الموضوع: ارتفاع العنوسة إلي ‏9‏ ملايين حالة والطلاق إلي ‏5,4‏ مليون

شكرا على الخبر
حتى الاسرة المصرية طلعلها ائتلاف صبرني يارب
عايزين نعمل ائتلاف نايل موتورز هههههههههههههههههه
ونستقل بالكنبة اللي ورا ههههههههههههههههههههه

قريت الموضوع على مصراوي وبصراحة مستغرب تركيز الكاتب على القوانين المصرية اللي خربت العادات الدينية والتقاليد المصرية ومركزش أطلاقاً على وضع البلد أو الحالة الأقتصادية المتردية وأرتفاع معدلات البطالة أو حتى أرتفاع حالات الأكتئاب نتيجة للجو السائد في مجتمعنا وبالتالي دي أسباب مكن تزيد معدلات العنوسة ومع ذلك لم يتحدث عنها مطلقاً ... بالنسبة لتحرر المرأة فأنا مع تحرر المرأة فكرياُ أو ثقافياً سموها زي ماتسموها ولكن التحرر ده لازم يبقى ليه ضوابط وخطوط حمراء ممنوع تجاوزها لكن أن الواحد يختار واحده مقفلة ومنغلقة على نفسها وطول عمرها ماشية زي لا مؤاخذة في الكلمة الجاموسة اللي الفلاح بيربيها ويحلبها وفي الآخر يدبحها يبقى لأ زي ما الزوج ليها حقوق وعليه واجبات الزوجه كمان ليها حقوق وعليها واجبات والعنوسة موجودة في كل حته في الدنيا مش في مصر بس هي عالية عندنا علشان الشباب نفسهم أتسدت عن الحياة من القرف اللي بيشوفوه وطبعاً بيتسحلوا علشان يجيبوا القرش والواحد منهم عايش بالعافية هيتجوز ويخلف ومصاريف وتربية يعني هم فوق هم فطبعاً الشباب مبقاش ليهم نفس والسبب الوحيد اللي ممكن يخلي واحد يتجوز دلوقتي أن أهله يفضلوا زن على ودانه لحد ما يزهق من دنيته ويقول حقى برقبتي أو السبب الأهم وهو أن الواحد مش عاوز يغضب ربنا وبالتالي يمشي صح ويتجوز هي دي الأسباب الحقيقية مش القوانين القوانين دي أحنا ممكن نلغيها نعدلها لكن الأهم أن أحنا نعدل حال البلد نخلي الشاب مقبل على الحياة ونفسه مفتوحه يلاقي مرتب محترم يصرف منه ويعيشه عيشة كريمة هو وعائلته يلاقي مواصلات آدمية يلاقي خدمات محترمة يلاقي أحترام وتقدير في العمل لكن بالشكل ده ماتلوموش على الشباب في أي حاجة .....

بالنسبة لموضوع تعدد الزوجات والله اللي يقدر يعدل بين أكثر من زوجه وقادر مادياً على فتح أكتر من بيت ربنا يقويه ويبقى أخد ثواب بس يرضي مراته الأولانيه ويعامل ربنا فيها .

وبالنسبة لموضوع الخلع ده لازم يبقى ليه ضوابط ومش جلسة ويتحكم فيها بسهولة ولازم يبقى في جلسات ودية وأستشارات من المتخصصين في أمور الزواج مش مجرد حيثيات والقاضي يبص عليها بس ويقول حكمه .... ومعلش لو واحد مبهدل مراته وبيضربها ومش معيشها عيشة محترمة وبيعامل ربنا فيها تفضل على ذمته ليه ده حتى ميرضيش ربنا .

المشاركة الأصلية كتبت بواسطة زينة الله

الله يفتح عليك .. انا متفقة مع كتير من كلامك

.................................................. ..........................................

بس على فكرة على ما أعتقد إن الـ 9 مليون بنت دول فيه قدهم شباب فوق التلاتين لم يسبق لهم الزواج برضو

لأن الاحصاء الاخير لما قريته على موقع الجهاز المركزى للتعبئة العامة والاحصاء وقتها كانت اعداد الشباب والبنات متقاربة .. بس مش عارفة شالوا التفاصيل دى والا انا اللى مش عارفة اوصل لها تانى

ولو كدا يبقى عندنا 18 مليون شاب وفتاة فوق التلاتين لم يسبق لهم الزواج يعنى ربع سكان مصر تقريبا

احنا عايزين نعمل حزب والله نبقى اكبر حزب فى البلد

و ال18 مليون دول ثلث القوى التصويتيه فى الانتخابات ضيفى عليهم 5.4 مطلقة و 5.4 مليون مطلق يبقو 29 مليون يعنى ضمنتو الحكومه كلها

يعنى اللى قاعدين من غير جواز مضايقين ....
واللى أتجوزوا معجبهومش الجواز و أطلقوا ....

على رأى اللى قال :
الجواز زى الحمام ....
اللى مستنى برة نفسة يدخل ....
و اللى قاعد جوة مش طايق الريحة ....

طب نعمل أية ؟؟؟؟
اللى قاعدين من غير جواز مضايقين ....

واللى أتجوزا بردوا مضايقين ....
فى اللى أطلقوا وفى اللى صابرين بس مخنوقين و قرفانين ....

على رأى اللى قال :
الجواز زى الحمام ....
اللى مستنى برة نفسة يدخل و اللى قاعد جوة مش طايق الريحة ....