من فترة
وانا راجع بالليل متأخر
لقيت موبايل في الشارع
او بمعني اصح بقايا موبايل
لقيت بوردة موبايل بالشاشة في ناحية وبعدها بشوية شاسية الموبايل والكفر اللي ادام
ملقيتش الغطا اللي ورا ولا البطارية
واضح ان الموبايل وقع من جيب حد هو نازل من تاكسي او ميكروباص
انشغلت كام يوم
وبعدين نزلت جبت له بطارية وضهر ورا وشحنته واستنيت حد يتصل يقولي بتاعي
ابدا
بصراحة مكنتش فاضي لا ادور علي صاحبه ولا حاجة
المهم انه بقاله معايا حوالي شهر
مرة واحدة بنت اتصلت عليه وقلتلها انا لقيته لو تعرفي صاحبه خليه يكلمني عشان ابعتهوله
ولا الهوا
المهم انا مش عارف اعمل فيه ايه
لو كان فلوس كنت تصدقت بيها علي ذمة صاحب الموبايل
او حطيتها في جامع
لو كان حاجة ممكن يستفيد بيها محتاج كنت اديتها له
طب اعمل فيه ايه