الموضوع: العربيات اليابانية أطول عمرا عن الأوروبي ليه ؟

المشاركة الأصلية كتبت بواسطة mazagangee

لاحظت ان العربيات اليابانية أطول عمرا و أفضل حالة في الأغلب عن العربيات الأوروبية اللي صنعت في نفس السنة معاها .
كمان قطع الغيار و الصيانة ارخص و اكثر انتشارا للعربيات اليابانية عن الاوروبية .

انا قارنت بين عربيتي و بين عربية جاري لقيت ان الحالة متقاربة و تميل اكتر لعربيتي
( لانسر بطة 1993 , فولكس بولو 2005 ) مع فرق الموديل و الصيانات على طول للعربيتين بس حالة البطة بعد 18 سنة افضل من البولو بعد 7 سنوات
كمان قطع الغيار بتاعتها ارخص بكتير جدا و صيانتها اسهل و ارخص


حد عنده تفسير للحكاية دي ؟

الموضوع مش كده , عامة العكس صحيح لأن العربيات الالماني مصنعة من خامات و مواصفات اعلى و ده بيخليها اغلى و قطعها اغلى دايما لكن الموضوع بيعتمد على الصيانة و الاهتمام بالعربيه و الاستعمال لكن معروف جدا ان العربيات الالماني بتحافظ على شكلها سنين و سنين دنا ليا واحد صحبي اوه معاه مرسيدس موديل 79 جيبها زيرو ولحد اناهارده زي ما هي , ده غير ان انا والدي كان معاه اودي موديل 95 عاملة 300000 كيلو و واقفة زي الاسد ,

يمكن دا راجع لان قطع غيارها غالية وتكلفة صيانتها الدورية اغلي واغلي
فا دا يخلي اصحابها قليلي الاهتمام بها بعكس الياباني .

مثلا برضه : التكييف عندي بشغله على 2 و ببقى متلج ..... في الفولكس كان على 3 و عادي جدا .
و محدش يقول عشان مفيش صيانة ... لأ الراجل بيعمل كل حاجة في العربية .
انا عامل 150 الف كيلو و هوه عامل 80 الف