دلوقتى انا معايا اكسنت ار بى مومن عليها بدون تحمل دلوقتى انا العربيه عندى اتخبطت كام خبطه كده بس حاجات بسيطه من الجنب وكام حكه من ورا وقدام
السوال بقه هل شركه التامين متكفله باصلاح الخبطات ديه او تحمل التكلفه ؟
عرض للطباعة
دلوقتى انا معايا اكسنت ار بى مومن عليها بدون تحمل دلوقتى انا العربيه عندى اتخبطت كام خبطه كده بس حاجات بسيطه من الجنب وكام حكه من ورا وقدام
السوال بقه هل شركه التامين متكفله باصلاح الخبطات ديه او تحمل التكلفه ؟
سيدي الفاضل ... من حكم خبرتي مع شركات التأمين ""إاسمع ونفز اللي ها اقولك علية من الاخر
اولا بيبقي فية حد اسمة الوسيط الشخص دة بيكون بينك وبين شركة التأمين ده ممكن تكلمة وهوا ها يدلك علي بعض الاماكن اللي ممكن تخلص معاك ومتخرجش العربية برة الضمان .... ولو مافيش ومأمن عند التوكيل برده ها تكلم التوكيل وقسم التأمين التكميلي للسيارات وهما ها يدلوك....
طيب ... تعمل اية واية النصايح اللي لازم تعرفها ......
لو التكاليف مازادتش عن 5000 جنية يبقي بدون محضر شرطة وصورتة اللي لازم تجيبها من النيابة ....
ولو اقل زي ما انتا قلت... انصح انك ما تعملهاش في التأمين ... لية علشان افترض ان انتا بتلعب (( game )) وعندك محاوله واحده فقط ... هل ها تفقدها في حاجة قليلة ؟؟؟؟؟
المهم دي معلومات انصحك انك تطبع كلامي دة علي ورقة برة علشان ماتنساش ان لو عربيتك لاقدر الله (( اتاخد رقم شاسيها )) في شركة التأمين .. ممكن ترفض تجدد العقد السنة اللي بعدها وبكده انتا بتفقد بعض العروض اللي ممكن تكون متاحة للناس اللي مابتستخدمش التأمين لمدد معينة يعني زي تخفيضات في نسبة ( الريت )
يبقي نصيحة ... حافظ علي شركة التأمين وسيبها للكبيرة .. (( الله لا يقدر يعني وربنا يسترها عليك وعلينا ))
شوف اللينك ده
http://www.nilemotors.net/Nile/21754...post3873471736
اتمني اكون افدتك
انا مش فاهم كلام حضرتك اوى دلوقتى انا عندى خبطات بسيطه اروح اعمل محضر واروح بيه لشركه التامين وهيه هتصلح العربيه ولا قصدك انى مروحش واعملها من بره بره وعوضى على الله فى شركه التامين ولا ايه بالظبط ممكن توضحلى اكتر
سيادتك قلت خبطات دي ماينفعش معاها محضر
... يعني تعمل محضر دة لو لاقدر الله الموضوع كبير وانتا شايفة ها يكلف كتير اكتر من 5.000 الاف جنية ...
نوضح تاني .. خبطات اتكونت من استعمالك اليومي عادي زي اللي بيحصل لينا كلنا ... دي مش محضر ... دي سيادتك بتصبر عليها سنة كاملة وبعد كده تروح تشدها وتظبط عربيتك من الخارج وتحافظ عليها جديدة .....
نوضح تاني ... سيب شركة التأمين في حالة لو لاقدر الله الموضوع كبير ....For Backup
انا عارف فية ناس بيحبو يضحكو علي شركة التأمين (( حضرتك مش منهم وعفوا في التعبير )) قبل كل انتهاء معاد التجديد ويروح يحك عربيتة ولا يكسرلها إزاز علشان عاوز يجدد علي قفا الشركة .... اعتقد ان مابقاش فية حد عبيط وشركات التأمين من ازكي خلق الله فا شركة التامين بتعرفة وتسجل رقم شاسيهه (( دة اللي بيستنصح عليهم )) وللاسف هيا ممكن تاخد عاطل في باطل الوحش اللي فقستة والعادي اللي زيي وزيك في الرجلين وفي الغالب بتظلمهم وتحاول تفلفص منهم....... علشان انا كده بوضحلك المميزات (( خليها للتقيلة لاقدر الله )) والعيوب (( تلكيك شركات التأمين ))
ارجوا انك تقرأ الموضوعين بتوعي .. قبل ما تتصرف
الخلاصة ...
اعمل الخبطات دي بنفسك وسيب شركة التامين للتقيلة (( ويارب مايجبش حاجة وحشة ويحفظك ويحفظهالك )) قول أأأأمين
منا لو عملت الخبطات ديه بنفسى ابه لزمه التامين طالما فى الحاجات ديه مش هيعملها يعنى انا دافع حوالى ٤٥٠٠ جنيه تامين وفى الاخر اصلها بنفسى انا عايز افهم ليه معملهاش فى التامين طالما ده حقى ايه المشكله معلش بتقال عليك
انا عارف انك دافع فلوس كتير ... بس ها بسطهالك اكتر
هل انتا معتقد التأمين ها صلحهالك كام مرة ؟؟ في السنة
هل انتا معتقد ان ب ال 4500 دول ممكن يصلحهال مثلا 4 5 مرات ؟؟ ده انتا كده ها تبقي واقف عليهم بخسارة .. دة اصلا لو صلحلك العدد دة
بمعني تاني انهي احسن ؟؟؟
ان لو لاقدر الله العربية عملت حادثة كبيرة ... انتا محتاج ان التوكيل يعملهالك مثلا ... لاقدر الله ودخلت في رقم كبير وانتا مش معاك سيولة تغطي التكاليف تلاقي شركة التأمين معاك واله
انك عمال تزن وترحلهم صلحولي العربية في خبطات عادية ولما تحتاجهم ( ماتلاقيهمش ) واكيد 100 % ها يأتموا عليك ويطلعوك غلطان
هوا انتا سيادتك بتأمن علشان تجدد عربيتك واله علشان تلاقي backup وقت الزنقة :duh:
صدقني دي الحقيقة .. اعمل اللي انا بانصحك بية (( اسمع الكلام بقولك ))
لاه انا مش قصدى اروحلهم كل شويه انا بسال انى اسيبهم لاخر السنه واعملها قبل مجدد فهمنى لانها حاجات بسيطه بس انا كان سوالى التامين شامل الحاجات ديه ولا لاه ويترى الحاجات البسيطه ديه لازم محضر هيه العربيه فيها خبطه من الجنب مع الباب
لو انتا شايف انها هاتكلف اكتر من 4000 جنية يبقا لازم محضر عن حادثة مش خبطات
سؤالي المهم
هل انتا ممكن تغامر بالموضوع ده انك ترحلهم اخر السنة قبل التجديد وتصلحها معاهم ويرضوا يجددولك السنة اللي بعدها ؟؟؟ لو تضمن اعمل كده وابقي قولي علشات اعمل زييك :ma:
((((((((( هايرفضوا تجديدك السنة اللي بعدها معاهم )))))))))))))
معلش انا مش مع حضرتك ده نصب وش يعنى انتو بتعاقبونى عشان عايز اخد حقى انا مش دافع فلوس عشان اى حاجة تحصل ف العربية تعملوها على حسابكو ولا عشان لا قدر الله لما اعمل حادثة
حضرتك ف السعودية اعمل اللى تعمله وشركة التأمين هيا اللى هتدفع وف الحوادث شركة التأمين مبتدفعلكش غير لما تتأكد انك غلطان 100% ولو الغلط عند طرف تانى هو اللى بيتحمل مش شركة التأمين مش هنا يقعد يماطل عشان يطلعك غلطان وميدفعش
اقسم بالله العظيم ده بناء عن تجربتي الشخصية علي مدي 3.5 سنة مع شركتين تأمين كبار كمان ...!! وللأسف انا مأمن تأمين شامل (((((( وماشي جنب الحيط ))))))) ومتخوف من الوش اللي ممكن يديهولي لو لاقدر الله حصل حاجة علشان كده انا ملصمهم
سيادتك انا من سنة موتوسيكل دخل في وش العربية وانا واقف تقريبا وفعلا رحت عملت محضر وعرفت المعلومات دي عن تجربة ... ياراجل دة صورت المحضر علشان اخدها اقدمها لشركة التأمين رحت اخدتها بعد اسبوع من النيابة وانا مش غلطان كمان وبعد كده رحت قدمت الصورة والمستندات .... لاقتهم مطلعنى غلطان وفضلت معاهم لغاية ما فترة التأمين عندهم خلصت وما خدتش حق ولا باطل والله ده اللي حصل ... وفي الاخر دفعت من جيبي 3.500 جنية !!! (( اوعي تقوللي انتا اللي غلطان اعمل وسوي ..وي وي وي ... سيادتك انا كنت ماشي بالقانون ....ثم انا مش بلطجي علشان اروح ازعق واله والة))) ياريت كنت (( ارنولد شوارزنجر )) واله مسؤل كبير كنت اخدت حقي
يمكن حظي وحش واله إية ؟؟؟؟
حضرتك انا مش قصدى زعق واعمل انا معترض ع سياسة الشركات دي بوجه عام يعنى بالحضرتك قلته وحصلك ده ميبقاش حرام لما ابقى دافع فلوس ولما يحصل حاجة البسها انا بعد كده المفروض يبقى مكتوب ف عقد الشركة تأمين ضد اخطاء الغير يعنى عوامل طبيعية مبيدكش حاجة غلتطك انت مبيدفعوش طب ايه لزمته كده لما كل سنة ادفع فلوس وماستفدش منهم
ردي ها يكون
(( لك الله يا مصر )) ويارب ينصلح حالنا .....
دي كانت تجربتي وانا اتمني من الله ماعيشهاش تاني
واعتقد بردة علشان الموظف بتاع شركة التأمين كل مهمتة انة
ياخد فلوس علشان يزود دخلة لانة (بيبقالة Target ) يعني
عدد من الزباين يعملهم وبعد كده للاسف الزباين دول بيتحولو
لموظف تاني (( يفند )) الاجرائات ويشوف الثغرات فين علشان
مايخسرش شركتة لانة لية بردة (Target ) ما يزودش نفقات الشركة لحد معين
علي فكرة (( انا مأمن بردة )) وبدفع فلوس كل اول سنة
((وماشي جنب الحيط )) متخوف ان لو لاقدر الله حصل شيء ومعايش سيولة اغطي المصاريف عايش علي امل الاقي اللي يقف جنبي .....بس اتمني ما اتحوجش (( لمقابلتهم ولا لمعملتهم السيئة ))
ساعت الحادثة لاقدر الله (انامجرب) الواحد بيتوقف عن التفكير
وبيبقي مزهول ومحتاج مساعدة ..وبكده للاسف بيغلط ومابيعرفش يتبع اجرائتهم السليمة من تبليغ وا وا وخلافة
ومن هنا تيجي شغلانتهم بأنهم يمسكوا غلط... مش يسعفوك ...
لك الله يامصر :36_8_1[1]:
عمتا انا هسيبها على الله رحت لسمكرى وقالى بسيطه تترد على البارد بس هسيب التامين لحاجه كبيره وكمان علشان ينزل كل سنه يا مسهل بس انا كنت بفكر ان ده حقى مينفعش اكون دافع فلوس حاجه ومخدهاش