اشتريت شيفروليه لانوس 2012 fo ومحتاج مساعده عاجله لو سمحتم

السلام عليكم ورحمة الله وبركاته
انا استملت امبارح عربيتى الزيرو شيفروليه لانوس 2012 fo من سمير ريان ورجعت بيها من هناك كانت الدنيا عادى
انهارده مشيت بيها فى المنطقه عندنا فيها مطبات كتير وكنت بضطر ادوس على الدبرياج كتير
المشكله دلوقتى انى شامم ريحة شبه ريحة اسطوانة الدبرياج ؟؟؟!!!!! معقوله اكون حملت عليها ؟؟؟!!!
سالت واحد قالى ممكن تكون الريحه طالعه من الاسطوانه فعلا وممكن تكون ريحة الفبر والكاوتش الجديد بيسخن اول مره وبيطلع الريحه دى وانا قلقان جدا ومش عارف دى اسطوانه ولا ايه انا لسه مالحقتش !!!!!! :36_2_49[1]:

حد يعرف يشور عليا يارجاله ؟؟ هل فعلا الريحه دى عاديه فى الزيرو فى التليين ولا دى اسطوانه ؟؟!!

ده العادي في الزيرو اسطوانه لسه بططبع

عادى يا باشا والف مبروووووووووووووك
وربنا يديك خيرها ويكفيك شرها ان شاء الله

الف مبروك
وربنا يديك خيرها ويكفيك شرها

الف مبروك بس ده عادى

ألف ألف مبروك ..... حقك تقلق طبعا .....دي زيرو يا باشا
انا عربيتي لانوس 2011 بقالها معايا 10 شهور و قلقان لغايه دلوقتي :-))))))))
بص......لما تروح التوكيل و يرفعوا العربيه عشان الصيانه .... خليهم يشيلوا اللزق الي علي الدفرانسيل ( الجزء الحديد اللي واصل بين العجلتين الخلفيتين بالعرض ) .....بيبقي عليه شيكارتون ابيض شفاف معرفش ايه لزمته بس غالبا بيعمل الريحة دي ......و سوق عربيتك عادي .......
لكن لاقدر الله لو الريحة مستمره وملحوظه لازم االتوكيل و ان شاء الله مش حتكون كدة ...متقلقش
تحياتي
عمرو ابراهيم

congratulations.Tell us what is your impression about the car.

شكرا ياجماعه للناس اللى ردوا
العربيه كويسه الحمد لله فى كل حاجه او بمعنى اصح مكفيانى (عمليه)
لكن اللى قالقنى جامد هو موضوع الريحه اللى طالعه من الكبوت دى !! الريحه لسه موجوده حتى لما بكون خدت الطريق بسرعه من غير توقفات كتير
لما بركن بشم عند الكبوت كده بلاقى الريحه دى معرفش بقى دى ريحة الاسطوانه فعلا ولا ريحة كاوتش جديد بيسخن ومش عارف المفروض تبطل امتى لو كده (العربيه دلوقتى عامله 250 كيلو)

مبروووك

طالما سحب العربيه حلو والموتور بيشد ماتقلقش..بس ماتقرصش عليها علشان التليين و مبروك

اقتباس:

---

المشاركة الأصلية كتبت بواسطة hellboy

طالما سحب العربيه حلو والموتور بيشد ماتقلقش..بس ماتقرصش عليها علشان التليين و مبروك

---

الله يبارك فيك متشكر اوى

الف مبروك يا باشا وربنا يديك خيرها ويكفيك شرها
ومتقلقش من الريحة دي بس ان شاء الله مفيش حاجة

مبروك عليك بس ركبلها إنذار spy 5000 و ما تتنازلش عنه أحسن تتسرق

الف شكر ياجماعه وان شاء الله هركب الانذار قريب

اقتباس:

---

المشاركة الأصلية كتبت بواسطة bondjames

مبروك عليك بس ركبلها إنذار spy 5000 و ما تتنازلش عنه أحسن تتسرق

---

إشمعني spy 5000....ممكن تكلمنا عنه ؟؟
انا مركب symphony 200 تايواني
وشكرا