الموضوع: النهاردة فلشتى كانت هتجيب وش سليندر وجوان ولكن ربنا ستر ادخل الموضوع مهم و عيب خطير

النهاردة
لوزة
عاملت معايا دقت نقص
وانا رايح الشغل النهاردة
بس ربنااشاء انى ميكونش فى خساير فى الموتور الحمد لله
انا كل يومين بفتح الكبوت و بشيك على الموتور على السريع وببص على المياة الخضرا والزيت و زيت الباكم و بقفل الكبوت و ببص على الاربع فرد الكوتش و بعد كدة بدور وبتوكل على الله يعنى نظرة سريعة كدة وبمشى وانا مطمن
فا قولت اظبط مقاس الاربع فرد كوتش المهم الراجل قلى بتعامل معاه لسة واخد اجازة العيد قولت خلاص كاملت مشى بالعربية المهم لقيت واحد بتاع كوتش فاتح قولت ازود علشان الدركسيون يبقى خفيف المهم روحت عنده الواد الصبى صغير قلى الاسطى مش موجود قولت خلاص بقى اروح شغلى ملكيش نصيب يالوزة نظبط ضغط الكوتش المهم ركبت و جيت اطلع الواد قلى الاسطى جه اهو استنى قالى خير قولتالو ظبط الكوتش قالى ماشى المهم و هو بيظبط انا سايب الموتور شغال قالى على فكرة العربية بتجيب مياة لونها اخضر من تحت قوالتو ايه مياة خضرا ببص لقيت حنفية مياة سايبة من تحت جريت بطلت الموتور على طول بفتح الكبوت لقيت المياة جاية من تحت البلاور طيب منين ابص على الخرطوم قلى داخل و الخرطوم قلى خارج من و على البلاور مفيش قولت يبقى اكيد فى تسريب فى مسورة البلاور من جوة بفتح غطاء القربة ملقيتش ولة نقطة مياة و لة فى مياة رايح على القربة قولت زى الفل ربنا يستر على الموتور جيبت شنطة العدة بتاعتى من شنطة العربية وفكيت وش البلاور وبعدين فكيت البلاور طيب هعمل اية فى الموضوع ده روحت فكك الخرطوم قلى خارج من البلاور روحت مركبة فى مخرج الموتور قلى بيودى المياة للبلاور علشان اقفل دايرة التبريد تانى و ترجع تشتغل واخرج البلاور خارج الدايرة ورجعت كل حاجة تانى مكانها
وذود مياة عادية بعد ما الموتور برد لانى مينفعش احط مياة على طول لازم يكون الموتور بارد على الجوان
وش السليندر روحت مزود وبعد كدة رفعت مقاس الزيت لقيتة الحمد لله زى ماهوالزيت ودورت الموتور على السلانسية وسحبت الهوا و قفلت وماشيت بعد ماالمؤشر جه عند درجة حرارة 90 والمروحة اشتغلت و نزلت الحرارة قولت كدة تمام ومشيت بس بفكر بقى فى كذا سؤال

السؤال الاول لو مكنش الراجل دة شاف المياة و هى بتنزل من تحت العربية كان الموقف اية ربنا يستر
السؤال الثانى لو انا كنت ماشى ومش واخد بالى والمياة عاملة تنزل و انا الدنيا عندى بيس اية قلى يقولى
السؤال الثالث مؤشر الحرارة لا ينذر بأى شىء لانه بيحس عن طريق الترومستات والترومستات بتنقل الحرارة عن طريق المياة طيب مفيش مياة الترومستات مش هتقولك حاجة ودة حصل مع الاستاذ ماجد سامى هنا زميل فى المنتدى و جبت معاه جوان وش سليندر
السؤال الرابع مفيش حاجة تقولنا المياة لما تنقص انى هى نقصة و اعرف انى فى تسريب دورة التبريد
السؤال الخامس مفيش حاجة تقولى بلاش انى المياة تنقص لا تقولى انى ضغط المياة فى الدورة التبريد قل ماهو فى ضغط و الضغط ده يقاس بالبار

ودة بخصوص السؤال الرابع والسؤال الخامس كلمت مهندس صديقى وزميلى شغال فى موضوع محطات توليد الكهرباء وبالبخار وشغال فى الغلايات والقصة دى شرحتالو الموضوع قلى يوم الاحد قابلنى وفاهمنى على الطبيعة انتا عاوز اية قولتالو مع العلم انى هتكون قياس على مياة سخنة قبل درجةالغليان قالى مش مشكلة فى حاجات كتير بتقيس بس اشوف على الطبيعة انتا عاوز اية

لازم فى حاجةتقولى فى نقص فى المياة و انا ماشى او الضغط قل داخل دورة التبريد علشان الواحد يفدى الموضوع ده ان شاء الله يوم الاحد هكمل الموضوع بعد ما اقابل صديقى المهندس هشوف القصة ازاى و هيبقى اقولكم علشان الموضوع ده قلقنى جداااااااااااااااااااااا
والله الكلام دة قولتالو فى مشاركة الاستاذ ماجد والكلام دة قولتو للاستاذ صبحى فى التليفون لازم حاجة تقولى المروحةشغالة وحاجة تانية تقولى انى المياة نقصة مرة واحدة عن الحد المسموح


عارفين المشكلة فى اية انى الترومستات فى كوعة المياة مش فى وش السليندر وكنت بتناقش انا ومهندس زميلى النهاردة لانى شايفنى مضايق وسرحان و يقولى لا يمكن لازم يكون الترومستات فى وش السليندر اقوله لا فى كوعةالمياة للحد ما جيبتلو صورة موتور لفلشيا وشافها بعينة قلى دة عيب خطير ممكن يودى بحياةالموتور للابد والتكهين لو المياة حصلها تسريب


والموضوع ده تم المناقشة بينى و بين الاستاذ ماجد بتاريخ 18/4/2011 يعنىمن فترة بس افتكرة الموضوع ده النهاردة
وكانت المناقشة فى

الينك الاول

http://www.nilemotors.net/Nile/214157-a-3.html

ودة الينك الثانى
متابعةللموضوع

http://www.nilemotors.net/Nile/214157-a-4.html

دة كان الموضوع ده عاملو صديقى العزيز واخويا بيسو
وكان اسم الموضوع
النهاردة كان حر جدا جدا واخبتااار صعب للفليشيا كله يدخل يقوول عمل ايه

وكانت المحادثة بينى و بين الاستاذ ماجد سامى
وكنت بقوله لازم حاجةتقولى انى المياة مش موجودة علشان المؤشر مش هيحس حاجة والدنيا معاه وردى

ربنا يستر

وربك المستعان

م / احمد سيد

مهما هتعملى فيا يا لوزة مش هسيبك و مش هتنزل عنك ابدا