والله يا باشا انا باجي الرياض على فترات كده شغل
عرض للطباعة
والله يا باشا انا باجي الرياض على فترات كده شغل
عندى مقابلة شخصية بكرة فى شركة توظيف فى جاردن سيتي اسمها Resource Professional اتصلو بيا من فترة قالولى فى فرصة فى السعودية وهتعمل انترفيو من خلال الفيديو كونفرانس مع ناس من شركة ارامكو السعودية المهم انا محتاج نصايحكم بخصوص المقابلة اعمل ايه فيها يعني موضوع الفيديو كونفرانس ده عبارة عن ايه واجهز نفسي ازاى للمقابلة ولو حبيت اسال عن حاجة ايه اللى المفروض اسال عليه ياريت حد من اعضاء نايل موتورز يفيدنى واللى يعرف حاجة عن الشركة السعودية دى يقولى او يعرف حاجة عن شركة التوظيف اللى هنا يقولى يعني كويسة ومضمونة ولا ايه ياريت تردو عليا بسرعة مش هافكركم المقابلة بكرة عايز اعرف ايه اللى المفروض اعمله قبل ما اروح المقابلة:3_3_102[1]:
فيديو كونفرانس يعنى هتكلمهم على سكاى بى أو ياهو أو حاجة زيهم ، هم هيشوفوك وجايز متشوفش حد منهم
طبعا تكون لابس كويس .. مش لازم رسمى المهم كويس ، مبتسم فى التحية وبعد كده جاد ، لا يظهر عليك تردد أو خوف ، طبعا هيسألوك تعرف نفسك فتقول الإسم بدون لقب والسن والحالة الإجتماعية والمؤهل الدراسى ، لا تكرر السؤال قبل الإجابة ، خليك ودود لكن بدون مبالغة ، هيسألوك عن خبراتك فتكون مجهز الإجابة فى دماغك ، غالبا حد منهم هيسألك عن الثورة ، وفى كل الأحوال يكون توكلك تماما على الله وليس سواه واستخير قبل ما تروح لو فيه خير ربنا يسهلها ولو فيه شر يبدلك خيرا منها
لو جه عليك الدور فى السؤال تعرف طبعا الراتب (وتقول انك هتفكر مش تقبل على طول) ، وساعات العمل وعلى شفت واحد أم شفتين والأجازات عدد أيامها بالضبط ومدفوعة الأجر وللا لأ وعن السكن عليهم وللا فيه بدل سكن والسكن فيه كام واحد لو عازب والمواصلات لو السكن بعيد على مين والتامين الصحى لازم تأكد عليه والمكافأة السنوية مقدارها إيه
وبالتوفيق
كلام ممتاز ومكتب التوظيف ده كويس ومحترم وانا سافرت عن طريق المكتب ده برده وارامكو من اكبر الشركات في السعودية ان لم تكن اكبرهم وهي ممتازة جداااا واسالهم لما يقولولك عايز كام قول انا راتبي بعدد سنين خبرتي كام(اشتري منهم يعني الاول ) وغالبا الناس دي بيبقي عندها حدود معينه للرواتب علي حسب سنين الخبرة وربنا يوفقك يارب
شكرا لرد حضرتك واهتمامك انا اللى عرفته من شركة التوظيف هنا ان شركة ارامكو هتعمل المقابلة لانهم هيفتحو حاجة زى مركز ثقافى على السنة الجديدة 2012 ده اللى فهمتو من الشركة هنا بالنسبة لو كلمونى عن الثورة مش عارف طبعا هارد اقول ايه لانى كنت عملت مقابلة قبل كده واتساءلت عن حسني وكده تانى حاجة موضوع الراتب طبعا انا مش عارف اللى شغال فى مجالى مرتبه كام هناك السؤال بقى لو انا لوحدى مسافر اقل مرتب يكون كام ولو معايا اسرتى يكون كام