النهاردةفلشتى كانت هتتقلب بيةولكن ربنا سترحد يقولى فى اية انا طالب المساعده يا جماعة

**EngAhmedSayed** · 13-11-2011 12:03 AM

السلام عليكم
الله يسامحك يالوزة نشفتيلى دمى
يا اخوانى النهاردة حصل موقف غريب معايا انا لسة مفوقتش من موقف امبارح بتاع تسريب المياة من دورة التبريد النهاردة كان عندى شغل بس شغل خصوصى المهم نزلت ركبت عربيتى وفتحة الكبوت واطمنة على منسوب المياة فى القربة وشيكت زى منا بشيك عادى على لوزة المهم كل تمام قولت بسم الله ومشيت عادى جداااااا مفيش اى مشكلة المشوار كان فى الحوامدية المهم طلعت الدائرى وزى الفل ولوزة طايرة معايا واية فايقة كمان واية زى الحلوه المهم نزلت من على الدائرى وعديت المنيب ومسكت طريق مصر الصعيد الزراعى والطريق دة انا حافظة لانى بروح و باجى علية كتير و حافظ المطبات المهم بعد ما بتطلع من المنيب وتدخل على طريق الصعيد فى نزلت الكوبرى على شمالك و ماشى والحتة دى عادى بجيب فيهاسرعة 100 كيلوو بعدين بمور و اهدى علشان فى مطب المهم مورة وداخل على المطب وقدامى عربية بنفس سرعتى هدى هو كمان وانا وراه ادوس على الفرامل سنةمفيش انزل بدواسة سنة كمان مفيش نزلة بدواسة الفرامل مرة واحده مفيش قلبى وقع روحت كاسر يمين مرة واحدة علشان افادى العربية النقل قلى قدامى بدون تفكير ومن غير ما ابص يمينى لانى الوقت سرقنى روحت عادل العربية تانى لقيت المطب فى وشى رحت رافع الهندبريك و ايدى على زرار المقبض بتاع الهندبريك و قبل المطب روحت منزله تانى و كلت المطب واتهبد جوة العربية والحزام واجع وسطى وحسس الجزء قلى فوق فى كدمات قعد بقى اهدى بالهند بريك لحد ماركنت على جنب و قلبى اتقبض و بطلت العربية وقعد ماسهم بتاع ربع ساعه لقيت كشك قولت انزل اجيب حاجة ساقعة و شربت بتاع 4 سجاير فى الوقت دة بصيت على العربية من تحت مفيش حاجة فتحت الكبوت مفيش حاجة ابص على الاربع فرد كوتش من جوة فى تسريب زيت فرامل مفيش ابص على تنك زيت الباكم كامل وزى الفل طيب فى اية مش عارف المهم
دورة بعد ماهديت وجيت ماشى و جيت ادوس على دواسة الفرامل بحكم التعود وانا ايدى على الهندبريك لقيت الدواسة شغاله و بتوقف العربية تمام وعلى الشعرة يسلام بعد شوية مفيش دواسة وانا مديها الخوانة و شوية ترجع تشتغل روحت خلصت شغلى ورجعت على البيت مديق ومش عارف فى اية
وانا قاعد فى البيت اسمع صوت دش دش دش لقيت انذار عربية بيضرب قولت عربيتى وطلعت الحمدلله مش عربيتى دى عربية واحدجارنا وراجل محترم ازاز البربيز قلى قدام اتكسر بسبب العيال بيحدفو طوب على بعض راحو مكسرين الازاز وطلعو جريو نزلت واقفت معاه بحكم الجيرة والمساعده اتصل بواحد بتاع الازاز قالو هات عربية وتعالى خدنى و خد الازازا معايا واجى اركبهولك فقلى يا حمد هستاذنك روح هات الراجل قولتالو مش هينفع قلى لية قوالتالو الفرامل بتهرب من تحت رجلى كل شوية قلى اة طيب اتصل بالراجل قالها تصرف و تعالى فى تاكسى وانا هحسبك علية قلى هات المفتاح بتاعك عقبال ما الراجل يجى دور وقعد يكارك يكارك يلقى الموتور بيبطل دور تانى يكارك تانى الموتور بيبطل قالى دة سيرفو حاول تغيره علشان دة مشكلة نسيت اقولكم جارى دة ميكانيكى كبير واتعلمةمنه حاجات كتير
قالى متخرجش بيها قولتالو انا مش هركبها دلوقتى لانى مبقاش فى عندى اعصاب ليها اليومين دول

معليش طولت عليكم بس قولت افضفض معاكم لانى تعبان و مديق
الحمدلله
ربنايستر
اخوكم ومحتاج المشورة و النصيحه
م / احمدسيد

**benmatar** · 13-11-2011 10:15 AM

السلام عليكم
الحمد لله على السلامة وعلى كل شئ، خير إن شـــــاء الله، حضرتك لازم تكشف على السيرفو فعلا، غالبا هو الجاني في الموضوع ده، وبالتوفيق

**ayman20100** · 13-11-2011 11:56 AM

اولاً : الحمد لله على سلامة حضرتك
ثانياُ : ربنا يعينك وتظبط الفرامل عشان الفرامل ما فيهاش تهريج وربنا يستر طريقك وطريقنا
وابقى طمنا عليك وما تزعلش من لوزة خالص برضه افتكرلها ايام حلوة انا دلوقتي بعمل كده والله خصوصاً ان العربية مبهدلاني شوية ربنا كريم وتتظبط بأذن الله

**AhMeD MeTwAlY** · 13-11-2011 12:24 PM

الفليشيا ضد الانقلاب وعن تجربه

**saint** · 13-11-2011 12:29 PM

بحكم تجربتى المتواضعة والبسيطة مع عربيات احسن وعربيات اقل من الفليشيا احب اقول بالفم المليان ان الفليشيا دي عربية

فاشلة وفعلا اسمها زي ما الميكانيكية بيقولوا عليها فاشيليا
وشكرا بدون زعل

**المنسي** · 13-11-2011 02:11 PM

الحمد لله على كل حال يابو حميد انك بخير ربنا يكفيك شرها انت اتحسدت ربنا يكفيك شر العين اسالنى انا الحمد لله على كل حال

**sakr_skoda** · 13-11-2011 09:35 PM

الف حمد الله على السلامه ياخ احمد والله الواحد مش عارف يقولك ايه بص انتا احسن حاجة ادهن العربية زيت وسخ من الجنب والكبود حاقوالك ايه دى اكيد عين وصابتك ياحبيبى بس الحمد الله ربنا بيسترها معاك على شان انتا ابن حلال مصفى....*

اما عن مشكلة الفرامل دى حاجة هايفة خالص ويارتك اتصلت بيا كنت حلتهالك وانتا على الطريق....

الموضوع ان الفرامل عندك واخده هوا يعنى بمفتاح عشر فك خرطوم الزيت اللى رايح على الفرامل من تحت وواحد يقعد كركلك على الفرامل لاحد ما تصرف العفريت قصدى الهوا من الفرامال....

على فكرة انا دوختنى الفرامل وكتر الطيم هو اللعلمنى وما فى حد ظبط الهوا الا العبد الفقير الى الله ههههههههههه اه والله من زهقى من الصنايعية قلت يعيال تعالو ارفعو العربية من الجنب دة ورحت فاكك خرطوم الزيت والواد يكرك ويكرك لاحد لما بقة تمام....

اللهم صل على محمد وعلى آله وصحبه أجمعين