واير دبرياج اللوجان

**halem0000** · 12-11-2011 12:49 PM

السلام عليكم ورحمة الله وبركاته

[justify]انا طبعا يا جماعه ناوى اشترى عربية لوجان إن شاء الله وخايف منها زى ما كلنا بنخاف لما نييجي نشتريها بس انا نفسى فيها فعلا ومش مقتنع إلا بغيرها المهم قرأت هنا وهناك ودخلت على موقع شركة رينو على الفيس بوك خطر فى بالى كده سؤال سألته!!!

هل اللوجان الدبرياج بتاعها على واير ولا بالنظام الهيدروليكى ؟ طبعا طلعت الإجابة انه على واير
وللأسف انا قلقت كده يا جماعه ولقيت واحد رد قال انه اتقطع معاه بعد 3000 كم ههههه وقالوله ان ده عيب صناعه يافرحتي لما تجيب عربية ب 70000 ويكون فيها عيب صناعه زى ده ! ده غير طبعا لما يتقطع منك هتضطر انك تجيبلها كساحه وبهدله عشان تتصلح فى التوكيل يعنى بصراحه انا مش عارف اقول ايه ؟ العربية فيها مميزات كتييييير فعلا انما العيب ده ايه حله ؟ وهل حصل مع حضراتكم الموضوع ده ولا اللى حصل ده حالة فردية؟ طيب عشان الواحد يتفادى قطع الواير ده يعمل ايه ؟؟؟؟؟ معلش طولت على حضراتكم لكن الموضوع مهم فعلا عشان خلاص قربت اشتريها وشكرا ً لكم مقدما ً ......[/justify]

**Xlance2010** · 12-11-2011 02:07 PM

ياراجل اتوكل على الله كل العربيات النهاردة على واير خلاص موضوع الهيدروليك ده كان زماااااااااااان وعلى ما اعتقد كل السيارات الحديثة اصبحت على واير ومش ده العيب اللى يخليك تخاف من العربية او تخاف تشتريها

اسمى اسفل مشاركتى

**halem0000** · 12-11-2011 02:25 PM

المشاركة الأصلية كتبت بواسطة xlance2010

ياراجل اتوكل على الله كل العربيات النهاردة على واير خلاص موضوع الهيدروليك ده كان زماااااااااااان وعلى ما اعتقد كل السيارات الحديثة اصبحت على واير ومش ده العيب اللى يخليك تخاف من العربية او تخاف تشتريها

اسمى اسفل مشاركتى

متشكرين جدااا يا أستذ طارق بس أعتقد ان موضوع الهيدروليك مكانش زمان ولا حاجة وعلى فكرة دبرياج الفيرنا هيدروليك

**wassim_nasser** · 12-11-2011 05:02 PM

يا باشا طب ماهو برضه ممكن زيت الباكم يضرب (شوفتها كتير علي فكرة) و كده كده تجيب دبرياج .. ع الاقل الواير لو إتاكل هاتحس بمقدماته وتاخد احتياطاتك لكن زيت الباكم لو اتسرب خلاص بالسلامة .. الخلاصة انها قصة نصيب وقدر بس ده مايخوفكش من اللوجان .. اهى عامله معايا 4000 و ماحدش بيستخدم الدبرياج أدي ورغم كده العربية تمام

**halem0000** · 12-11-2011 11:48 PM

شكرا ً لكل من ساهم ولو بكلمة فهذا يعبر عن كامل الإحترام والتقدير

بالنسبة للوجان انا بحس ساعات كتيييير جداااا ان العربية دى مظلومة بجد يا جماعه انا معنديش خبرة بالعربيات بس كتييير اوى بحس كده وكل واحد اكلمه يقولى هات الفيرنا مش عارف ايه حبهم فيها إظاهر انها اللادا بتاعة العصر الحديث ونا بصراحه مكرهش قد العربية الفيرنا بس فى نفس الوقت خايف جدااا من قطع غيار اللوجان ..

بس كنت عاوز برده استفسر عن حاجة هل المكونات الداخلية للوجان فرنساوى ولا كل حاجة فى العربية مغربى؟

**wassim_nasser** · 13-11-2011 03:58 AM

الشاسيه شاسيه نيسان والموتور وبقية المكونات رينو فرنساوى .. التقفيل فقط مغربى

**gebreel** · 13-11-2011 09:36 AM

العربية الحمد لله بفضل الله عاملة معايا 19500 و بقالها سنتين و مفيش اي مشكلة في الدبرياج

و دكتور احمد عبد الرحمن عامل بعربيته 58000 و بردو ما شاء الله مفيش فيها اي مشكلة في الدبرياج

-

-

الموضوع: واير دبرياج اللوجان

LinkBack

أدوات الموضوع

عرض

-

-

-

-

المواضيع المتشابهه

كارت واير ليس لابتوب للبيع

واير غيار بونتو 2002

واير كت waircut

واير فرامل اليد بعد التعديل

اخد واير لس من رواتر عاادي ازاااااااااي !!

الكلمات الدلالية لهذا الموضوع

المفضلات

المفضلات

ضوابط المشاركة