سؤال بخصوص المساحات

**moumen_hs** · 12-11-2011 03:52 PM

المشاركة الأصلية كتبت بواسطة y2y1500

حسبى الله ونعم الوكيل ده راجل لامؤاخذة مستخصر يحافظ ع العربية واول ما بدأت تحتاج تصليح وتغيير لقطع غيار دورية باعها وخلص منها :_alshmokh08[1]::_alshmokh08[1]::_alshmokh08[1]:
ياريت تقولنا حالة العربية عاملة ايه عموما وماشية كام كيلومتر

ونصيحة من اخ لأخوه روح اكشف عليها فى اى توكيل نيسان بالكومبيوتر لتحديد حالتها بالزبط وايه اللى محتاج يتغير فى العربية واعمل مقايسة واتواصل معانا
بدل ما كل شوية تشتكى من حاجة ظهرتلك كده غير المساحات والموضوع مش هايكلفك اكتر من 150ج

فعلا أنا مع الاخ الكريم لو فى التوكيل بيعملوا اصلاح بالسعر دة 150 مقايسة وتعرف الى فى العربية بالضبط احسن حاجة وبعدين ابقى صلح الى انت عايزة وعلى حسب ظروفك وانا زى حضرتك لسة شارى صنى 2009 وعندى مشكلة فى لمبة الاير باج بس للاسف حبيت اروح توكيل مودرن فى الدقى لاقيتة زحمة جدا واول ميعاد ممكن تحجز بعد اسبوع فشوف مراكز السبع افضل وخصوصا المعادى وربنا يوفقك

**Youssef.Awad** · 12-11-2011 05:23 PM

المشاركة الأصلية كتبت بواسطة ismailll

هي عاملة 40000 كيلو وحالتها كويسة جدا
بس طبعا اكتشفت ان قالب منها الكاسيت وحاطط كاسيت تاني , ومغير الفرش بفرش تاني , وربنا يسامحه
ان شاء الله في اقرب فرصة هاروح التوكيل واكشف عليها ,

زى ما باقولك يا باشا
روح واطمن لأن واحد زى ده اشك انه غير بوجيهات او فلاتر وخصوصا فلتر الهواء - اكشف عليه كده هتلاقيه اسود هبابة - او تيل فرامل او اى حاجة
صيانات ال40 وال80 وال120 كمان بيتغير فيهم السيور
فى الكشف اللى هاتعمله هيراجعوا على كل حاجة ميكانيكا وكهرباء وعفشة وتغيير مياه دورة التبريد وكل حاجة من ايريال الراديو لحد الكاوتش اللى اكيد ما كانش بيعملوا تدوير ومحتاج يتغير وابقى طمنا ونصيحة روح السبع- المعادى او اتوايجيبت ابو رواش وابعد عن مودرن لو هايركبولك الحاجة ببلاش عشان ما تكرهش نفسك والعربية فى يوم واحد

**FBIAhmed** · 12-11-2011 05:57 PM

بص حضرتك ده schematic لعلبة الفيوزات الي تلاقيها لو فتحت درج العمله للاخر لتحت وشديته لتحت وراه فيه فيوزات بص على الرسمه دي و غير الفيوز ده و عينة الاخ الي انت شاري منه العربيه ده كتير و دي وجهة نظر برضه بس مش صح

على العموم الرسمه دي فيها رقم الفيوز بتاع المساحات و قدرته 20 امبير متركبش اكبر و لا اقل و هو هيبقى خامس واحد في الصف الاخير من الشمال

**moumen_hs** · 13-11-2011 12:30 PM

المشاركة الأصلية كتبت بواسطة fbiahmed

بص حضرتك ده schematic لعلبة الفيوزات الي تلاقيها لو فتحت درج العمله للاخر لتحت وشديته لتحت وراه فيه فيوزات بص على الرسمه دي و غير الفيوز ده و عينة الاخ الي انت شاري منه العربيه ده كتير و دي وجهة نظر برضه بس مش صح

على العموم الرسمه دي فيها رقم الفيوز بتاع المساحات و قدرته 20 امبير متركبش اكبر و لا اقل و هو هيبقى خامس واحد في الصف الاخير من الشمال

والله أنت راجل محترم جدا دة انت ناقص تروح بنفسك تصلح العيب ربنا يجازيك خير

**mff_629** · 13-11-2011 01:54 PM

100 100

**ismailll** · 11-12-2011 09:45 AM

[QUOTE=fbiahmed;3873925010]بص حضرتك ده schematic لعلبة الفيوزات الي تلاقيها لو فتحت درج العمله للاخر لتحت وشديته لتحت وراه فيه فيوزات بص على الرسمه دي و غير الفيوز ده و عينة الاخ الي انت شاري منه العربيه ده كتير و دي وجهة نظر برضه بس مش صح

على العموم الرسمه دي فيها رقم الفيوز بتاع المساحات و قدرته 20 امبير متركبش اكبر و لا اقل و هو هيبقى خامس واحد في الصف الاخير من الشمال

الحمد لله يا جماعة ..........
المشكلة اتحلت,,,
اولا: انا فكيت درج العملة وفكيت الالفيوز الخاص بالمساحات, وللأسف لاقيته سليم,
يبقى ما فيش اني لازم اروح للكهربائي
توكلت علي الله و روحتله , اول حاجة عملها , بص ع الفيوزات, لقاها سليمة
راح فاتح الكبوت, وشال المساحات والغطا الفيبر’, ولقا التوصيلات سليمة,
وبدا يحل ماتور المساحات من مكانه, وبعدين فك الماتور من جوة, وكانت المفاجاة...........
الماتور كان مليان ميه,. وغرقان من جوه, راح جايب بخاخة منظف واديلله يا معلم....(وغير وصلة نحاس قد شريحة الموبيل كده كانت مصدية ولحمها)
جرب المساحات بعد ما ركبها لقاها تمام التمام, فقلتله ايه المشكلة وايه اللي دخل الميه جوه؟
قاللي ان الماتور ده مفتوح قبل كده ومفروض غطاء الماتور يكون مربوط باربع مسامير , فالصنايعي اللي فكه معرفش يصلحه , فقفل الغطاء بمسمارين بس, وخلا الميه تخش من الأولسيه (oil seal) بتاع الماتور.
الحمد لله المساحات شغالة زي الفل , وشكرا يا جماعة على مجهوداتكم معانا,
كفاية ان الواحد عرف مكان الفيوزات, واسمائها ووظيفتها........

**Dr'AhmZZong** · 12-12-2011 01:18 AM

المشاركة الأصلية كتبت بواسطة y2y1500

حسبى الله ونعم الوكيل ده راجل لامؤاخذة مستخصر يحافظ ع العربية واول ما بدأت تحتاج تصليح وتغيير لقطع غيار دورية باعها وخلص منها

ياريت تقولنا حالة العربية عاملة ايه عموما وماشية كام كيلومتر

ونصيحة من اخ لأخوه روح اكشف عليها فى اى توكيل نيسان بالكومبيوتر لتحديد حالتها بالزبط وايه اللى محتاج يتغير فى العربية واعمل مقايسة واتواصل معانا
بدل ما كل شوية تشتكى من حاجة ظهرتلك كده غير المساحات والموضوع مش هايكلفك اكتر من 150ج

**Dr'AhmZZong** · 12-12-2011 01:18 AM

المشاركة الأصلية كتبت بواسطة fbiahmed

بص حضرتك ده schematic لعلبة الفيوزات الي تلاقيها لو فتحت درج العمله للاخر لتحت وشديته لتحت وراه فيه فيوزات بص على الرسمه دي و غير الفيوز ده و عينة الاخ الي انت شاري منه العربيه ده كتير و دي وجهة نظر برضه بس مش صح

على العموم الرسمه دي فيها رقم الفيوز بتاع المساحات و قدرته 20 امبير متركبش اكبر و لا اقل و هو هيبقى خامس واحد في الصف الاخير من الشمال

شرح وافي ما شاء الله ..