السلام عليكم يا جماعه انا في السوق وقدامي فابيا 2003 1200 سي سي حالتها جامده فابريكه بره وجوه ونضيفه اوي بيقول طالب 48 الف . ايه رايكم؟ في ناس بتقول ال 1200 مش كويسه يل تري ليه؟
بصراحه العربيه عجباني اوي وممتازه وكامله منوال
شكرا للنصيحه
السلام عليكم يا جماعه انا في السوق وقدامي فابيا 2003 1200 سي سي حالتها جامده فابريكه بره وجوه ونضيفه اوي بيقول طالب 48 الف . ايه رايكم؟ في ناس بتقول ال 1200 مش كويسه يل تري ليه؟
بصراحه العربيه عجباني اوي وممتازه وكامله منوال
شكرا للنصيحه
لا والف لا لأسباب كتيرة جدا
طب لو سمحت ممكن تقوللي الاسباب؟ ولو سمحت لو في تفاصيل اكون شاكر جدا
لا لا لا عربية موديلها داخل في 10 سنين و فين و فين لما الواحد يشفلو وحدة و د أكيد أكيد يخلي في مشاكل في قطع الغيار و إنت بتدفع مبلغ مش بسيط داخل في 50,000 جنيه أرجوك بلاش و جيب عربية ذي العربيات المنتشرة أهي كلو مشي بدل ما تطلع روحك عشان تجيب حتة حديدة حزينة بس هي كافية انها تعطل مصالحك. و أكيد هتوجع جيبك.
و أكيد كمان سعر إعادة البيع بعد 3-4 سنين هيكون في الضياع.
ربنا يعملك الصالح - أخوك أحمد سامي
ياريت شويه شرح للاسباب
العربيه دى حلوه قوى ومميزاتها كتير ممكن تكون غاليه شويه صحيح
بس ياريت حضرتك تقولنا الاسباب ايه فى الرفض
يا ريت - لأن فعلا العربية كويسة وانا شايف انها افضل بكتيييييييييير من الكوري اللي واكل دماغ الناساقتباس:
المشاركة الأصلية كتبت بواسطة lion1111
بس كل اللي بسأل عليه قطع غيار الموديل ال 1200 ؟
وهل في مشاكل شائعة في وحدة التحكم مثلا ؟
وفي مراكز خدمة ليها بأسعار معقولة ؟؟
يا ريت يا جماعة حد من اللي معاه الموديل ال 1200 سي سي يفيدنا
أدخل حضرتك قسم سكودا و دور هناك على الفابيا إلي ليها و إلي عليها ... بس نرجع تاني لحتت الانتشار، كل ما أي عربية تشوفها كتير يبئة هيكون مغري لاي تاجر أو مستورد إن يجيب قطع غيارها عشان هيعرف يصرفها بسهولة لكن لما عربية ذي الفابيا تعتبر نادرة الوجود يبئة محدش هيقبل أوي على إستيراد حاجتها ماهو حيصرفهة ازاي ؟ لكن عربية ذي 128 أو lanos قطع غيارها الاصلي و الإستيراد و حتى التقليد كلو موجود في أماكن كتير. العربية نادرة الوجود دي بتدي برستيج لل راكب العربية دي و بتالي التاجر لازم يعوض خسائره بتاعة قلت البيع لقطع الغيار دي
عن طريق زيادة السعر. اتمنى تكون رسالتي وصلت. و مش معنى إن سوق العربية دي تعبان في مصر يبئة العربية وحشة لكن نعمل إيه ؟ هي دي بلدنا و لله الامر. ربنا يعملك الصالح.
شكرا جزيلا لردك وأتفهم وجهة نظرك ..
ولكن كنت بسأل المهم بالنسبة لي - هل للعربية ال 1200 بالذات أعطال معينة او قطع غيار مش موجودة ؟؟
لأن في ناس شكرت فى ال 1000 وال 1400 وقالت سيبك من ال 1200 ؟؟!!!
فأنا عايز أفهم النقطة دي .. ليه ال 1200 لأ ؟؟
شكرا جزيلا لردك وأتفهم وجهة نظرك ..
ولكن كنت بسأل المهم بالنسبة لي - هل للعربية ال 1200 بالذات أعطال معينة او قطع غيار مش موجودة ؟؟
لأن في ناس شكرت فى ال 1000 وال 1400 وقالت سيبك من ال 1200 ؟؟!!!
فأنا عايز أفهم النقطة دي .. ليه ال 1200 لأ ؟؟
يا جماعة عيب كدة
ياريت إللى يقول على حاجة وحشة أو حلوة يقول الأسباب
مش يكره الناس فى موديل عشان هوا مش بيحبو أو لأى سبب تانى
مش كدة يعنى !!!!
ولا أيه يابو طارق ؟؟؟
بص يا باشا انا معاية فابيا 1000 سي سي وكنت في نفس المشكلة لما جيت اشتري وعلي حسب معلوماتي الفابيا ال1200 مش كويسة في صيانتها وقطع غيارها لان ال1200 اللي نزلت مصر 3 سلندر بينما ال1000 وال 1400 4سلندر وقطع غيارهم موجودة عن ال1200 وبيركبلهم قطع غيار اكتافيا كمان وبالنسبة للسعر فهو غالي جدا كمان
فنصيحة بلاش ال1200 وده بناءا علي كلام صنايعية كتير فلو عايز تركب فابيا بلاش ال1200
وطبعا للناس اللي بتقول خليك في العربيات المنتشرة ده كلام صح مش غلط بس معلش في فرق كبير اوي اوي بين الالماني مثلا والكوري يعني ميبقاش معاية ثمن عربية الماني واقول لا اجيب الكوري عشان منتشر بالنسبالي كلام مش منطقي تماما وربنا يوفقك
طبعا قله الانتشار ده عيب كبير عشان قطع الغيار ممكن تكون مش موجوده بوفره دى مشكله كبيره طبعا غير ان المستورد فعلا راح يغلى تمن قطع الغياراقتباس:
المشاركة الأصلية كتبت بواسطة Amr_Azab
بس لو قطع غيار اكتافيا يمشى معاها تبقى روعه
وياريت حد ياكد المعلومه دى من اصحاب الفابيا
لان المعلومه دى هتسهل كتير قوى علينا
معلشى ليا سؤال تانى
ممكن نمون الفابيا دى بنزين 80 ولا لا
:satelite:
علي فكرة العربية موجودة وقطع غيارها متوفرة عادي بس المشكلة اللي بييجي يقارن بيقارن انتشار الفابيا باللانوس مثلا وعلي هذا الاساس بيقول انها مش موجودة كتير
العربية موجود منها كتير وفي منها الهاتش باك وفي السيدان وقطع غيارها متوفرة مفيهاش مشكلة واسعارها معقولة الي حد ما وبالنسبة لموضوع قطع غيار الاوكتافيا فأكيد مش كل حاجتها تركب علي الفابيا فقط بعض الاشياء ودي اسعار بعض قطع الغيار
فلتر بنزين هو هو بتاع ال a5 ( سعره = 135 جنيه الماني )
فلتر هواء ( 75 جنيه الآصلي )
فلتر زيت ( 35 جنيه )
ترموستات ( 110 جنيه الآصلي )
2 فانوس امامي ( 520 جنيه ) مش أصلي تايواني تقريبا
2 فانوس خلفي ( 390 جنيه ) مش أصلي تايواني تقريبا
وبالنسبة لموضوع البنزين الـ80 فمينفعش نهائي ولا ال90 حتي
العربية يتحطلها 92 تمام اوي لكن أقل من كده تضر الموتور ولاحظ الكلام ده في اي عربية فابيا حتلاقيه مكتوب علي غطاء التنك من جوة البنزين من 91 الي 95
زي ما قال بشمهندس عمر
ابعد عن ال 1200 سي سي علشان هي 3 سليندر ولو الموتور فيه حاجه مبيتصلحش
وقطع الغيار غاليا شويه بس موجوده و هي تمنها فيها
وهي عربيه ثابته علي الارض و سحبها كويس وعاليه نسبيا متحكش في المطبات
لو حتجيب فابيا جيب واحده حالتها كويسه ومش متهانه علشان لو متهانه حتتعبك
انا عندي ال1400 ومريحاني كتير والحمد لله ثبات وامان ومريحه في الصيانه
انا سمعت انها 3 سلندر ولو حاجة باظت بتغير موتور
هل قطع غيار الاوكتافيا ممكن تركب عليها ولا لا
او اى قطع غيار اخرى
انا اشتريت سكودا فابيا 1400 سي سي من 3 شهور كده والعربيه ممتازه بس انا اضحك عليا فيا وصارف عليا كتير جدا بتاع 8000 جنيه لحد دلوقتي ولسه هغير الموتور كمان تقريبا مفيش حاجه متغيرتش بص لما تيجي تشتري الفابيا بالذات نصيحه مني
1-اكشف كمبيوتر ولو طلع ليك خطأ واحد بس متشتريهاش خالص لان لما حساس بيبوظ بيأثر على العربيه
2-دور العربيه واقفل الشبابيك كلها وشوف صوت الماتور عامل ازاي
3-افتح الكبوت ودور العربيه وشوف صوت الماتور ثابت ولا لا
4-بص على النصف الي فوق من الماتور واتأكد ان مفيهوش سيلكون خالص
5-حاجه ودي اهم حاجه دور العربيه وخلي حد يدوس بنزين جامد واتاكد ان الشكمان مش بيطلع دخان اسود او ابيض
ونصيحه مني خليك في ال 1400 سي سي وبالنسبه لقطع الغيار موجوده متقلقش سير كتينه جنزير وبور كهربه والعربيه ناعمه جدا وسحبها عالي وثبات ممتاز انا بجيب 150 مرتاح وكمان الماتور بياكل زيت بالك لو مظبوط ;)
باب خلفي كامل فبريكه مفيهوش خدش في الحرفين 500 جنيه
بابين امامي كاملين كهرباء 1800 جنيه
انا قلت انصحك على شان متكنش ضحيه زي
أستاذ </B>abdallah937
فى البدايه احب أعرفك بنفسى, أنا محمد بكر عضو هنا فى منتدى نايل موترز
المهم أنا برضو اشتريت فابيا 1000 سى سى من شهرين
العربيه حلوه جدا والحمد لله, بس فاضيه خالص ولا تكييف ولا باور ولا ازاز كهرباء
فنويت انى اغير الموتور الى 1400 بكل حاجته 2 كامه
فكنت بقول ممكن اتعرف على حضرتك و ننزل نسأل مع بعض على المواتير و ندور و نتأكد من كل حاجه
السعر, المواصفات, الضمان و أن شاء الله خير
حد يشتري فابيا ١٤٠٠ سي سي موديل ٢٠٠٢ ؟
السلام عليكم و رحمة الله
انا عندي اسكودا فابيا 2006 مانيول هل ممكن تتحول اوتماتيك
كنت سالت و قالولي لو في موديلها اوتماتيك يبقى ينفع هل ده صحيح
طب الفتيس الاوتماتيك بيتباع فين و سعره كام
ارجو الافادة و شكرا
انا اشتريت فابيا 2004 1200cc.
العربيه جميله من حيث الثبات و كل حاجه بس هى عيبها انها 3 سليندر و الصنايعيه المصريين بيتوهو فيها و انا كمان كان مضحود عليا الى باعهالى كان عامل عمرة و مقليش عليها علشان كده صرفت كتير بس انا ريحت دماغى علشان انا بحب الفابيا انا اشتريت ماتور 2000cc.
من الحرفين بكل حاجه و لسه بركبه انشاء الله لما يخلص هبقى اعرفكم الفرق بين القديم 1200 و الجديد 2000 بتربو D:
الفابيا خاصة والسكودا عامة من احب العربيات الى قلبى وكنت باتمنى وقتها انى اركبها زيرو وكانت ب76 الف ج فى 2005
وفعلا ال1200 سى سى موتور قوى العزم htp = high tourque performance وفعلا 3 سلندر بس قوى والاهم حالة العربية وموتورها وفتيسها زى ما الاعضاء قالولك
ال1000 سى سى ما تتركبش وما يتدفعش فيها فلوس وال1400 الانسب عشان العربية تقيلة
نفس.عيوب.الاسكودا.السخونية. والموتور.ابعد.احسن.شولك.كور سا.او.ياريس.ربنا.يوافقك
الفابيا مفيهاش موضوع السخونية والموتور بتاعها زي الفل ...والاستاذ الفاضل اللي بيقول الـ1000 سي سي متتركبش وميدفعش فيها فلوس ...الكلام ده عن تجربة ولا ايه ؟!! لآن انا معاية ال1000 سي سي وزي الفل
معرفش عن تجربه ولا لااقتباس:
المشاركة الأصلية كتبت بواسطة amr_azab
بس انا و انت جربنا و عارفين ان 1000 سي سي مش زي ما بيقول
على فكره أنا معايا سكودا فابيا 1000 سى سى و الحمد لله العربيه عجبانى جدا
أنا بجيب اخر العربيه 140 كم ولا بتسخن ولا حاجه
+11111اقتباس:
المشاركة الأصلية كتبت بواسطة mo7madbakr
بالظبط وده اللي انا بقوله
انا بردو معاية نفس العربية وجبت بيها 160 والحمدلله ثبات واداء زي الفل وعمري مواجهت موضوع السخونية ده نهائي مع العلم اني مش معدل اي حاجة في العربية (كل حاجة الاصلي بتاعتها) فمابالك لو عملت شوية اضافات كده زي تعديل البوجيهات بالسبليت فير مثلا او فلتر سبور والكلام ده كله..