اخواني رواد المنتدي الافاضل اتابع احاديثكم و موضوعاتكم منذ فترة عن دايو نوبيرا ووفقني الله اليوم في شراء دايو نوبيرا 2005 كاملة مانيوال و اتشرف بأنضمامي لكم و معرفتكم جميعا علي ان يجمع بيننا الحب و الاحترام و كل عام و انتم بخير
عرض للطباعة
اخواني رواد المنتدي الافاضل اتابع احاديثكم و موضوعاتكم منذ فترة عن دايو نوبيرا ووفقني الله اليوم في شراء دايو نوبيرا 2005 كاملة مانيوال و اتشرف بأنضمامي لكم و معرفتكم جميعا علي ان يجمع بيننا الحب و الاحترام و كل عام و انتم بخير
يشرفنى انى اكون اول واحد اهنيك بالعربية الجديده.
و عاوزين نعرف حالتها و السعر و عملت صيانات اية ايها.
ربنا يباركلك فيها ويديك خيرها ويكفيك شرها
اهم حاجه اعملها طقم سيرفيس علشان تبقي عارف ايه الي فيها
ربنا يباركلك فيها
ويديك خيرها ويكفيك شرها
مبروك ياباشا ربنا يديك خيرها ويكفيك شرها
الف مبروك يا كبير
ألف مبروك
ربنا يحفظهالك
بص يا باشا انا من شهر كنت بسأل نفس سؤالك و ديه خلاصه الموضوع ولو حضرتك عندك الى سؤال اخر انا تحت امرك .
http://www.nilemotors.net/Nile/250234-a.html
http://www.nilemotors.net/Nile/31990...post3873871790
http://www.nilemotors.net/Nile/31990...post3873884775
الف مبروك على العربية و ربنا يديك خيرها ويكفيك شرها
اهم حاجة شوية الشغل اللي في الاول عشان تكون متطمئن بعد كدا
الميكانيكى فى حدائق القبه و هو راجل بيحب بيشغل دماغه و مالوش فى الاشتغلات (وديه الحجات الى بتعجبنى فيه)و شغال معاه ابن اخوة.
المصنعيه تعتبر معقولة جدا و لو فك حاجة تركب زى ما هى مش تلافى كام صمولة على وردة تحت العربيه حاجة عايزة شحم تتشحم هواء تتنفح بالكمبرسور يعنى يحس انه من مدرسة الصنايعيه بتوع زمان ممكن ياخد الموتوسيكل بتاعة و يروح يجبلى قطعه غيارمن احمد سعيد لو مش لقينها او يودى حاجة المخرطة من الاخر راجل محترم وانا برتاح للتعمل معاة
ياه هو لسه فيه صنايعيه عندهم ضمير :d
بس عيبه انه بعيد على انا من فيصل
بشكر كل اخواني اللي شاركوني في الموضوع وواضح ان كلهم ناس غاية في الاحترام و يا رتني اشتريت العربية من زمان عشان اعرف الناس المحترمة دي الاستاذ ة لورد و بلازر و اسامة و كل اللي اتشرفت بيهم هنا و بالمناسبة انا اسمي اشرف و احب اعرفكم كلكم جميعا في الخير انشاء الله
الف الف مبروك
الله يبارك فيك و شكرا علي التهنئة
ربنا يبارك لك فيها و يعطيك خيرها و يكفيك شرها ان شاء الله
انا لسه مغير الزيت الى فالفولين5W-30 SMT والفلتر طبعا و انطباعى عنه ان صوت العربيه هدى كتير فى اثناء التسخين بس لسه مش قادر احكم عليه عشان من بعديها كل لمشاويرى كانت صغيره.
هو ب300 جنية و يقعد 20000(المفروض) على الوقع الامريكانى بس فى مصر بيقولواعلى اساس الزحمه 15000 و يفضل انك تعمل motor cleaning ب اى flush قبل الزيت الجديد ... انا استخدمت لكوى مولى