استفسار عن فتيس جولف 3

**eldmrane** · 12-11-2011 03:18 AM

انا قدمي جولف 3 فيها مكنة 2000 الفتيس اوتوماتيك هل الفتيس الاوتوماتيك في الجولف 3 كويس ولا لية عيوب

**ahmed.zahra** · 12-11-2011 11:50 AM

الموتور ده كويس و الفتيس بتاعه كويس ماسمعتش عن مشاكل فيه خالص، يا ترى العربية حالتها ايه و سعرها كام؟ انا بدور على واحدة نظيفة

**tareksakr** · 12-11-2011 02:05 PM

عموما الفتيس مافيهوش عيوب بس لازم تجرب العربية وتشوف حالة الموتور والعفشة والفتيس كويس جدا عموما الفتيس الاتوماتيك في الجولف مش مطلوب وسعره رخيص في الحرفيين بس لازم تجرب الفتيس كويس ولو فيه حاجة تنقص تمنه من تمن العربية ويا تقلبها مانيوال او تجيب واحد استيراد وهيكون بحالة جيدة جدا ان شاء الله

**alzelafy** · 14-11-2011 03:54 AM

متخافش مفيش منو مشاكل بس جرب العربيه كويس و اقولك تجربها ازاى الفتيس الاوتوماتيك عيوبه ما بتظهرش الا فى حاله سخونه السيارة امشى بالعربيه نص ساعه فى الزحمه و خلى العربيه تمسك حرارتها الطبيعيه و بعد كدة اطلع على السريع او الدائرى و دوس اوى على العربيه و اسمع النقلات شوفها ناعمه و بتيجى مستريحه و لا فى عيار بيتاخر و الموتور صوته بيعلا اوى و لا لا و بعد كدة تقف بالعربيه خالص و تمشى تانى و تقف و تمشى لازم تسمع الاربع نقلات و تحس بيهم و لو لقيت مفيش مشكله توكل على الله