عرض للطباعة
السلام عليكم ورحمه الله
يا رجاله
انا جالي شغل مسائي في الحي العاشر مدينة نصر
عند ميدان الجامع
انا معايا عربيتي، بتحرك على المغرب كده من الزمالك
انا مليش خبره خالص بخبايا مدينه نصر
وانا رحت النهارده كان سفر بصراحه والموضوع كان صعب جدا
لو فيه طريق سهل ياريت حد يساعدني ضروري وبسرعة ربنا يكرمكم
وعليكم السلام ورحمة الله وبركاته
حضرتك مش موضح ايه الطريق اللى مشيته وكان طويل.
بس لو انا فى مكانك هطلع المحور واوصل مع الدائرى مدينة نصر وعند نفق العاشر او نفق شارع التسعين هلف واخش شمال من عند كافيتريا الربوة وامسك الطريق ده لحد الحى العاشر او جامع السلام.لو الدنيا مش زحمة اوى ممكن من 45 دقيقة لساعة.
بص هو فى كل الاحوال لازم تاخد اكتوبر وهى دى الكارثه افضل طريق تاخد هو كالاتى انت جى من العاشر صح هتمشى اكنك نازل على الحى السابع لحد ما تلاقى بنزينه وطنيه وكوك دور وجامع السلام هتاخد اول يوترن وتلف على عالطول وتخش من جنب جامع السلام هتمشى عالطول هتلاقى ميدان هتكمل عالطول هتطلع على محور الشهيد وهتبقى اجبارى تخش يمين هتخش يمين هتمشى عالطول هتلاقى تقاطع وعلى ايدك اليمين بنزينه التعاون هتكمل برضوا عالطول هتلاقى تقاطع مكتوب يافطه كوبرى اكتوبر شمال هتخش شمال فى يمين اخر الشارع ده كوبرى اكتوبر هتاخد الكوبرى ده لحد نازله الزمالك ان اضمن لك ان كل اللى فات ده فاضى لكن من اول كوبرى اكتوبر انا معرفشك
mahamedaraby
انا عايز الطريق من الزمالك للحي العاشر
مش العكس
Ayman-Ahmed
طيب وانا اطلع المحور ازاي من الزمالك؟
من الزمالك على التحرير على نفق الازهر ... هتطلع فى صلاح سالم و تمشى طوالى و تطلع اول كوبرى ... تانى كوبرى من جنبه يمين تمشى تحت كوبرى اكتوبر لحد الوتوستراد هتخش يمين اجبارى و تلف يوترن و ترجع فى الاوتوستراد ... و تكمل طوالى و تخش يمين قبل المنصه على طول تمشى شويه و تخش يمين مع اول تقاطع هتوصل مصطفى النحاس تاخد يوترن و تخش يمين مع الاشاره فى شارع الطيران ... هتمشى شويه هتوصل عند تقاطع ذاكر حسين (هتلاقى ابو رامى بتاع السندوتشات على يمينك و الشبراوى على الشمال) تلف يوترن و تخش يمين عند الشبراوى و طوالى هتوصل للحى العاشر ....
المشوار هياخد منك 45 دقيقه لو الدنيا فاضيه و ممكن لحد 75 دقيقه مع الزحمه ... بس الوقت اللى انت بتقول عليه ده (حوالى 6 مساء) الدنيا بتكون هاديه شويه فى الشتا
اسف على التاخير.اقتباس:
المشاركة الأصلية كتبت بواسطة a_shanawany
هتطلع من ميدان لبنان.بمعنى هتخلص كوبرى الزمالك من شارع 26 يوليو وبعدين تطلع المحور او ممكن تكمل لحد الدائرى وتلف فى اتجاه مدينة نصر/المعادى.