طارة سبورت momo copy ..وعلبة شكمان devil للبيع

**misoalex** · 12-11-2011 10:03 PM

المشاركة الأصلية كتبت بواسطة azofomatshofo

أولا يا باشا في حاجة اسمها سلام عليكم
ثانيا براحة عليه شوية ....الكلام بيبقى باسلوب اظرف من كده ...إنت داخل بتتخانق مش بتتكلم فخلي بالك شوية من كلامك
ثالثا ممكن يبقى علبة الشكمان يكون اضحك عليه فيها وده وارد ....زي ما أنت اضحك عليك برده في حاجات كتير لحد متعلمت مين الكويس من الناس اللي ممكن تتعامل معاه ....ولا ماحدش ضحك عليك قبل كده ...صح يا معلم ولا انا غلطان ...و بالتالي أنا ببيع بالسعر اللي هو برده من السعر اللي مضحوك عليه بيه
رابعا أنا معايه civic 94 sir ...ومفيش زوور ردي يركب عليها ...ولفيت أحمد سعيد من أوله لاخره وشارع دمشق من أوله لاخره والتوفيقية كلها ...مالقيتش حاجة ركبت عليهـا...شغل العك بقى بتاع الخراطين وافصل زوور واعدل مشرشار والكلام ده ..مش سكتي ...معلش إنت ممكن تبقى عايز تساعد ..كتر خيرك ...بس برده ده بالنسبالي عك في عك ...والحمد لله جبت momo اورجينال بالزور بتاعها من ارابكم والحمد لله ركبت ...ف مفيش مايمنع إني ابيع اللي عندي

خامسا واخيرا ودي أهم نقطة
إنت مش داخل تشتري إنت داخل تتفرج ....ممكن تحتفظ برأيك لنفسك علشان ده قسم شرا وبيع ...عرض وطلب ....تجاره يعني يا معلم ....في واحد ممكن يوافق على السعر اللي أنا عارض بيه ...وتبقى بيعة كويسة ...وفي واحد تاني زي الأستاذ ماكجايفر الله يسامحه ويهديله حاله في المشاركة بتاعته لما يقول سعر غير اللي أنا عارض بيه يبوظ بيه العرض بتاعي ....كان ممكن لما يعمل موضوع خاص على علب الشكمانات واسعارها أحسن بكتير من انه يبوظ عروض ناس تانية ....وبرده هو زيك مش داخل يشتري ...داخل برده يبوظ العرض بتاعي ...كان ممكن لما يشوف عرضي ويلاقيه مش مناسب مع سعر السوق ...يبعتلي رسالة على الخاص يوضحلي فيها وجهة نظره ....أحسن بكتير من الطريقة اللي رد بيها عليه ...الكلام ده ممكن يتعمل مع واحد نصاب داخل المنتدى يعمل مصلحته ويقلب ........لكن دي حايالة علبة شكمان وطارة

متشكر لذوقكم العالي يا رجالة المنتدى الكرام

ينهار اسود كل ده عشان كتبتلك 4 سطور تقوللى سلام ومش سلام وخناقه ومش خناقه يظهر ان كلامنا وجعك شويه عشان لاقيت ناس فاهمين هنا مش جاين من الهند

بقولك نوع العلبه ايه على اساس انك طالب 300 جنيه ومش كاتب نوع يعنى العلبه صينى
وبقولك لو انت مش لاقى الزور ممكن خراط يفصلهولك بدل متبيع الطاره بخساره وطلعت فى الاخر مومو مضروبه وعاوز فيها 200 جنيه مينزلوش مليم

ليــــــــــــه

معلش يعنى انت لبست الحاجات دى بسعر عالى جاى تلبسها لحد هنا من المنتدى ومش عاوز حد يتكلم ليــــــــــــه
اتقى الله يا استاز
الديفل ده اغلى محل عندنا بيبيعه ب 180 جنيه وفى التوفيقيه عندكم ارخص من كده لانى كنت سائل عليه
والطاره مش عاوز افتى فى سعرها جديده بس دى عمرها محتبقى بالسعر اللى حضرتك كاتبه ده جديده

وبعدين شوف كده انت كاتب ايه فوق ورجعت كتبت ايه تحت

علبة شكمان حلوة جدا وكنت حابب أسمع صوتها في عربيتي ...بس للأسف ...مراتي حلفت ماتركب العربية طول ماهي متركبة ...علشان مابتستحملش صوتها

..أنا شاريها من كريم بتاع الشكمانات في الحرفيين بالتركيب بـ 400 ....ممكن تنزله وتسأله .

يعنى حضرتك المفروض ركبتها وسمعت صوتها كمان

وانا مكانش قصدى فى اول مشاركه انى ابوظ الموضوع بالعكس انا كنت بحاول اساعدك لكن حضرتك اللى بوظت الموضوع بالكلام اللى انت كاتبه لانك كان ممكن ترد عليا بجملتين فقط
1-العلبه صينى
2-الطاره مش محتاجها عشان جبت مومو اصلى

تحياتى لحضرتك

**محمد-علام** · 12-11-2011 11:54 PM

الموضوع اتقفل

**sheko_2000eg** · 13-11-2011 01:51 AM

و اتقفل ليه يا باشا
هل تم البيع و لا انت زعلت ؟؟؟
اوعي تزعل لان انت لسة في اول الطريق معانا
و لازم تاخد كل حاجة بهدوء
متزعلش مني انت كبرت الموضوع - و بردو انت نورتنا في نايل موتورز

**محمد-علام** · 13-11-2011 10:35 AM

المشاركة الأصلية كتبت بواسطة sheko_2000eg

و اتقفل ليه يا باشا
هل تم البيع و لا انت زعلت ؟؟؟
اوعي تزعل لان انت لسة في اول الطريق معانا
و لازم تاخد كل حاجة بهدوء
متزعلش مني انت كبرت الموضوع - و بردو انت نورتنا في نايل موتورز

ربنا يخليك يا شيكو وعلى ذوقك ...أنا بصراحة مش زعلان من حد ولا كنت عايز حد يشتري حاجة مني غصب عنه ..أو حتى يشتري حاجة مني أنا لبست فيها ...بس الواحد لما بيعرف إنه لبس حاجة بيستعواض ربنا عليها وبيتمنى إنه يبيعها تاني بسعر قريب حتى من اللي لبسوا
تيجي بقى تلاقي الناس بتحسسك إنك لبست الحاجة دي ....والواحد ميبقاش ناقص بصراحة ...أنا يمكن أكون زودتها شوية ...بس فعلا كنت مضايق جدا من الردود اللي شفتها ...طب يعني واحد شاف السعر اللي أنا عارض بيه ..وشاف إن السعر غالي أو حتى علي عن سعر السوق ....ممكن يبعتلي رسالة على الخاص يوضحلي فيها وجة نظره في السعر الصح ....وساعتها الواحد ممكن يعدل في السعر وتتباع بصورة مناسبة ....لكن تيجي تلاقي زميل فاضل يقولك دي عندنا بـ 150 وعندنا بـ 190 ...ولو قلتله ماشي يا عم أنا بعتلك بـ 50 ...مش حتشوف وشه تاني ...علشان هو داخل يتفرج بس ويعلق على الموضوع بتاعي بالمنظر اللي إنت شفته علشان الناس لما تشوف تعليقه ...يقول له عليه ده بيفهم ....ماشي يا سيدي إنت بتفهم وكل حاجة بس ممكن تفهمني بصورة خاصة ....مش يحسسني إني داخل انصب على الناس .....عموما أنا مش عايز حد يزعل مني ..علشان مبحبش حد يزعل مني ...وفعلا منتدى محترم وناسه زي الفل بصراحة

وانا يا شيكو لسة مبعتش الحاجة ولسة عرضها للبيع ومش حختلف مع حد في سعرها كمان إن شاء الله وربنا يعوض عليه في حاجة أحسن منها

**magyver** · 15-11-2011 05:19 AM

ياحبيب قلبي والله انا مش داخل ابوظلك الدنيا
انا داخل اتمن الحاااااااااااااااجة فقط وزي مانت مابتقوول لبست الحااجة دة يبقي مينفعشي تلبسها لحد تااااااااااااااني صح ولا غلط الكلام

**magyver** · 15-11-2011 05:20 AM

والله ياطارق باشاا انا تحت امرك بس انت شايف الموضوع

**محمد-علام** · 15-11-2011 12:16 PM

المشاركة الأصلية كتبت بواسطة magyver

ياحبيب قلبي والله انا مش داخل ابوظلك الدنيا
انا داخل اتمن الحاااااااااااااااجة فقط وزي مانت مابتقوول لبست الحااجة دة يبقي مينفعشي تلبسها لحد تااااااااااااااني صح ولا غلط الكلام

ولا يهمك يا باشا ..وانا مش زعلان ولا حاجة وربنا يحسنلي بيعهم ...ومعرفة خير إن شاء الله