الموضوع: محدش عارف النصيب فين ____ انا وهؤلاء

المشاركة الأصلية كتبت بواسطة tutankhamoun

أحمد باشا ...... منور
بس أنا عايز أقولك على حاجة
كل واحد هايقولك رأيه حسب مزاجه الشخصي
أنا عن نفسي .......... جين 2 بدون تردد و بدون أسئلة كتير (مزاج شخصي )
فكل اللي أقدر أقولهولك التالي
أنت عايز تعرف عيوب الجين 2

قطع غيار مش رخيصة و لكن الأستهلاكي متوفر عند بتوع قطع الغيار بأسعار معقولة (تيل فرامل - فوانيس ........ الخ )
المرايا الجانبية للأبواب ..... الرؤية فيها مش تمام (حجم المرايا صغير )
العربية من جوه مش فخمة و عادية و لكن أغلب العربيات في السعر ده بتكون تقريبا في نفس المستوى .
اعادة البيع مش سريعة و سعر اعادة البيع معقول جدا مقارنة بثمنها و هي جديدة .

أما المميزات
ثبات عالي بيقابله عفشة خشنة شوية .
تحكم عالي في العربية (حلوة في المناورات و ماسكة في الأرض )
كماليات كتيرة و الأوتوماتيك قبل 2009 فيه مثبت سرعة و كافة الموديلات اللي مش فيها مثبت سرعة ممكن يركبلها مثبت سرعة لأنه موجود له مكان في الضفيرة أصلا لأنه بينزل في أنجلترا و ماليزا أساسي .

قوة الموتور بالنسبة للي موجود في السوق دلوقتي قوة متوسطة و أنا بتكلم على مقارنتها بالجديد.
الموتور 110 حصان و العربية تقيلة في الوزن (1200 كجم ) و حاجات هيونداي كتير بتسحب عنها .
إنما أدائه مرضي بدرجة كبيرة جدا و سحبه حلو قوي .

العربية بوجه عام ..... ممتازة .....أنا الحمد لله بحب العربية جدا و بأعشق كلمة بروتون و بأحب ماليزيا لدرجة لا تتخيلها .

الأبيزا مش هاتفرق كتير غير في الأسم و الناس اللي بيفرق معاها الأسامي و بلاد المنشأ .
لو أنت من الناس دي ..... هات أبيزا و هي سيارة أكثر من ممتازة و لم أجرب الموديلات الجديدة منها .

لو أنت مش فارق معاك موضوع اﻷسم هات اللي ترتحله
و بما أن أنت هاتجيب مستعمل
يبقى الأفضل حالة هو اللي تشتريه

و لو عايز أي معلومات عن الجين 2 أنا تحت أمرك

طبعا مش عارف اشكرك ازاي وعاوز اقولك شئ بصراحة انت من الناس الي حببني في جينا من زمان وانا بحبها جدا لكن حبيت بس اعرف مين الاحسن فالفرامل والامان لاني بصراحة بجري زيادة عن اللزوم وسعمت كلام عن الفرامل غير كده لا يعاب عليها لاني مش بيهمني الماركة والبلد قد الاداء واقتناعي بالعربية وربنا يكرمك ويعزك علي ردك واهتمامك بسؤالي

المشاركة الأصلية كتبت بواسطة أبومعاذ

معلش مشفتش الموضوع إلا دلوقتي :)
الجين 2 عربية جميلة بس الأبيزا أكثر إعتمادية بس اتأكد من :
أولاً قطع الغيار أتأكد إنها رخيصة و متوافرة لأن واحد صاحبي معاه كوردوبا و بيلف كتير عشان يلاقي قطع الغيار
ثانيا التكييف غالبية العربيات الألماني اللي ركبتها أو سقتها كان التكييف فيها مش جامد أوي
ثالثا: توافر الأجزاء الخارجية زي الفوانيس - الشبكة الأمامية - الرفارف - الأكصدامات
لو الحاجات دي كويسة في الابيزا يبقى انا ارشحهالك بس لو فارق معاك الأداء و السحب يبقى هات الجين 2

لا بقي طالما رديت يبقي توضح اجيب اني فيهم لا رايك لا يستهان بيه انا سالتكم لاني بثق فكلامكوا عن الجين وبرده تقولي تجربتك من جيجي يعني ايه الي زعلك منها وايه الي بسطك لو بتقال عليكم ياريت متزعلوش

+111111111111111111111

المشاركة الأصلية كتبت بواسطة tutankhamoun

ربنا يستر طريقك
بس كل ملاك الجين 2 بيجروا زيادة عن اللزوم (ناس كتير فاكراها فيراري علشان الشكل الرياضي قوي )
الفرامل في كلمة و نص ............. ممتازة

بس هي مختلفة يعني مش من اللمس بتقف ......... لو عايز توقف العربية لازم تكبس عليها علشان تقف .
دي ميزة و عيب
ميزة في التحكم في العربية كويس من غير الحساسية الزيادة للفرامل .

عيب للناس اللي مش متعودة على كدا و بتفتكر ان الفرامل ضعيفة و لكن الفرامل بتوقف العربية زي أي فرامل طبيعية (يعني مش سحر برضه في الأخر )

ربنا يكرمك انت طمنتي بخصوص الفرامل لاني مش مهتم بموضوع لمسه تقف المهم تكون قوية والعربية مش بتتزحلق جامد وحضرتك شكرت فالموتور وانها تقريبا مش بتسخن ومش بتجيب وش سلندر بسرعة زي مقال عضو قبل كده والله انا مبسوط غير المعلومة لا انك بترد وفي اهتمام ربنا يكرمك بجد