مركز الخدمة سيئ .. ومركز الصفا برقبتة

**egy_3assy** · 13-11-2011 10:47 AM

[gdwl]بسم الله الرحمن الرحيم[/gdwl]
هحكيلكو اللي حصل الاجازة دي بعد ما كنت عامل موضوع عن الرجرجة في العربية و كدة هنا(http://www.nilemotors.net/Nile/255604-a.html) .. يا الجماعة الموضوع كان مأساوي .. انا خدت بنصيحة الوالد وبما انة دايما بيركب زيرو فمتعود على التوكيل وبيتبسط منو ... المهم روحت مركز خدمة هيونداي (جيسكو ) اللي في ميدان ابن الحكم.. في واحد هناك اسمة فيصل .. دة فني خدو بالكو منو قوي... الراجل دة عملي حاجات غريبة .. كفاية اقول اني قبل مايحط ايدو في العربية كنت بقرس علي التاني بتجيب 80 و دة قبل ما اعمل فيها اي حاجة و بعد ما هو عمل اللي عملة من
1. تنضيف فلتر هول
2. تغيير فلتر بنزين
3.تغيير طقم سيور
4. تغيير بوجيهات
5. كشف علي الكهربا والعفشة و ظبط الموتور (قاللك ظبط)
6. صوت صفير بعد ما بدور العربية دة عشان الباشا مربطش علي سير الكاتينة (و كان هيفك مني وانا ماشي)
7. الحسنة الوحيدة ان الفني بتاع التكييف ظبطلي خراطيم التكييف فمبقتش تترج لما اشغل التكييف و تمام اوي كدة.
العربية بقت تجيب 50 بالعافية علي التاني مع صوت عالي جدا وسحبها بقي ضعييييييييييف جدا ... روحت تاني يوم و قعدت ازعق هقولكو اللي حصل واللي لاحظتو في العربية بعد ما خلصت شغل في المركز دة
1- تهييس في النوار كلها .. يعني نور الفرامل مبينورش و نور الطابلوة بتاع التكييف مش شغال وانوار الاشارات بتجري بسرعة.
2- السحب زي الزفت
3- تنتيش بشكل يقلب البطن
4- كركرة علي كل الغيارات
5- تأخير في الدوار
6- الحرق الجامد وانا بطلع مبيفركش نهائي لا دة انا لازم احرق عشان العربية تمشي اصلا
طبعا روحتلهم تاني يوم عشان اكتشف اية اللي عفرت العربية كدة.. دة مع العلم اني دافع 250 خدمات + 300 قطع غيار و قعدت ابوس اديهم عشان يفكو الكربراتير يتنضف مرضيش ابدا,, المهم فكينا كدة نشوف في اية .. اولا البية مركب بوجيهات NGK .. بوجيهين 5 و بوجيهين 6 .. طبعا طلعنا البوجيهات بعد يوم واحد استعمال مهببيييييين.. المهم دخلت عليهم وقعدت ازعق فالمهندس اللي هناك خد العربية و كشف عليها وقاللي زي الفل و حلوة قلتلو طب رجعولي العربية زي ما كانت و مش عايز حاجة تاني .. المهم قعدوا يحاولو يظبطو كدة و خدت منهم طقم بوجيهات جداد و رحت طالع علي مركز الصفا و هناك فعلا عرفت اللي فاهم بجد .. وعرفت يعني اية كشف علي العربية بجد.. انا دفعت 120 جنية بس بصراحة متكيف و مزاجي عالي جدا .. اولا فكو الكربراتير و نضفوة تماما وغيرولي بك السرعة و جوانات و شوية حاجات كدة بعد ما كشفوا علي العربية .. و حطولي البوجيهات و نضفوا الفلتر تاني و حللوا العادم و الزيت و كشفوا علي جميع الزيوت من غير ما اطلب وظبطو الكهربا صح ... والنتيجة
1- التاني لما قرست علية جاب 100
2- العربية بتفرك في الارض في الطلوع
3- مفيش تصفير السير
4- العربية سحبها بقي هايل مع التكييف
5- مفيش تنتيش وكركة تماما
6- نفسيا مرتاح جدا من الزيارة دي
انا بس حبيت اقول للناس ان مش عشان مركز وبياخد فلوس كتير يبقي لازم يكون كفاءة .. انا لو كنت اديت 100 جنية لميكانيكي شاطر مش 250 كان اتشقلب في العربية و قلبها فيراري ...

**verna2008auto** · 13-11-2011 10:58 AM

المشاركة الأصلية كتبت بواسطة egy_3assy

[gdwl]بسم الله الرحمن الرحيم[/gdwl]
هحكيلكو اللي حصل الاجازة دي بعد ما كنت عامل موضوع عن الرجرجة في العربية و كدة هنا(http://www.nilemotors.net/Nile/255604-a.html) .. يا الجماعة الموضوع كان مأساوي .. انا خدت بنصيحة الوالد وبما انة دايما بيركب زيرو فمتعود على التوكيل وبيتبسط منو ... المهم روحت مركز خدمة هيونداي (جيسكو ) اللي في ميدان ابن الحكم.. في واحد هناك اسمة فيصل .. دة فني خدو بالكو منو قوي... الراجل دة عملي حاجات غريبة .. كفاية اقول اني قبل مايحط ايدو في العربية كنت بقرس علي التاني بتجيب 80 و دة قبل ما اعمل فيها اي حاجة و بعد ما هو عمل اللي عملة من
1. تنضيف فلتر هول
2. تغيير فلتر بنزين
3.تغيير طقم سيور
4. تغيير بوجيهات
5. كشف علي الكهربا والعفشة و ظبط الموتور (قاللك ظبط)
6. صوت صفير بعد ما بدور العربية دة عشان الباشا مربطش علي سير الكاتينة (و كان هيفك مني وانا ماشي)
7. الحسنة الوحيدة ان الفني بتاع التكييف ظبطلي خراطيم التكييف فمبقتش تترج لما اشغل التكييف و تمام اوي كدة.
العربية بقت تجيب 50 بالعافية علي التاني مع صوت عالي جدا وسحبها بقي ضعييييييييييف جدا ... روحت تاني يوم و قعدت ازعق هقولكو اللي حصل واللي لاحظتو في العربية بعد ما خلصت شغل في المركز دة
1- تهييس في النوار كلها .. يعني نور الفرامل مبينورش و نور الطابلوة بتاع التكييف مش شغال وانوار الاشارات بتجري بسرعة.
2- السحب زي الزفت
3- تنتيش بشكل يقلب البطن
4- كركرة علي كل الغيارات
5- تأخير في الدوار
6- الحرق الجامد وانا بطلع مبيفركش نهائي لا دة انا لازم احرق عشان العربية تمشي اصلا
طبعا روحتلهم تاني يوم عشان اكتشف اية اللي عفرت العربية كدة.. دة مع العلم اني دافع 250 خدمات + 300 قطع غيار و قعدت ابوس اديهم عشان يفكو الكربراتير يتنضف مرضيش ابدا,, المهم فكينا كدة نشوف في اية .. اولا البية مركب بوجيهات NGK .. بوجيهين 5 و بوجيهين 6 .. طبعا طلعنا البوجيهات بعد يوم واحد استعمال مهببيييييين.. المهم دخلت عليهم وقعدت ازعق فالمهندس اللي هناك خد العربية و كشف عليها وقاللي زي الفل و حلوة قلتلو طب رجعولي العربية زي ما كانت و مش عايز حاجة تاني .. المهم قعدوا يحاولو يظبطو كدة و خدت منهم طقم بوجيهات جداد و رحت طالع علي مركز الصفا و هناك فعلا عرفت اللي فاهم بجد .. وعرفت يعني اية كشف علي العربية بجد.. انا دفعت 120 جنية بس بصراحة متكيف و مزاجي عالي جدا .. اولا فكو الكربراتير و نضفوة تماما وغيرولي بك السرعة و جوانات و شوية حاجات كدة بعد ما كشفوا علي العربية .. و حطولي البوجيهات و نضفوا الفلتر تاني و حللوا العادم و الزيت و كشفوا علي جميع الزيوت من غير ما اطلب وظبطو الكهربا صح ... والنتيجة
1- التاني لما قرست علية جاب 100
2- العربية بتفرك في الارض في الطلوع
3- مفيش تصفير السير
4- العربية سحبها بقي هايل مع التكييف
5- مفيش تنتيش وكركة تماما
6- نفسيا مرتاح جدا من الزيارة دي
انا بس حبيت اقول للناس ان مش عشان مركز وبياخد فلوس كتير يبقي لازم يكون كفاءة .. انا لو كنت اديت 100 جنية لميكانيكي شاطر مش 250 كان اتشقلب في العربية و قلبها فيراري

...

الف مبروك .... بس انتا ما علقتش علي اللي انا قلتهولك ورقم 130 جنية دة

**RAMYALI_1982** · 13-11-2011 11:58 AM

طب ينوبك ثواب فين مؤكز الصفا دة احسن انا عندى نفس الاعراض تقريبا

**verna2008auto** · 13-11-2011 12:35 PM

المشاركة الأصلية كتبت بواسطة RAMYALI_1982

طب ينوبك ثواب فين مؤكز الصفا دة احسن انا عندى نفس الاعراض تقريبا

متابع بإهتمام

**egy_3assy** · 13-11-2011 12:40 PM

مركز الصفا في شارع مختار اباظة - سوق القنال ... بالبلدي تمشي في جسر السويس كأنك في اتجاه العباسية وانت في سوق القنال هتلاقي بنزينة كالتكس علي يمينك .. خش قبلها يمين وامشي عليطوووووول .. هتلاقية اخر الشارع علي الشمال

**egy_3assy** · 13-11-2011 12:45 PM

[gdwl]الف مبروك .... بس انتا ما علقتش علي اللي انا قلتهولك ورقم 130 جنية دة[/gdwl]

الله يبارك فيك و انا كنت معلق يا كبير .. بس هنج تقريبا و مطلعش الرد .. بص هي البوجيهات ب 50 ngk
و موضوع القواعد طلع تكاك .. و تنضيف الكربراتير هوا اللي سحب فلوس محترمة .. كان ب 85 في الصفا وموضوع الدينامو والبطارية تمام 5جنية بالتمام والكمال.
شكرا يا كبيرنا و اكيد انا معاكو في اي استفسار بخصوص اللفة الماكوكية.

**verna2008auto** · 13-11-2011 12:47 PM

المشاركة الأصلية كتبت بواسطة egy_3assy

[gdwl]الف مبروك .... بس انتا ما علقتش علي اللي انا قلتهولك ورقم 130 جنية دة[/gdwl]

الله يبارك فيك و انا كنت معلق يا كبير .. بس هنج تقريبا و مطلعش الرد .. بص هي البوجيهات ب 50 ngk
و موضوع القواعد طلع تكاك .. و تنضيف الكربراتير هوا اللي سحب فلوس محترمة .. كان ب 85 في الصفا وموضوع الدينامو والبطارية تمام 5جنية بالتمام والكمال.
شكرا يا كبيرنا و اكيد انا معاكو في اي استفسار بخصوص اللفة الماكوكية.

هوا دة الشغل ... انتا صلحت عربيتك طيب (( انا مبسوط لية ))

اتمنالك التوفيق

**RAMYALI_1982** · 13-11-2011 12:48 PM

المشاركة الأصلية كتبت بواسطة egy_3assy

مركز الصفا في شارع مختار اباظة - سوق القنال ... بالبلدي تمشي في جسر السويس كأنك في اتجاه العباسية وانت في سوق القنال هتلاقي بنزينة كالتكس علي يمينك .. خش قبلها يمين وامشي عليطوووووول .. هتلاقية اخر الشارع علي الشمال

طيب ممكن مواعيد العمل او رقم تليفون معلش هاتعبك معايا وسوال كمان هما طبعا بيعملوا الصيانات الدورية كمان لان انا قربت على 40 الف يعنى ممكن يبقوا عارفين اية اللى بيحصل فيها ولا لازم اقلهم يعملوا اية حاجة حاجة وهل عندهم قطع غيار ولا بيصلحوا بس واجيب انا قطع الغيار من برة وهل قطع الغيار اصلية عندهم زى اللى فى التوكيل ولا اجيب من برة احسن
انا اسف على الاطالة دة كدة 100 سوال مش سوال واحد

**egy_3assy** · 13-11-2011 03:17 PM

المشاركة الأصلية كتبت بواسطة RAMYALI_1982

طيب ممكن مواعيد العمل او رقم تليفون معلش هاتعبك معايا وسوال كمان هما طبعا بيعملوا الصيانات الدورية كمان لان انا قربت على 40 الف يعنى ممكن يبقوا عارفين اية اللى بيحصل فيها ولا لازم اقلهم يعملوا اية حاجة حاجة وهل عندهم قطع غيار ولا بيصلحوا بس واجيب انا قطع الغيار من برة وهل قطع الغيار اصلية عندهم زى اللى فى التوكيل ولا اجيب من برة احسن
انا اسف على الاطالة دة كدة 100 سوال مش سوال واحد

لا يا باشا ولا يهمك انا تحت امرك .. بص هما بيشتغلو من الصبح يعني 10 كدة لغاية 6 بليل .. بس هما مش مركز صيانة متكامل هما لتحليل العادم و تظبيط استهلاك البنزين و مشاكل السحب و نضافة الكربراتير والانجكشن والحاجات دي ودة اللينك بتاعهم علي المنتدي و فية كل المعلومات (http://www.nilemotors.net/Nile/249389-a.html)
وتليفونهم وكلحاجة .. و بالنسبة لقطع الغيار انا معرفش بس في حالتي هما اللي حطولي قطع الغيار بأسعار كويسة قوي يعني