سؤال كده جه على بالي
انا احتمال اهاجر امريكا الايام الجاية
هل ممكن احول رخصة القيادة بتاعتي دي لرخصة دولية اسوق بيها في امريكا ؟؟؟
الكلام ده ازاى و فيين و بياخد مصاريف و وقت اد ايه؟
عرض للطباعة
سؤال كده جه على بالي
انا احتمال اهاجر امريكا الايام الجاية
هل ممكن احول رخصة القيادة بتاعتي دي لرخصة دولية اسوق بيها في امريكا ؟؟؟
الكلام ده ازاى و فيين و بياخد مصاريف و وقت اد ايه؟
انت بتطلع رخصه دوليه عادي
المطلوب منك البطاقه و الرخصه المصريه و جواز السفر و كام صوره و 42 جنيه
هاتروح الاول مرور مدينه نصر و تقولهم عايز اعمل رخصه دوليه
هاتطلع الدور التاني هتلاقي مكتب مكتوب عليه الرخص الدوليه
هياخد منك البطاقه و جواز السفر و الرخصه و يكتبلك ورقه صغيره و يديهالك و الورق بتاعك
هتروح المكتب الي جنبه و تختم الورقه دي
و بعدين تاخد الكلام دا كله و تروح علي نادي السيارات الي في التحرير في الشارع الي فيه شركه الطياران السعودي
هناك هتعبي النموذج و تديله الصور و الرخصه و البطاقه و 42 جنيه و هتاخد الرخصه في نص ساعه
يحقلك انك تتحرك بالرخصه دي خارج مصر و لكن لازم ماتكونش التأشيره بتاعتك اقامه
معلومة إضافية بعد كلام الباشمهندس سعد الدين الرخصة الدولية مدتها قصيرة وهيه أساسا بتبقى للناس الي مسافرة إجازة و هتأجر عربية أو هتستخدم عربية أحد الأقرباء ... لكن لو هتبقى مقيم مش هتفيدك بمجرد انك هتشتري عربية جديدة هتعمل رخصة في البلد الي انت فيه ... و أنصحك لو مقيم ريح دماغك وبعد وصولك خلي أول حاجة تعملها هو استخراج رخصة قيادة و ربنا يوفقك ان شاء الله
بعد اذن صاحب الموضوع,بتطلع لمده قد ايه الرخصه الدوليه؟ زى الرخصه العاديه 10 سنين ولا ايه؟ وايه اجرائات ومصاريف التجديد؟
تحياتى
الرخصة الدولية صالحة لسنة واحدة فقطاقتباس:
المشاركة الأصلية كتبت بواسطة gmakram
ومش بتتجدد ولو محتاج تطلعها تانى بتطلع بنفس الاجراءات ونفس المبلغ
معلش سؤال انا والدى معه رخصة من الكويت و مش معه من مصر هل ينفع يطلع رخصة خاصة بدون تسليم رخصة الكويت