نور التكييف اتحرق

**unks** · 13-11-2011 12:59 PM

انا فعلا فكيت الكونسوول كلو وفكيت الكاسيت وبصراحه طلع عيني وفي الاخر لقيت ان اللمبه محروقه وهيه لمبه تقريبا اسمهها سفاري بس المشكله انها مبتخرجش من الدوايه اساسا هيه عموما اي حد حيفك كونسوول الفيرنا هيه موجوده بالظبط مبين زرار البارد والسخن ومبين زرار توجيه الهواء واللمبه التانيه مبين زارار تحويل والهواء وزرار اختيار سرعات التكيف والاتنين طالع منهم سلك اخضر وشكرا

**haninatoon** · 13-11-2011 03:06 PM

انا عندى نفس العربية فيرنا
كاملة
بص ياسيدى
حتجيب زرادية وتفك وتشد اللمبة حتطلعلك
انا طلعتها

وفعلا هى الكدود بتاعها زى ما الاساتذة كاتبيين
موجودة فى محل الجمال فى باب اللوق ب1.5 جنية

**verna2008auto** · 13-11-2011 03:53 PM

المشاركة الأصلية كتبت بواسطة haninatoon

انا عندى نفس العربية فيرنا
كاملة
بص ياسيدى
حتجيب زرادية وتفك وتشد اللمبة حتطلعلك
انا طلعتها

وفعلا هى الكدود بتاعها زى ما الاساتذة كاتبيين
موجودة فى محل الجمال فى باب اللوق ب1.5 جنية

100 في %100
جاري العمل .. وسوف نوافيكم بالاخبار

**unks** · 15-11-2011 04:00 PM

السلام عليكم: الحمد لله يجماعه قدرت اني اصلح اللمبه لوحدي وفعلا كان حيتنصب عليه في التوكيل والحمد لله والشكر لله انا غيرت لمبتيين التكييف كمان ب 1 جنيه واحد مصري فقط لاغير اللمبه طلعت كبس واسمها لمبه سفاري انا حبيت اقولكم اني ربنا وفقني وصلحتها وشكرا

**mada_76** · 15-11-2011 04:17 PM

المشاركة الأصلية كتبت بواسطة unks

السلام عليكم: الحمد لله يجماعه قدرت اني اصلح اللمبه لوحدي وفعلا كان حيتنصب عليه في التوكيل والحمد لله والشكر لله انا غيرت لمبتيين التكييف كمان ب 1 جنيه واحد مصري فقط لاغير اللمبه طلعت كبس واسمها لمبه سفاري انا حبيت اقولكم اني ربنا وفقني وصلحتها وشكرا

اولا الف مبروك على تغيير اللمبة ولا الحوجة للاستاذ هبوووووووووور
انا معايا جيتز وعندي نفس المشكلة بل اكبر شوية اني عندي الجزء بتاع مفاتيح التكييف ده كله مضلم .
انا بس عايز اعرف انت فكيت الكونسول ده ازاي .
يعني ازاي افك الوش ده كله وانا مش لاقي مسامير وخايف اشده لبره بتكسر .
وثانيا ياريت تقولي طريقة فك اللمبة
وثالثا تقولي اشتريتها منين بالظبط يعني .
انا هاتعبك معلش بس انت عملت موضوع بصراحة عاملى صداع من فترة مع العلم بقى ان في واحد صحبي معاه اوبل فكترا قالي انه غير اللمبات دي عنده في التابلوه الواحدة بـ 80 بلبل .

ساعتها اخدت قرار ان المكان ده في التابلوه عندي مش هايشوف النور تاني وكفاية اني حافظ المفاتيح .

**verna2008auto** · 15-11-2011 08:20 PM

المشاركة الأصلية كتبت بواسطة unks

السلام عليكم: الحمد لله يجماعه قدرت اني اصلح اللمبه لوحدي وفعلا كان حيتنصب عليه في التوكيل والحمد لله والشكر لله انا غيرت لمبتيين التكييف كمان ب 1 جنيه واحد مصري فقط لاغير اللمبه طلعت كبس واسمها لمبه سفاري انا حبيت اقولكم اني ربنا وفقني وصلحتها وشكرا

100 علي 100 .. هوا ده الشغل ... إنشاء الله انا كمان ها اتشجع واعملك زيك

**m_mekkawy** · 16-11-2011 07:40 AM

المشاركة الأصلية كتبت بواسطة unks

السلام عليكم: الحمد لله يجماعه قدرت اني اصلح اللمبه لوحدي وفعلا كان حيتنصب عليه في التوكيل والحمد لله والشكر لله انا غيرت لمبتيين التكييف كمان ب 1 جنيه واحد مصري فقط لاغير اللمبه طلعت كبس واسمها لمبه سفاري انا حبيت اقولكم اني ربنا وفقني وصلحتها وشكرا

هههههههههههه
يعنى وفرت 149 والله ممتاز جدا دا على كده انا عامل شغل عندى فى الألنترا 2008 يجى بمليون جنيه ياراجل

**verna2008auto** · 16-11-2011 08:50 AM

المشاركة الأصلية كتبت بواسطة m_mekkawy

هههههههههههه
يعنى وفرت 149 والله ممتاز جدا دا على كده انا عامل شغل عندى فى الألنترا 2008 يجى بمليون جنيه ياراجل

ما حك جلدك مثل ظفرك ...
واكيد كمان ها تقفل مكانك احسن 100 مرة من الصنايعية ....
والله هوا ده الشغل 100.100

**mada_76** · 16-11-2011 11:30 AM

المشاركة الأصلية كتبت بواسطة verna2008auto

ما حك جلدك مثل ظفرك ...
واكيد كمان ها تقفل مكانك احسن 100 مرة من الصنايعية ....
والله هوا ده الشغل 100.100

كلامك سليم 300 %
الاستاذ صاحب الموضوع يرد عليا بس واعرف ازاي افك المنطقة دي وانا هاخليها احسن من ما جت من كوريا .
اكيد مليانة تراب وكل اللمبات بقت صفرا . انا بفكر اغير كل اللمبات وانضف العدادات بتاعة التكييف والمفاتيح . ده انا هارش عليها معطر كمان يا عم

بمناسبة غبور اللى انا بسميه هبووووووووووووور
عندي زرار الانتظار لمبته برضه محروقة . اللى هي بتنور مع الانتظار لما بتدوس عليه .
روحت لغبور وانا بعمل الصيانة قولت اغير اللمبة يعني هاتطلع بكام .
لقيت المهندس بيقولي لا والله اللمبة دي مش بتتغير احنا بنغير الزرار كله على بعضه وده عامل 180 جنيه .
على فكرة انا ممكن اروح افتح كشك لمبات قدام مدخل غبور في ابو رواش

**unks** · 16-11-2011 12:59 PM

سلام عليكم:معلش حضرتك انا اتا خرت في الرد بس اكيد الجيتس فيها اماكن انك تفك الكونسوول طيب حضرتك عندك مكان لوضع علب الكانز زي الفيرنا لان انا عندي المسامير لما بفتح مكان علب الكانز اللي تحت زراير التكييف بلاقي المسامير بص حضرتك طيب ياريت تصورلي شكل تابلو حضريتك ولو مش حتعرف حضرتك من سكان ايه وممكن نتقابل ونحل المشكله ان شاء الله وتابع معاك وشكرا