الطريق الدائرى وصناعه الموت والنيسان صنى

امبارح وانا راجع من فرح واحد زميلنا فى الشغل ومعايا 3 من اصحابي ربنا اكرمنا برحمتة وانقذنا من موت محقق .
المهم احنا كنا واخدين الدائري من المعادى ودخلنا وصله المريوطيه وعدينا من فوق المحور فى اتجاهنا الى نزله شبرا طريق السلام الاسماعيليه الطريق كان فاضى الساعه كانت 11 مساءا وعند كمين نزله القوميه كان على اليمين قمت واخد الشمال وعلى سرعة 120 كيلو وفجئه وبدون سابق انذار او اشارات ضوئيه او اى علامه الاقى الحاره الشمال بالكامل مقفوله ببلوكات اسمنتيه بالعرض وكمان المنطقة دى مكانش فيها اي اضاءه ومكنش بينى وبين الخرسانه الا 2-3 متر ربنا ثبت اعصابى وعلى اخر لحظة قمت محود كل الدركسيون يمين والعربية استجابت بشكل رائع و بعد ما فديت البلوكات اخر حتة فى الاكصدام الخلفى حكت فى اخر بلوك مع حكة فى الجنط الشمال.
قامت العربية عامت وانحرفت بشدة ناحية اليمين وبعد كدة ناحية الشمال وقمت دايس فرامل والعربية قامت واخدة خمسة ووقفت مكانها زى الطوبة ةالعربية الحمد لله اثبتت كفائتها فكل حاجة الثبات والاتزان والفرامل وكل الى على الدائرى مت العربيات اللى وقفوا استغربوا ان العربية ما اتقلبتش.
انا فى النهايه بحمد ربنا كل لحظة والموضوع مش موضوع عربيات ربنا كرمنى وقدرت افادى الخرسانة وكرمنى تانى مرة ووقفت والعربية وما اتقلبتش وكرمة زاد لما محدش خبط فيا من ورا لان كل العربيات كانت طايرة.
اخر حاجة جة العسكرى من عند الكمين وقال ان الاشارات الضوئية كانت محطوطة واتسرقت .
يعنى اية الاهمال دة ازاى يسيبوا الطريق كدة وميحطش اى اشارة وقال ان فى ناس كتيرة كانت هاتتخبط .
واللى كان وراى قالى ان هو ما كانش شايف البلوكات وكمان اللى كانوا معايا فى العربية.
وحسبى الله فى كل الناس اللى ماعندهمهش ضمير.
واالحمد لله فى الاولى والاخرة. ثم فى النهاية الحمد لله على نعمةالنيسان صنى سوبر صالون.

انا فى النهاية باتصح الناس انهم يمشوا على الدائرى فى الحارات اللى فى النص ويسيبوا اليمين والشمال
اليمين يسيبوة للميكروبصات و الشمال يسيبوه للنقل والملحوظة الغريبة ان فى بلوكات اسمنتية من الشمال مكسرة ومخلوعه من مكانها على طوول الطريق الدائرى او المحور.
وربنا يسترها على الكل.

الطريق المميت ده بامشي فيه كل يوم للاسف عشان دي سكتي بتاعة البيت و بقالي ماشي عليه اكتر من 6 سنين اولا الطريق اسفلته مش مزبوط و بيعوم العربيه و عالي و واطي ده غير ملفاته الي مش مفهومه و الحواجز الاسمنتيه الي ملهاش لزمه و نور الي اودامك بيبقى ضارب في عينك و غير انها تخبطلك العربيه هي تقريبا معموله عشان الراجل بتاع الرادار يستخبى وراها و غير كده لو غلطت في نزله واحده ممكن توصل لاسكندريه و ترجع من هناك عشان مفيش رجعه و زيد بئا كمان كمية الرمله و الزلط الي بينزل من العربيات النقل الي طايره على سرعات فوق ال 140 و حتى بعد ما العربيه النقل تعدي الرمله دي بتفضل على الطريق و طول ما انت ماشي بتزبطلك الازاز و البويه و تخليلك العربيه منقوشه و لا قميص هاواي المشجر
ازيدك بقى من الشعر بيت

قواعد الطريق الدائري ان مجريتش هاتتداس يعني لو حبيت تمشي بعقل النقل و بتوع الميكروباص يدوسوك
ان جريت هتتصور رادار
ان مشيت بالراحه خالص و على اليمين ممكن تلبس في نقل راكنه او يطلع ناس من الصحرا يقلبوك انت و العربيه


من الاخر الطريق دي ليه 5 فوائد

1- يعلمك تسوق زي مايكل شوماخر و يخلي قلبك جامد (قوي قلبك و اطلع على الدائري)
2-هاتحب الزحمه عشان مفيش عربيات نقل بتطير رمل و زلط في وشك و تدوسك
3-لو عربيتك فيها عيب عفشه او زوايا لو صغير هيبان بسبب الطريق الي بايظ
4-هاتتعود تشيل معاك سلاح و تجيد استعماله عشان انا تقريبا يوميا بشوف عربيه بتتقلب هيا و الي فيها
5-افلام الرعب بالنسبه بالك هتبقى بتزهق من كتر ما اتعودت تشوف حوادث مفزعه

من الاخر الدائري مصنع الرجال

الحمد لله
وأحمد ربنا تاني
إن كان معاك حد في العربية
ده ساعد أكتر على إتزان العربية

الحمد لله على سلامتك وربنا يكتب السلامة لكل الناس

مش ممكن الواحد زهق من الإهمال و التسيب و السرقات ... اه ربنا يسترها و يعدي الفترة ده على خير .. يا رب و حمدلله على سلامتك و إتكتبلك عمر جديد ... إحمد الله ليل نهار .

الحمد لله .. حصل معايا موقف مشابه من فترة عند طريق مدينة السلام اللى مودى لبلبيس .. برضه كانت خرسانه مكسورة و سده الحارة الشمال خالص و مكنتش باينة فى الضلمة و كنت هلبس فيها بس الحمد لله فادتها على اخر لحظة.

و الله صعب عليه ان أى حد يلبس فيها فلفيت و رجعت و لقيت شباب كمان كان معاهم عربية 128 نزلوا .. و حاولنا نحرك البلوك الأسمنت بلا جدوى .. و حاولنا نوقف أى حد يزقه معانا .. الناس كانت فاكرانا قطاع طرق و محدش وقف.

المهم اتصلنا بطوارئ الطريق و بلغناهم .. وواحد جاب المثلث العاكس بتاعه و حطه قدام الأسمنت عشان يبان للعربيات اللى جايه و مشينا.

حمدا لله على سلامتك اولا
قدر الله وما شاء فعل
عايز اقولك ان ربك بيستر بس مش اكتر :)
ولا شطارة ولا عربيات ولا اى حاجة ... غير ستر ربنا وتوفيقه للانسان فى اتخاذ ردود الفعل الصحيحة فى الوقت المناسب
مرة تانية حمدا لله على سلامتك :)

مليون حمدا لله على السلامة

الحمد لله على كل شىء والحمد لله انها جت على قد كدا

حسبي الله ونعم الوكيل

الف و الوف حمدلله علي سلامتك .. ربنا حماك اولا
و ثانيا طبعا العربية النيسان يكفي انها اثبتت ثباتها علي الطريق في موقف زي ده

ده مش سرقه ده جهل
يعني مش كفاية انه حرامي لأ وجاهل كمان
يارب صبرنا على البلد دي يارب

قدر الله وما شاء فعل والحمد لله انها جت على قد كده وربنا سترها معاك وحماك انت واللى معاك و 1000 سلامة:satelite:
وشكر خاص لنيسان مصر على ( الصنى ) اللى قدمتها لينا :biggrin2::biggrin2::10D5C8w1107::10D5C8w1107:
وتحياتى ليك

ربنا ستر

اقتباس:

---

المشاركة الأصلية كتبت بواسطة medododo

ده مش سرقه ده جهل
يعني مش كفاية انه حرامي لأ وجاهل كمان
يارب صبرنا على البلد دي يارب

---

عندك حق، لأ وكمان كان فية عسكرى قريب هو الى قال الكلام دة امال هو وظيفتة اية، ينام على كرسية بس!!!

اقتباس:

---

المشاركة الأصلية كتبت بواسطة ahmed_rahem

عندك حق، لأ وكمان كان فية عسكرى قريب هو الى قال الكلام دة امال هو وظيفتة اية، ينام على كرسية بس!!!

---

وظيفته يقول الكلام ده

حمد الله على سلامتك ياباشا، وقدر الله وما شاء فعل، أما بالنسبة للصني، أنا كمان أنقذتني من كارثة زي اللي حضرتك كنت هاتقع فيها (لا قدر الله) وعلى الدائري برضه، بس ربنا سترها والعربية طلعت محترمة

الف حمدالله علي السلامة

نشكر ربنا على سلامتك

وهى دى بلدنا بعد الثورة كمان الاشارة والعلامات وكل شئ بيتسرق عربيات فلوس موبايلات وكمان قتل وحرق وتكسير يارب ألطف بينا الواحد مش عارف البلد دى رايحه على فين بالضبط ولا ايه اللى بيحصل لها

بعيداً عن الحادث بصراحه كان اختبار صعب للصنى نجحت فيه واثبتت جدارة وكفاءة عالية

مره تانيه حمد لله ع سلامتك وانها جت سليمة المره دى وياريت يا باشا نصيحه يعنى بالليل بالذات بلاش السرعه العاليه يعنى من 90 ل 95 زى الفل

شكرا للسادة الاعضاء علي شعورهم وعلى تعليقاتهم وانا عارف ان ربنا كتبلى عمر جديد وان الموصوع مش عربية او شطارة بس انا حبيت اوضح الموقف كلة وحبيت ابين العربية كانت فى الموقف الصعب دة كان رد فعلها اية مش اكتر وان ربنا جعلها سبب من اسباب انقاذى وان ربنا ثبتنى وقدرت اخد القرار الصح ولا هى مهارة ولا حاجة. وانا قررت انى مش طالع الدائرى تانى باليل ومش هامشى اكتر من90. وانى لو هافضل اشكر ربنا واحمدة طول عمرى كل لحظة مش هاوفى فضلة وكرمة عليا. الحادثة دى كل شوية باتخيلها كل شوية وحاسس انى باحلم بكابوس وعرفت معنى اللهم انى لا اسئلك رد القضاء ولكنى اسئلك اللطف فية.

شكرا للسادة الاعضاء علي شعورهم وعلى تعليقاتهم وانا عارف ان ربنا كتبلى عمر جديد وان الموصوع مش عربية او شطارة بس انا حبيت اوضح الموقف كلة وحبيت ابين العربية كانت فى الموقف الصعب دة كان رد فعلها اية مش اكتر وان ربنا جعلها سبب من اسباب انقاذى وان ربنا ثبتنى وقدرت اخد القرار الصح ولا هى مهارة ولا حاجة. وانا قررت انى مش طالع الدائرى تانى باليل ومش هامشى اكتر من90. وانى لو هافضل اشكر ربنا واحمدة طول عمرى كل لحظة مش هاوفى فضلة وكرمة عليا. الحادثة دى كل شوية باتخيلها كل شوية وحاسس انى باحلم بكابوس وعرفت معنى اللهم انى لا اسئلك رد القضاء ولكنى اسئلك اللطف فية.

شكرا للسادة الاعضاء علي شعورهم وعلى تعليقاتهم وانا عارف ان ربنا كتبلى عمر جديد وان الموصوع مش عربية او شطارة بس انا حبيت اوضح الموقف كلة وحبيت ابين العربية كانت فى الموقف الصعب دة كان رد فعلها اية مش اكتر وان ربنا جعلها سبب من اسباب انقاذى وان ربنا ثبتنى وقدرت اخد القرار الصح ولا هى مهارة ولا حاجة. وانا قررت انى مش طالع الدائرى تانى باليل ومش هامشى اكتر من90. وانى لو هافضل اشكر ربنا واحمدة طول عمرى كل لحظة مش هاوفى فضلة وكرمة عليا. الحادثة دى كل شوية باتخيلها كل شوية وحاسس انى باحلم بكابوس وعرفت معنى اللهم انى لا اسئلك رد القضاء ولكنى اسئلك اللطف فية.

شكرا للسادة الاعضاء علي شعورهم وعلى تعليقاتهم وانا عارف ان ربنا كتبلى عمر جديد وان الموصوع مش عربية او شطارة بس انا حبيت اوضح الموقف كلة وحبيت ابين العربية كانت فى الموقف الصعب دة كان رد فعلها اية مش اكتر وان ربنا جعلها سبب من اسباب انقاذى وان ربنا ثبتنى وقدرت اخد القرار الصح ولا هى مهارة ولا حاجة. وانا قررت انى مش طالع الدائرى تانى باليل ومش هامشى اكتر من90. وانى لو هافضل اشكر ربنا واحمدة طول عمرى كل لحظة مش هاوفى فضلة وكرمة عليا. الحادثة دى كل شوية باتخيلها كل شوية وحاسس انى باحلم بكابوس وعرفت معنى اللهم انى لا اسئلك رد القضاء ولكنى اسئلك اللطف فية.

شكرا للسادة الاعضاء علي شعورهم وعلى تعليقاتهم وانا عارف ان ربنا كتبلى عمر جديد وان الموصوع مش عربية او شطارة بس انا حبيت اوضح الموقف كلة وحبيت ابين العربية كانت فى الموقف الصعب دة كان رد فعلها اية مش اكتر وان ربنا جعلها سبب من اسباب انقاذى وان ربنا ثبتنى وقدرت اخد القرار الصح ولا هى مهارة ولا حاجة. وانا قررت انى مش طالع الدائرى تانى باليل ومش هامشى اكتر من90. وانى لو هافضل اشكر ربنا واحمدة طول عمرى كل لحظة مش هاوفى فضلة وكرمة عليا. الحادثة دى كل شوية باتخيلها كل شوية وحاسس انى باحلم بكابوس وعرفت معنى اللهم انى لا اسئلك رد القضاء ولكنى اسئلك اللطف فية.

الف حمدا لله على سلامتك انت وكل من كان معك وربنا يحفظك ويعطيك خيرها ويكفيك شرها

السلام عليكم و رحمة الله و بركاته

ألف حمدالله عالسلامة.

أنا كنت بتخيل و أنا بقرأ الكلام ده أنى أنا اللى سايق و ساعتها حسيت بغيظ و حنق شديد جدا على البلد دى.

فعلا, ربنا يخرجنا منها على خير, خرجنا منها على خير يا رب.

يبقي انت اكيد اكيد في مصر
حمد الله علي سلمتك وبلاش تهور ياجماعه بالذات بالليل

شكرا للسادة الاعضاء علي شعورهم وعلى تعليقاتهم وانا عارف ان ربنا كتبلى عمر جديد وان الموصوع مش عربية او شطارة بس انا حبيت اوضح الموقف كلة وحبيت ابين العربية كانت فى الموقف الصعب دة كان رد فعلها اية مش اكتر وان ربنا جعلها سبب من اسباب انقاذى وان ربنا ثبتنى وقدرت اخد القرار الصح ولا هى مهارة ولا حاجة. وانا قررت انى مش طالع الدائرى تانى باليل ومش هامشى اكتر من90. وانى لو هافضل اشكر ربنا واحمدة طول عمرى كل لحظة مش هاوفى فضلة وكرمة عليا. الحادثة دى كل شوية باتخيلها كل شوية وحاسس انى باحلم بكابوس وعرفت معنى اللهم انى لا اسئلك رد القضاء ولكنى اسئلك اللطف فية.

حمدلا علي السلامه ياباشا انها جت علي اد كده

الف حمدلا على سلامتك الف الف الف سلامه ربنا نجاك انا متخيل موقف

الف حمدا لله على سلامتك

لا شك ان العربيه الصنى محترمه فى الثبات و عوامل الامان المختلفه بالنسبه للفئه السعريه دى

انا حصل معايا موضوع شبيه
نمت وانا سايق على الزراعى وصحيت لقيت نفسى بينى وبين الخرسانه اللى فى الجنب حوالى 10 متر وداخل فيها بالوش رحت رامى شمال جامد مره واحده ... باعجوبه العربيه استجابت وعومت حاجه بسيطه على الاسفلت وقدرت بفضل الله اسيطر عليها وربنا ستر ماحدش دخل فيا من ورا رغم انى كنت ماشى 90 وفى ملف

على النقيض تماما احد الجيران اتقلب بهيونداى اكسنت الجديده مع انه كان ماشى 50 كم/س فى صلاح سالم يعنى حته زحمه ... جت عربيه بتاخد غرزه من ورا خبطته فى الرفرف الشمال ورا فاتقلبت العربيه مرتين وزحفت على السقف .. انا لما شفت العربيه لقيتها متدمره كنت فاكر انها بسبب السرعه الجنونيه بس لما عرفت الموضوع استغربت جدا

تحيه لشركه نيسان اليابان على تصميمها الجيد .. وعتاب شديد لنيسان مصر على عدم حل المشاكل المتكرره فى العربيه ( واللى بتكره بعض المستخدمين فيها ) رغم مرور 7 سنوات على انتاجها وبيع ما يزيد عن 70 الف عربيه منها فى مصر

وتحيه كبيره لمنتدى نايل موتورز على اتاحه الفرصه للجميع بالاستفاده من التجارب المتنوعه للاعضاء

حمدا لله على سلامتك

الطريق دة اسمه طريق الموت وكل الناس فاكرة نفسها بتعرف تسوق وتجري فيه علي 120 وانت طالع

ومحدش عارف انت الحادثة بتيجي في لحظة والعمر لحظة

اخي الكريم ده طريق شغلي كل يوم. ومابحولش ازود فيه عن 90

انت اخطات في حق نفسك لما جريت علي 120 لان السرعة القصوي علي الطريق هي 90.
وربنا يستر طريقك

الف حمد الله على السلامة

حمد لله على سلامتك يا باشا
انا هاحكى موقفين حصلولى مع الصنى 2010 مانيوال على الزراعى بنها-القاهرة
الاول: العداد 8500 كم - السرعة 100-110 كم - الزمان 10 مساءا -المكان مطلع كوبرى قها القديم يعنى ملف يمين وسرعة وفجأة صوت تخبيط فى الجهة الشمال من العربية ولقيت الطاسات طارت والعربية مش متزنة بس الدركسيون حديد لا بيحدف ولا يعوم ... السبب نقرة فى الاسفلت مكان تجريف القديم قبل ما الطبقة الجديدة تتحط - طبعا وقفت على جنب مطلع الكوبرى ونزلت جبت الطاستين ولقيت الجنط الامامى معووج اوى والكاوتش بيريح واللى ورا شفة الجنط بس معووجة من غير ترييح طبعا كملت لحد منزل الكوبرى وركنت ابدل الاستبن مكان العجلة الامامية ... وكمان اول ما وقفت سمعت صوت طرقعة جامدة وعربية صنى سوبرصالون جنوط اسبور برضه كل المطب ده بس العجلة الامامية شمال اتعوجت جامد وكانت برضه زيرو وثبات برضه ولا كأن حاجة حصلت !!!
التانى: العداد 51000 - السرعة 90-100 كم - الزمان 4 عصرا - المكان بعد كوبرى طوخ فى اتجاه القاهرة ملف برضه شمال وفجأة لقيت جسم حديد على الارض وجيت افاديه ما عرفتش لأن شمالى الحاجز الخرسانى ويمينى عربية بتعدينى جاية طايرة من ورا بالعافية جت فى جنب الكاوتشات اليمين الداخلى وقطعتهم وفى اقل من ثانية الفردتين كانوا ع الارض وانا اقصى الشمال والمفروض اركن يمين ... برضه الحمد لله العربية اتسمرت فى الاسفلت والدركسيون تقيل لحد اما اتأكدت ان الطريق فاضى واديت اشارة يمين وركنت بعدها ب150 متر تقريبا بأمان !!!
العربية دى ثباتها مذهل الحمد لله وفراملها ما شاء الله حتى بدون abs وفعلا باحس فيها بالامان الحمد لله مش زى النيو اكسنت - عربيتى الاولانية - كان زمانها اتقلبت فى الموقف الاول واقل واجب لبست فى عربية تانية فى الموقف التانى

الحمد لله على سلامتك

يا باشا ألف حمد لله على سلامتك وتجربة نستفاد منها كلنا، وربنا يستر طريقك وطريقنا.

اهم حاجة إن حضرتك سليم الحمدلله :))

والله احنا بدون ربنا ولا حاجة. وحمدالله على السلامة اخى الكريم

حمدلله على سلامة حضرتك وربنا يسترها معاك ومعانا كلنا يارب