الموضوع: محدش عارف النصيب فين ____ انا وهؤلاء

طيب وحضرتك ملقتش جين فى مواقع السيارات بدل ما كنت تنزل السوق ؟!

مظنش ان لو في حد عاوز يشتري جين هينزل السوق ، لأن اللى بينزلوا السوق بيكون على عربيات عليها عرض وطلب كبير من الاساس ، اللى بيشتري جين بيختارها مخصوص زي ما حضرتك كدة بتدور عليها مخصوص ، وعدم انتشارها بصورة كبيرة ميزة وعيب فى نفس الوقت ، الميزة انك تحس انك راكب حاجة مختلفة و ملهاش سوق وطلب عند الحرامية ، العيب هو قطع الغيار هتلاقيها فى اماكن معينة مش عند البقال زي ما بيقولوا

انا مروحتش السوق قبل كدة ، بس متوقع اننا لو روحت هلاقي هناك الهيونداي بكثرة والتويوتا وميتسوبيشي واللادا والبيجو القديم وممكن شوية بي ام على مرسيدس --

وهو ممكن يستغل جهل الناس بها - وتلاقيه يقولك دي ألفا روميو كمان :d
و فعلا شكله سارقها يا وخدها يبيعها لصاحبها يا إما مثلا شاريها بالفوائد وحط ثمن الفوائد عليها ، بس انا مشفتش حد راكب جين ورايح حتي ماركت بترنج :d

المشاركة الأصلية كتبت بواسطة ahmed1006

لقيت بس قولت اكيد السوق هيبقي اكبر وفي عربيات متنوعة لكن طلع العكس والله
انا بقي هقولك علي حاجة والله العظيم ده حصل بجد لانكم ممكن متصدقوش اول جين شوفتها ماشي سودا رشه بره 2007 متهانة من جوا وماشية بتاع 90 تقريبا والله اعلم يعني كام يعم 60 الف خلاص مش عاوزين في سرنا البائع عمال يظيط دي abs والكلام الفاضي ده عاوز امشي وبقوله خلاص يعني ربنا يجعل سوقها احسن منها فريمي كلمة قال يعني احنا مش فاهمين قيمة العربية شوفوا بيقولي ايه :
_بيقولي يا بيه انت بتتكلم فعربية جديدة ب 113 الف جنيه _ اقسم بالله قال كده
انا لفيت وبصتله مصدوم هي ايه ال ب113 الف قالي دي وخلوا بالكوا دي منيوال قوالته مين الي قال كده دا انت شاريها ب84 ويمكن اقل كمان الراجل وشها ظلم وكاني شتمته برده عاوز يعناد شكله سارقه اصلا ومش فاهم حاجة بيقولي يا بيه ب 113 قوتله ده ب 84 وتوكيل عز العرب والي بيصلحوه كذا وكذا طبعا هو مصدوم بس مصمم علي الي بيقوله انا كنت بدات اتنرفز فالكلام الي معايا قولولي يلا محصلش حاجة كل واحد يتكلم علي مزاجه انت زعلان ليه قومت ماشي فالبائع وانا ماشي يقولي اقولك حاجة كمان دي زيرو ب 18 الف بس بيستفزني يعني كاني حمار كنت عاوز اشتمه بصراحة فاللحظة دي بس قولت خلاص لاني حسيت انه يا نصاب يا سراقها لانه لابس ترنج غريب وشكله اغرب يعني مش شكل ملاك جين خالص اخره بتاع توتك والله انا قولت لازم احكلوا علشان تعرفوا قد ايه في ناس متخلفة او فاكرنا احنا الي عبط ..مستني رائكم فالتويوتا ؟؟
لا تعليق ..............انا وهؤلاء

أحمد باشا جرب تخش على موقع contactcars وتشوف البروتون المستعمل, وممكن برده تشوف جروب Proton Gen-2 Club Egypt عالفيسبوك وتكتب إنك بتدور على واحدة يمكن يكون فيه حد عايز يبيع ولا حاجة.

ورأيي بلاش التويوتا ويبقى أي حاجة والسلام مادام إنت مقتنع بعربية معينة. أصل الواحد مش بيجيب عربية جديدة كل يوم.