصغيره هناك احسن وارخص من مصر متشيلش نفسك على الفاضى برفانات كريمات شامبوهات مكن حلاقه كل حاجه هتلاقيها هناك

ممكن تخلى اللاب توب معاك السنه دى وتبقى تسيبه فى مصر لما ترجع اول اجازه لانك بتقول انك مش عايز اول فتره تصرف كتير ممكن تبقى تجيبلاب تانى من السعوديه قدام شويه لما ربنا يكرمك والموبايل الجالاكسى عادى مفيهوش مشاكل .
طبعا فيه عندك تامين صحى بس الادويه غاليه جدا هناك عشان كده حاول تاخد معاك شويه ادويه الى بيكون شائع استخدامها زى مسكنات للبرد او الانفلونزا مثلا داى اند نايت او انتينال بتاع النزلات المعويه والام المعدة فوار املاح او هضم ممكن قطرات للعين هنا البنادول بتاع الصداع احسن من الى فى مصر
العسل النحل الابيض فعلا هناك مش حلو خالص وتحس انه مغشوش ممكن تاخد معاك منه لو متعود تستخدمه

بالنسبه لخطوط الموبايل المصرى ملهاش لازمه لو مش عايزهم يتوقفوا اديهم لاى حد يفضل مشغلهم كل فتره يعمل مكالمه منهم مثلا انما ملهمش لازمه هناك
الشنطه انت ليك وزن لو على مصر للطيران تقريبا 40 كجم تحت فى العفش و7 كجم فوق فى الطياره
لو انت لسه مطلوب للتجنيد يعنى كنت قضيت فتره تجنيد او اخدت تاجيل ومعدتش 30 سنه لازم تعمل تصريح سفر من من منطقه التجنيد الى انت تابع لها وبيتعمل قبل السفر على طول بيومين تلاته بالفيزا على فكره ماتقدرش تسافر من غيره او انت مازلت مطلوب للتجنيد

فيه حاجه اسمها تصريح عمل بيتعمل فى مكتب تصاريح العمل لدى الهيئات الاجنبية تبع وزاره الداخليه السنه ب 100 جنيه وده غاليا بنسبة 70 % مش بيطلبه منك فى المطار بس لو طلبه منك ومش معاك ممكن يرخم عليك ويقدر يمنعك من السفر حاول تعمله وتبقى فى التمام
المهم حاول تحدد اهدافك من السفر ده وربنا يكرمك ان شاء الله وتحقق الى تتمناه

متشكر جدا على النصايح الغاليه دى يامختار باشا

المشاركة الأصلية كتبت بواسطة a.saad

مصطفى
لو خدت اللاب
خد بالك يبقى فيه كمبيوتر تانى فى البيت لو هتكلم على النت مع اهلك ؟؟

انا عندى كمبيوتر تانى فى البيت
بس انا قررت اسيب اللاب فى البيت لانى لو خدته اختى حاتشترى واحد تانى لانها اتعودت على اللاب وكمان كمبيوتر البيت قديم فقولت اشوف هناك انا حاجه مستعمله او موديل قديم شويه حتكون ارخص

المشاركة الأصلية كتبت بواسطة honda4ever

وعليكم السلام ورحمة الله وبركاته
ربنا يوفقك يا مصطفى وييسرلك أمورك هناك

أيوة كدة..واحد إن شاء الله هيخلع أهو :)

الله يخليك وادعيلى انها تتم على خير

المشاركة الأصلية كتبت بواسطة abomuslm

أولا ربنا يوفقك فى السفر وإن شاء الله تحقق ما تتمنى
ثانيا كن صبورا طويل البال، على رأي أهل السعودية (وسع صدرك)، فالمعاملات هنا قد تكون شديدة ولكنها طباع القوم، ولا يكن رد فعلك عنيفا
ثالثا الملابس رخيصة فلا تشغل بالك بكثرة الملابس ، خذ ما يكفيك لمدة شهرين أو ثلاثة ثم تستطيع أن تشتري ما تشاء بعد ذلك، ولا تكثر من الملابس الشتوية لأن فترة الشتاء قصيرة جدا ومكة ذات جو حار إلا فى ليل الشتاء أما نهارا فحار
رابعا إذا كنت مسافر على مصر للطيران فالوزن المسموح به هو 46 كجم يقسم على حقيبتين، أما إذا كنت ستسافر على الخطوط السعودية فالوزن المسموح هو 35 كجم حتى 40 كجم ويسمح لك بحقيبة صغيرة تصعد بها للطائرة شرط ألا تحتوى على سوائل أو أدوات حادة أو خطرة أو غازات
خامسا لا تحدث أحد بأسرارك إطلاقا وخاصة زملاء العمل
أخيرا اى استفسار انا فى الخدمة

متشكر على النصايح الغاليه دية

المشاركة الأصلية كتبت بواسطة fahdebnyonis

وهيهون عليك تسيب لوجي

معلشى بقى ظروف
عموما هى موجوده مع اختى وهى عربيتها اساسا والحمد لله انها دلوقتى بقت عندها خبره معقوله فى السواقه

المشاركة الأصلية كتبت بواسطة shnory

ربنا يسهلك حالك يا مصطفي ويكرمك
لو كفاله شركه يبقي اتكل علي الله ومتقلقش
هو المرتب مش حلو ومش وحش وانت تقدر تكيف امورك براحتك هناك واديك بتجرب
لو كفاله شخص
اوعيييييييييييييييييييييي يييي
ال2500 دول ممكن تروح تلاقيهم 1000
بالنسبه للسكن فكله بيسكن في سكن مشترك ودي مش مشكله
شوف موضوع العربيه لانهم المفروض بيدولك عربيه خاصه بيك

الله يخليك ياشنورى
ادعيلى انت بالذات لان دعوتك مستجابه
الحمد لله هى كفالة شركه وده اللى مطمنى
المرتب انا شايف انه معقول كبدايه واحسن من مصر وربنا يسهل والامور تكون احسن مستقبلا مع اثبات الكفائه هناك

المشاركة الأصلية كتبت بواسطة saadelden

بص يا فندم اكيد فيه زياده
بس فيه شركات بتعمل زياده سنويه بعقد سنوي
و فيه شركات بتجدد العقد كل سنتين زي عقدك كدا و هتلاقي الزياده مع كل تجديد عقد

فيه طبعا مكافئه نهايه الخدمه بتاخدها اما عقدك يخلص و هاتنزل نهائي و مش هاتجدد

فيه عندك بردو سكن او بدل سكن
يدوك عربيه بالبنزين بالصيانه او يدوك بدل انتقال
يدوك تأمين صحي و دا اهم حاجه لان فعلا هناك الادويه معظمها غالي جدا

حاول تاخد ادويه للبرد و الانفلونزا و ادويه للمعده بس كدا
يعني خلي معاك في حدود علبتين من كل دوا و بس علي كدا
و عموما التأمين الصحي المفروض بيوفرلك دوا ببلاش او علي حساب الشركه او بتدفع 10% من قيمه الفاتوره

الاجهزه هناك عموما رخيصه
موبايلات - كمبيوترات - كاميرات - اجهزه منزليه - .... كله رخيص و ماركات كويسه

بس دقيقه الموبايل هناك غاليه ف المفروض بردو تكون الفاتوره علي الشركه او الموبايل يكون شخصي ليك و الشركه توفرلك تليفون ارضي مثلا

بالنسبه للعربيه
البنزين ببلاش - الزيت ببلاش - لكن قطع الغيار غاليه جدا ف لازم الشركه هي الي تصلح العربيه لو فيها حاجه
الميكانيكيه بردو اي كلام . مش اي ميكانيكي بيشتغل و يظبط العربيه
كل حاجه هناك يقولك فك و ارمي و هات غيره


الهدوم بالنسبه لمكه ف هي برد هي و المدينه ف هات معاك هدوم شتوي لانك هاتحتاجها الكام شهر الي جايين
و خلي بالك ان فيه سيول في الشتا

متشكر يابشمهندس سعد على النصايح الغاليه

المشاركة الأصلية كتبت بواسطة h13868

اولا ربنا يوفقك
ثانيا
ما تاخدش اى ادويه معاك الا علبه بنادول للصداع لحين انهاء الاقامه وكارت التامين وفى الغالب ممكن تروح كل يوم تكشف ب 5 ريال والدوا ببلاش يعنى عندك صداع تروح تكشف وتاخد ادويه ارخص ما تجيب من الصيدليه دوا للصداع
لكن المهم تظبط اسنانك لان الاسنان خارج التامين
ثالثا خد معاك رخصه السواقه وفيها مده اكتر من سنتين والا حتدخل مدرسه وتدفع مرتب شهر عليها غير الوقت الضائع
خد معاك 20 صوره شخصيه لان المصورين فى السعوديه عار وحتحتاجهم من اول يوم لوصولك
خد معاك موبايلك مشحون واول ما تنزل المطار اشترى خط علشان تكلم الادارى اللى حيستناك لان مطار الرياض مفهوش تليفونات عمله او ما شابه
كل ورقك اعمله سكان وخليهم على الميل بتاعك
خد معاك نواشف من الفرن الافرنجى
العسل الاسود والفسيخ والرنجه السعوديه اغلى من مصر
الموبايل فى السعوديه والاب توب سعرهم ما يستهلوش قرف الشيل

كويس انك نبهتنى لموضوع الصور ده انا كنت واخد معايا 12 بس كده اعمل عليهم 12 كمان
وحعمل اسكان لورقى المهم كله ودى فكره كويسه برده
رخصة السواقه لسه مجددها الحمد لله
الفسيخ والرنجه مليش فيهم خالص
ان شاء الله حاجيب اللاب من السعوديه بس الموبايل حاخليه معايا علشان الارقام اللى متخزنه كمان