استفسار بخصوص موبايل مسروق

**نور القمر** · 12-11-2011 02:31 PM

في البداية عايزة اوضح ان الموبايل ميهمنيش كموبايل لانه قديم ومرمي في ايدين العيال لسنين
انا اللي يهمني في الموضوع اثبات براءة شخص او ادانته للاحتراس منه مستقبلا
طبعا انا مش محتفظة بسريال الموبايل واللي اعرفه ان شركات الموبايلات بيتسجل عندهم سريال اي جهاز يستخدم ولما نغير الموبايل بيتسجل الجديد وهكذا
دلوقت هل ينفع يدوني السريال هو كان فيه خط اتصالات
بالمناسبة ناوية اسيح لاتصالات اخر تسييح عن مكالمتي معاهم لقفل الخط سوري يا احمد كمال

**aly_hosny** · 12-11-2011 03:13 PM

صعب يرضو يدوكي السيريال
بس لو تعرفي حد شغال في الشركة و وضعه كويس هتجبهولك "عن تجربة"

و دي شركة المفروض انها بترجع الموبايلات المسروقة "معرفش عنهم اي حاجة" هما مشهورين في بيع الموبايلات و ليهم فرع في داندي و سيتي سنتر اسكندرية select-mob
TRACING LOST MOBILE
In a very unique style of service we trace your lost mobile by thecompany legal consultant, with all its paper work and legalprocedure.
.... For more details about papers needed and service fees pleasecontact our customer service at any time .
0100462400

**ramyhekal** · 12-11-2011 03:27 PM

ربنا يعوض إن شاء الله بس خلى بالك
علشان ماتكرريش موضوع عربية جارك اللى مالهاش نمر
ويطلع الموبايل مش بتاعك وتبقى ضيعتى وقت ومجهود
شوفى حاجه معلماها فى الموبايل افضل

**نور القمر** · 12-11-2011 08:02 PM

المشاركة الأصلية كتبت بواسطة ramyhekal

ربنا يعوض إن شاء الله بس خلى بالك
علشان ماتكرريش موضوع عربية جارك اللى مالهاش نمر
ويطلع الموبايل مش بتاعك وتبقى ضيعتى وقت ومجهود
شوفى حاجه معلماها فى الموبايل افضل

الموضوع مختلف
باختصار انا كنت اديت الموبايل لشخص رايح مشوار عشاني ميخدش نص ساعة وموبايله مكنش معاه رجع قالي انه اتثبت في الشارع وحكالي القصة مرتين فيهم اختلاف في بعض التفاصيل
وانا مش مصدقاه لانه كان معاه ساعة قيمة وعجلة جديدة الحرامي مخدهمش ليه
واشتغلت له شوية ان قرايبي الظباط قالوا هيرجعوه ارتبك وخاف واتلجلج في الكلام وقولت له لو وقع منك قول الصراحة بدل منظلم حد يكون لقاه لما وقع منك
كان قاعد يقنعني بلاش اشغل قرايبي واحمل نفسي جمايل عشان حتة موبايل
الموبايل ميهمنيش بالمرة ده ميجبش 70 جنيه