استفسار بخصوص 308 sw الجديدة

**megoghanem** · 12-11-2011 07:10 PM

السلام عليكم أعضاء قسم البيجو الكرام، كل عام وأنتم بخير وعيد سعيد عيلكم يارب، كان عندي بعض الاستفسارات بخصوص بيجو 308 sw موديل 2011 لأننا بصدد شرائها في البيت عندنا وبعد ما عقدنا النية لاقينا في ناس بتخوفنا منها في بعض الحاجات، اولا واهم حاجة بيقولوا ان البيجو عموما وخصوصا الغالي بيخسر جامد بمجرد الشراء، يعني مثلا هي سعرها حاليا 167 بالنسبة للموديل اللي نازل بجنوط سبور وفوج لايت بس (في موديل اعلى منه نازل فيه فرش جلد ومرايات طي كهرباء)، الحاجة التانية بخصوص الصيانة وقطع الغيار باهظة الثمن، فهل الكلام ده صحيح؟؟، وهل برضه فيها مشاكل في الفيتيس واللا حاجة، وهل الزيت بتاع الفيتيس مكلف اوي واللا ايه؟؟؟، بيقولوا كمان ان الرفارف بتاعتها فيبر فل ده صحيح وايه عيوبه لو صح؟؟ ومين من الميكانيكية او الكهربائية اللي بتنصحوا نتعامل معاه لاحقا بعد انتهاء فترة الضمان، او حتى خلالها في المشاكل البسيطة، ولو في اي ملاحظات أخرى على العربية ومتشكر جدا لحضراتكم.

**ahmouda2009** · 12-11-2011 11:22 PM

متابع باهتمام وياريت المواصفات والكماليات ونوع البنزين واسعار قطع الغيار وبلد التصنيع وهي فعلا سبعه راكب ولا لا واي مواصفات اخري لو سمحتو ولكم جزيل الشكر

**blazer** · 13-11-2011 01:37 AM

اولا كل الاوربى وخصوصا الفرنساوى بيخسر جامد فى اعادها البيع يعنى لو العربيه عدى عليها سنتين وعملت 60 الف هتبعها ب 120 الف بالكتيير لو انت اشتريت الى ب 167
قطع الغيار زيها زى اى عربيه فى نفس الفئه اكيد مش رخيصه
الفتيس والماتور ممتازين لانهم بالتعاون مع bmw
العربيه ال Sw 7 راكب
البنزين يفضل 95 ولكن بتمشى بال92 عاادى جداا

**megoghanem** · 13-11-2011 08:44 AM

الف شكر على ردك، بس ايه اخبارها في حكاية العفشة الناشفة دي والتكييف بيقولوا مش كويس، وبخصوص سؤال الـ7 راكب فهي فعلا بيباع لها مقعدين خلفيين بـ5000 جنيه بس اختياري، ودول بيتركبوا وبيتفكوا بسهولة جدا، بس برضه المقصورة الخلفية اوي لا تسع اللا اطفال او يعني شباب مش كبير اوي

**ahmouda2009** · 13-11-2011 03:37 PM

شكرا علي التوضيح بس الفتيس تريبتونيك ولا اوتوماتيك عادي وايه الكماليات اللي بتنزل بيها والسعر الحالي وتستحمل المشاوير الطويلة من اكتوبر رايح جاي . والوسع بتاعها يعني عائلية ولا شبابية اكتر. وبالنسبة لسعر اعادة البيع اعتقد مش مهم بالنسبة لي لاني مش من النوع الليً بيغير العربية كل شوية انا عايز عربية معمرة وتعيش وعائلية وواسعة لاني من الحجم الكبير . وهي افضل ولا الجراند تريوس من وجهة نظركم .

**blazer** · 13-11-2011 09:24 PM

العفشة الناشفة دي والتكييف بيقولوا مش كويس،
انا ركبت ال 307 كانت معقوله جدا
هو عموما مساله النشوفبه دى نسبيه بين شخص والتانى وفى مقابلها هتلاقى ثبات وهمى
التكيف مش قوى اوى زى اليابانى خصوصا لو فى عز الحر انما بالنسبه لو ركبت عازل حرارى على الزجاج هيبقى جيد

العربيه عائليه جدا وواسعه