السلام عليكم
كنت عاوز اخد رايي حضراتكم فى موضوع بخصوص مشروع لعربيتي الملاكى وتشغيلها فى اى شئ آمن وذو منفعه
عربيتي اكسيل مو95 كنت عاوز اشغلها فى حاجه تزودلى دخلى حيث انى متزوج واعول وانتوا عارفين الالتزامات فى زياده مستمره
ايه اللى ممكن اعمله مثلا اوزعه من خلالها او اشغلها ازاى ؟
انا من المنصورة و عندى مكتبه صغيره ؟
وكنت عاوز اطور نفسي ودخلى ؟
فكرت فى تاكسي لكن خايف جدا فى تدهور حال الامن وبلطجة الناس ؟
مش عارف اعمل ايه فى حيرتي بصراحه
مستنى افكاركم معايا الله يخليكم
وشكرا جزيلا
دورة مدارس..وتوديهم الدروس بتاعتهم بعد الضهر (لو مدارس لغات او خاصة بيكون ليهم سنتر مشهور للمدرسة كله بياخد فيه دروس)
وخد يالك..هتلاقى اهالى الولاد دول بيطلبوك لمشاوير كتيرة (نادى وخروجات وسفريات) وكله بحسابه
وكمان تعليم سواقة..بس العربية هتتبهدل حبتين بس اهم حاجة وجود اماكن فاضية فى المنطقة
خد بالك كمان ممكن تعلم سواقة على عربيتك او عربية اللى عايز يتعلم يعنى حسب الطلب
وياسلام كمان لو تنزل شغل فى مركز تعليم سواقة عربيات
انا مجرب كل ده ومش عارف اقولك انها فتحة خير عليا اوى وبشتغلها دلوقتى كمان بجانب شغلى الاساسى فى شركة..
وكمان هتوصل لارقام متتخيلهاش وتلاقى نفسك بتغير العربية لموديل احدث والشغل يوسع وتنزل بالعربية الاحدث افراح كمان بجانب اللى سبق والفلوس تكتر
وربنا يوفقك
كانت علي لساني . انت سبقتنياقتباس:
المشاركة الأصلية كتبت بواسطة beshomilan
وتاكسي العربية هاتتبهدل اوي .
عندك المدارس اظنها كويسة جدا
ربنا يوفقك
المطار, توصيل المسافرين لمطار القاهرة او الاسكندرية بما انك في الوسط ما بين المحافظتين
وبتهيئلي المشوار مش هيقل عن 200 ل 300 جنية واهو 4 او 5 توصيلات زي كدا في الشهر
ممكن يطلعوا مبلغ كويس بعد ما تخصم تمن البنزين وخلافة .
ربنا يخليك ويعزك يارباقتباس:
المشاركة الأصلية كتبت بواسطة beshomilan
افكار جميله فعلا
بس هتقل عليك
ازاى مثلا ممكن ابدأ فى موضوع المدارس خصوصا انى معرفش حد لسه
يعنى ممكن اسال فين او اروح افاوض مدرس معين فى المدرسه ولا اعمل اعلان مثلا اوا اوزع ورق اعلانات داخل المدارس
معلش انا مش عارف اوصل كلامى بس يارب تكون فهمت اصدي
وشكرا جزيلا على الافاده القيمه جدا دى
وربنا يوسع عليك وعلينا يارب
اقتباس:
المشاركة الأصلية كتبت بواسطة al_manara
ربنا يخليك ويعزك يارب
وشكرا جزيلا على الافاده القيمه جدا دى
وربنا يوسع عليك وعلينا يارب
شكرا جزيلا ربنا يباركلكاقتباس:
المشاركة الأصلية كتبت بواسطة mahmoudselim
بس المشكله عندى انى مش حافظ الطرق فى السفر
اخرى دمياط راس البر هههههههههه
بس فكرة جميله فكرة المطار
بس المشكله بقا ازاى الواحد يلاقى الزبون
او اعرض نفسي وخدمتى للناس ازاى
ده اللى محيرني جدا
هل ده موضوع علاقات شخصيه فقط
ولا بيكون فيه طرق آخرى
متابع مع حضراتكم باهتمام شديد
وجزاكم الله خيرا
(اولا حاول تبدا بعلاقاتك)
شوف الجيران والمعارف والاصحاب .
انت قولت انك متزوج وتعول .
طيب هل الاطفال في مدرسة ؟ لو في مدرسة ممكن تتفق مع اي مدرس منهم انة يدلك علي اطفال عاوزين الي يوصلهم والموضوع هايكون امان للاهل لانك والد طفل زميل لهم .
ممكن تعمل اعلان ورقي عل باب المدرسة .
لو ليك اصدقاء في شركات سياحة وعربيتك شكلها حلو من برة وجوة تتفق معاهم علي توصيل المطار .
الله ينور عليكاقتباس:
المشاركة الأصلية كتبت بواسطة al_manara
باذن الله هاخد بالاسباب وربنا يوفق يارب
معندكش فكره عن تكلفة التوصيل مثلا بالنسبه للمدارس
معلش متقل عليكم
وجزاكم الله خيرا
بالتوفيق يارب و ربنا يفتحها عليك ان شاء الله
للاسف لا . نستني العضو beshomilan يقولنا لانة بيقول انة جرب .اقتباس:
المشاركة الأصلية كتبت بواسطة wael6
ونستناة ينقلنا تجربتة وخبرتة مشكور
ربنا يباركلك ويعزك يارباقتباس:
المشاركة الأصلية كتبت بواسطة nouranwar
والله المستعان
موضوع الطرق دا سهل مش قضية, يعني ممكن انت تنزل مع نفسك مرة كدا وتحفظ الطريقاقتباس:
المشاركة الأصلية كتبت بواسطة wael6
ممكن بخريطة او ممكن واحد حافظ الطريق يوصفهولك ...الخ
ممكن بقي تعرض نفسك وخدماتك عن الطريق المنتدي هنا او اي موقع علي الانرنت
ممكن تنزل اعلان في الوسيط وبالطبع العلاقات الشخصية مهمة في المجال دا.
وربنا يوفقك يا باشا
جزاكم الله خيرااقتباس:
المشاركة الأصلية كتبت بواسطة mahmoudselim
اقتباس:
المشاركة الأصلية كتبت بواسطة al_manara
متابع باهتمام
وتبقي مشكلة البنزين
عائق امامى فى توصيل المدراس والمشاوير
لعدم تفهم الناس ذلك للاسف
والحمد لله رب العالمين