الموضوع: تقرير إسترجاع موبايل مسروق

بجد الله ينور علييييييييييييييييييك
والف مبرووك

برافو عليك فعلا

أهنئك على الايجابية و على نشر الموضوع للاستفادة و عشان نحس انه فى أمل دايما

الله يبارك فيكم جميعا ... رفعتوا روحي المعنوية

المشاركة الأصلية كتبت بواسطة shark_3li

طيب هو في الحالة دي بياخدو الموبايل من السائق مع انو اشتراه ولا ايه اللي بيتم بالظبط

هو الراجل سلم الموبايل عشان يخلي مسؤوليته القانونية، واداهم اسم وعنوان المحل اللي أشتراه منه (ماظنش أنهم هايخدوا إجراء مع المحل) لكن أنا شايف فعلا أن الراجل مش هيسيب المحل وهايخد منه فلوسه ..
الراجل مش غلطان في حاجة هي غلطة المحل لأنه أشترى موبايل وباعه وهو عارف أنه مسروق

المشاركة الأصلية كتبت بواسطة A.Saad

مبروك التليفون
بس انت بتقول كنت حاطهه فى الباب والحرامى شافه
ممكن افهم النقطة دى لانى برده بحطه فى جيب الباب اللى جنبى
باعتبر انه أمن عن التابلوة والكونصول كله

بص هما واضح أنهم محترفين سرقة بالطريقة دي، اللي حصل بالظبط كالآتي:
الأول جه عيل بيبيع شكله غلبان فقمت أديته جنيه، واضح أنه دقق النظر في الأماكن اللي ممكن يسرقوا منها وشاف الموبايل محطوط في الباب
بعد دقيقة (كنت أنا أخدت الـ U turn ولسه الطريق واقف) جالي واحد تاني (واضح انهم كلهم تبع بعض) وده كان بيلح إلحاح شديد إني أشتري منه وأنا بهرب منه لحد ما سحب الموبايل من غير ما أحس

في كل الأحوال أنا شايف أنك تحط الموبايل إما في الـ car holder أو في الكونسول اللي في النص أأمن من الباب لأنه سهل الوصول إليه
وأهم حاجة تحذر من المتسوليين والباعة الجائليين

يااااااااااااااه .... فكرتني بالذي مضى .....

من 6 سنين إتسرق مني نوكيا 6600 كنت شاريه ب 4200 جنيه .... عملت كل اللي إنت عملته ده و طلع مع واحد في قنا .... طبعا أنا مش حأروح قنا أدور عليه فإستعوضت ربنا و خلاص على كده