خاص بالمتزوجون فقط.....قلنا للمتزوجون فقط

**osama** · 20-05-2008 05:29 PM

-------------------------------------
طلب تصريح خروج من المنزل رقم ( 1)

زوجتي الحبيبة؛؛؛؛؛؛؛

إنا زوجك الموقع أدناه، و اسمي هو -------------------------------------------

أرجو منكم موافقتكم الكريمة على طلب تصريح خروجي من المنزل في

يوم: ----------- الموافق --- / --- / ---- من الساعة ------ إلى الساعة ------

وذلك للأسباب التالية:-

1- ----------------------------------------------------------------------------

2- ----------------------------------------------------------------------------

3- ----------------------------------------------------------------------------

كما أتعهد لكم بصفتكم السلطة العليا بالمنزل بالعودة في الوقت المحدد حسب التصريح

متحملاً أية عقوبة تنص عليها لائحة العقوبات أدناه.

التوقيع ( الزوج ) --------------------------

خاص للاستعمال الرسمي ( الزوجة فقط )

بعد الإطلاع على طلب تصريح الخروج من المنزل والمقدم من زوجنا الحبيب

وبالنظر إلى مبررات الخروج أعلاه، وملف زوجنا الحبيب، ولائحة العقوبات أدناه

أمرنا نحن الزوجة ----------------------وبصفتنا السلطة الداخلية العليا للمنزل بالاتي ¦ بالموافقة على طلب تصريح الخروج من المنزل والمقدم من زوجنا الحبيب

¦ بعدم الموافقة على طلب تصريح الخروج للأسباب التالية:-

r لسريان تنفيذ البند رقم ( ) من لائحة العقوبات أدناه

r لطلبنا منه الجلوس عند الأطفال عند خروجنا من المنزل

r نظراً لتجاوزه الحد الأعلى من التصاريح

r لمخالفته لأوامرنا

r مزاجنا هذا اليوم ليس مؤهل للسماح بخروج زوجنا

r لأناقته الزائدة عن اللزوم عند الخروج

التوقيع ( الزوجة ) : ----------------------- التاريخ --- / --- / ------ هـ

لائحة العقوبات

بند 1 – نوم انفرادي وبدون عشاء ولمدة ( #) يوم
بند 5 – قطع المصروف اليومي ولمدة (# ) يوم

بند 2 – حرمان من الحقوق الزوجية ولمدة (# ) يوم
بند 6 – منع المكالمات الهاتفية في المنزل ولمدة (# ) يوم

بند 3 – العبوس صباحاً والتكشير مساءً ولمدة (# ) يوم
بند 7 – سحب النقال ولمدة ( #) يوم

بند 4- توصيل الأطفال من وإلى المدرسة ولمدة(# ) يوم
بند 8 – زيارة أم الزوجة يومياً ولمدة ( ) يوم

بند 9 – المنع من مشاهدة القنوات الفضائية ( المستقبل + LBC ) ويلزم مشاهدة القناة السودانية ولمدة ( #) يوم

**osama** · 20-05-2008 05:30 PM

طبعاً ان مجبتش جديد كل واحد عندة النوذج دة في البيت

**محمد عز** · 20-05-2008 05:42 PM

بند 8 – زيارة أم الزوجة يومياً ولمدة ( ) يوم

بند 9 – المنع من مشاهدة القنوات الفضائية ( المستقبل + Lbc ) ويلزم مشاهدة القناة السودانية ولمدة ( #) يوم

اكيد العقوبات ده ضمن العقوبات القصوي
وبالذات الاولى

**wisedriver** · 20-05-2008 05:43 PM

انتو بتظلموا الستات جامد
الواقع (واقعي على الأقل وأصحابي)
الزوجات راضيات ومستكينات ده انا لو قعدت كم شهر ما افسحهاش عادي
ولو ادايقت شوية لازم اراضيها واخرجها دي ام الولاد
وتذكروا هذه الجملة دائما (المرأة أسيرة بيتك) فعاملها باللين والمعروف
هي ليست عدوة ابدا عرفت تفهمها وتحسسها باهمية وجودها كسبت كل حاجة
بلا مجهود يذكر بل هتشوفها بتتفانى وتضحي عشان تسعدك
بهدلتها او ماحسستهاش بقيمتها انت اول الخسرانين وبعدها العيال
بس مين يفكر
أعرف رجالة غياظة طول ماقاعد في البيت ينتقد في مراته او يعاكس اللي في الشاشات
مما يزيد في اهمالها لنفسها من الغيظ واليأس هههه
طمنها على حياتها معك تشوف العجب
ماهو اصل مش معقول نتعلق بالخيال ونسيب الواقع ومعظم اللي بتشوفهم في التليفزيون نماذج معظمنا كرجال ما يفكرش تشيل اسمه من الاساس وحدة منهم
وبيكونو بيدحكوا علينا بالاغراء والدلع المصطنع ولووحدة منهم مشت جيش العاملين بالتجميل والأزياء تحت ايديها حتلاقيها اقل من العادية
الخلاصة لا تضحوا بالسعادة الممكنة عشان اوهام وهمية

**analyzer** · 20-05-2008 05:48 PM

فى الحقيقه انا 4 سنين خدمة فى عش الزوجية بس لسه موصلتش للمرحله دى

**OlaOsman** · 20-05-2008 05:53 PM

طيب تسمحوا لي أسجل إعتراضي على كثرة مواضيع التريقة على الزواج و الزوجات في منتدانا الحبيب؟.. ممكن؟

**محمد ابراهيم 1** · 20-05-2008 06:49 PM

هى مشكله
بس مش من الزوجه فقط
المشكله من الزوج أولا
متعود على الحريه خارج داخل براحته يرجع متأخر يرجع بدرى براحته
يطلع يومين الساحل مع إصحابه يروح شرم براحته
محدش له عندى حاجه
فجأه وعلى حين غره ألاقى حد فى البيت بيحاسبنى
عايزنى أرجع فى معاد معين ومخرجش كتير مع أصحابى حبايبى اللى مش بيشلونى همهم
اللى بيضحكونى كتير وبينسونى همومى
ساعات ألاقينى عايز أجيب جزمه وأقعد أضرب نفسى
وساعات تانيه بأقعد أقول أنا اللى جبت ده كله لنفسى
بس الحالتين دول مش كتير
الأصل إنى الحمد لله رب العالمين سعيد فى حياتى الزوجيه
لكن حاليا ولا أخفى عليكم سرا زادتنى الأسعار الرهيبه هما

المشكله التانيه الإحساس بالمسئوليه الرهيبه عن من تعول وواجبك نحوهم وإحساسك تجاههم بالرغبه فى توفير كل إحتياجاتهم حتى ولو على حساب راحتك

المشكلتين دول الطرف الرئيسى فيهم هو الزوج
المشكله التالته وهى أن الزوج لا يتم شكره نهائيا عن ما ينجح فى توفيره من متطلبات لأسرته مع إهدار كل مجهود بذله فى سبيل ذلك ( إلا نادرا) وهو ما يصيبه بالإحباط
المشكله الرابعه هى إهدار حق الزوج فى الحصول على إهتمام الزوجه نتيجه لإنشغالها بعملها والأطفال الأمر الذى يجعل الزوج يتسائل (هو كنت إتجوزت ليه ؟ مش عشان أنبسط أدينى مش مبسوط يبقى الهدف الأساسى من الزواج لم يتحقق إذا الزواج مشروع فاشل )
هاتين المشكلتين الطرف الرئيسى فيهم الزوجه

**dr_3eshoo** · 20-05-2008 06:59 PM

ايه يا علا زعلانه ليه من الحقيقه و بعدين دي مش ترييقه دي يدل على قمه الاحترام من الزوج لزوجته و مدى تعلقه بزوجته الكلام حاجه و الحقيقه حاجه تانيه صدقيني
يعني لما واحد يقول مش طايق العيشه معاها و دي ودي و شوف الفراخ شوف الرز ده منظره و كده بس لو استفردي بيه و قلتيله يا عم طلق و تجوز غيرها يقولك لا مقادرش اعيش من غيرها هيا الي منظمه حياتي هيا و يبتدى يبقى رومانسي
و موضوع الخلع دي من بنات قليله مش متربيه الي بتبيع في ثانيه على اسباب تافهه و ده كان قصدي مش قصدي اهانه
على العموم يا رب ارزقني بالي تمرمط حياتي كده بدل مانا مقضيها من غير لاحاكم ولا ظابط

**OlaOsman** · 20-05-2008 07:17 PM

المشاركة الأصلية كتبت بواسطة dr_3eshoo

ايه يا علا زعلانه ليه من الحقيقه و بعدين دي مش ترييقه دي يدل على قمه الاحترام من الزوج لزوجته و مدى تعلقه بزوجته الكلام حاجه و الحقيقه حاجه تانيه صدقيني
يعني لما واحد يقول مش طايق العيشه معاها و دي ودي و شوف الفراخ شوف الرز ده منظره و كده بس لو استفردي بيه و قلتيله يا عم طلق و تجوز غيرها يقولك لا مقادرش اعيش من غيرها هيا الي منظمه حياتي هيا و يبتدى يبقى رومانسي
و موضوع الخلع دي من بنات قليله مش متربيه الي بتبيع في ثانيه على اسباب تافهه و ده كان قصدي مش قصدي اهانه

انا مش اعتراضي على الموضوع ده بالذات.. انا اعتراضي زي ما وضحت في ردي هو على كثرة المواضيع اللي من النوعية دي.. يعني.. كل حاجة لما بتزيد عن حدها ما بتبقاش ظريفة، خصوصا انها من طرف واحد.. يعني صعب تلاقي زوجة بتتريق بالطريقة دي على الزواج او على الزوج، بل إنه مش مقبول في مجتمعنا أصلا لو حصل يعني :)

على العموم يا رب ارزقني بالي تمرمط حياتي كده بدل مانا مقضيها من غير لاحاكم ولا ظابط

يا رب يا سيدي :)

**TaoTao** · 20-05-2008 07:50 PM

هو ايه لزووم كلمة "حبيبة" و "حبيب" في الطلبات دي؟ مسح جوخ؟
وبعدين لايحة العقوبات متلخبطة ليه؟
وكمان نموذج الرد بتاع الزوجة "الحبيبة" بتتكلم فيه عن نفسها بصيغة الجمع زي ماتكون وكيل نيابة :d
أو بتفكرني بصلاح نظمي في فيلم على باب الوزير "انت ماتعرفش ياد مين حلاوة العنتبلي؟! إحنا حلاوة العنتبلي" :d

وبعدين لما الراجل يخرج .. مين هايغسل المواعين !! بند المواعين مش مكتوب ، لازم يضيف في المذكرة "وحيث أنني قمت بواجباتي المنزلية في غسيل المواعين، وتغيير الحفاضات لولدنا العزيز ..." :)

أخيراً من باب جمع المذكر السالم: يُرفع بالواو ويُنصب ويُجر بالياء
باب حروف الجر وهي: من - إلى - عن - على - في - الكاف - الباء - اللام
للمتزوجيـــــــــــــــــ ـــــن