جزاك الله كل خير ومتشكر جداً لتعبك
عرض للطباعة
مفيش تعب و لا حاجة
أحنا كلنا اخوات و الطبيعي اننا نقف جنب بعض
أسعر شوية حاجات تاينة للأستفادة بردو
سربنتينة 430 تايواني
سدر 300 تايواني
أسعر شوية حاجات تاينة للأستفادة بردو
سربنتينة 430 تايواني
سدر 300 تايواني
سيدي الفاضل 4500 جنية كتير جدا :)
لو انتا جربت شغل عندو قبل كدة وعجبك حاول متدلوش الفلوس غير لما تشوف العربية خلصت قدام عينك وفابريكة
السلام عليكم
انا قولت انقلكم تطورات الشغل فى العربية
اول امبارح بالليل ودينا العربية عند بتاع الدوكو بعد ما خلصت سمكرة
وجبتلها كبوت-رفرف-فانوسين-اكصدامين-سمكرنا باب السواق وبقى 10\10- سدر
لحد دلوقتى العربية واخدة بالظبط 3000 جنيه مشتريات بالاضافة الى 2500 جنيه مصنعيات (من 4500 جنيه اجمالى مصنعيات)
بعد السمكرة الصراحة العربية شكلها فرحنى كتير جداً وخصوصاً بعد ما شوفت الكبوت والرفرف والفوانيس مطبعين على بعض 10\10 وكل الشغل دا فى 15 يوم بالظبط
السمكرى اللى واخد العربية باقى له 2000 جنيه مصنعيات ناوى اديله 1000 جنيه كمان كام يوم وهبقى 1000 جنيه بعد ما استلم العربية
بس اللى شاغل بالى دلوقتى ان النمر الادمانيىة كانت اتقطعت من النص فمش عارف المفروض اعمل ايه عشان اجيب غيرها جديد من المرور
مبروك على الشغل فى العربية وان شاء الله تطلع احسن من الاول والنتيجة ترضيك
موضوع النمرة لو مش نافعة خالص بتروح المرور بس خليك هادى وتقولهم انها اتقطعت من الحادثة هايعملك حاجة اسمها بدل تالف وفى الاغلب هاتعمل فحص علشان هاتغير النمر بواحدة جديدة ومختلفة عن اللى كانت مكتوبة فى الرخصة كانتك بتجدد بالظبط او بتنقل ملكية وهايديها رقم تانى وتسلم الرخصة وتستلم الرخصة الاول وبعدين تستلم النمر انما لو تنفع تتلصم بشكل ما خليها كده احسن حوارات المرور مملة اصلا تحياتى
السلام عليكم
لله الحمد رايح استلم العربية بكرة إن شاء الله
بعد عذاب ومعاناة طوال شهرين بالتمام إلا 4 أيام بالظبط
سبحان الله صدق من قال ان مفيش صنايعي بيتقى ربنا إلا م شاء ربي
السمكرى دا ركنى ركنة الغسيل اللى من كتر الركنة كمكم
فى الاول خالص قاللى العربية هتاخد 25 يوم شغل واستلم انما لحد دلوقتى شهرين الا 4 أيام
الصنايعي دا مع انه مربي دقنه وبيصلي فى الجامع الا انى اول مرة اشوف بعنيا ان "الدين المعاملة" مش بالمظاهر
فى اول يومين تلاتة من بداية الشهرين كان واخد العربية فحت وردم بعد كدا بقت العربية بتتركن باليومين من غير شغل خالص ولما اقوله ايه النظام يقولى اصل انا بعت اشترى الحاجة من التاجر وه اتاريه بيظبط فى زبون جديد عشان يربطه واتحرق انا
الراجل دا مع انه شكله صنايعي شاطر الا ان غرور الدنيا فيه واول مايضمن ان رجلك جت فى الخية تلاقى الوش التانى ظهر يعنى يقولك مثلاً "مينفعش تجيلى ياباشا كل يوم كدا انت قاعد بتعد عليا العربيات وتبصلى فى رزقى"
المهم انه هو واخوه فيهم كدب الدنيا كله مثلاً العربية خلصت سمكرة والمفروض تروح للبوهيجي بس طبعاً عشان تروح لاوم الرداتير يتركب فلما اسأله العربية واقفه على ايه يقولى ولا حاجة ياباشا والعربية هتروح النهاردة بالليل للبوهيجى فاقول لاخوه انت جبت الردتاير يقوللى طبعاً الردتاتير جبناه فسال اخوه ادامه يقوللى لسه مجناهوش !!!
وبيعتمد على ميكانيكي مش شاطر خالص لانه لو جاب حد شاطر اكيد هياخد فلوس اكتر وبالتالى ربحه يقل. الميكانيكي دا قعد حوالى خمس ساعات يركب فى طرمبة البور والقنطرة وفى الاخر الساعة 11 بالليل الميكانيكي قل يا جماعة القنطرة دي مش بتاعت لانسر !!!!! وفى الاخر يطلع ان القاعدة اللى فى نص القنطرة عاوزة تتفك وتتلف . حاجة اعوذ بالله
العربية راحت للبوهيجي عشان يسحقها ويوديها الكابينة وكل ما اسأل عليه السمكرى يقوللى العربية فى الفرن ياباشا لمدة خمس أيام والعربية فى الفرن - لا حول ولا قوة الا بالله
العربية طلعت من الفرن وانا اسأل عليها يقوللى عند البوهيجي بيلم الدوكو وينظف ويلمع فيها حوالى 3 او 4 ايام على نفس الاسطوانة
المهم العربية رجعت عند السمكرى واخيرأ شفتها بعد الدوكو قلبـي رفرف كدا وقلت الحمد لله كل القرف اللى فات يهون ها يا اسطى هستلم امتى قاللى يومين تلاتة بالكتير نقفل كل حاجة وتستلم ياباشا
كدا النهاردة يبقى اليوم الخامس فى التقفيل والمفروض انى إن شاء الله هستلم بكرة
والنهاردة ادانى ورقة المشتريات و قاللى ادي الحاجات اللى اشتريناها بيان واسعار كالتالى:
سدر 650
فانوسين 410
اكصدام خلفى 300
اكصدام امامى بالشبكة 450
رفرف 250
كبوت 650
قنطرة وقواعد امامية 650
ردياتير 450
سربنتينة ومراوح وقميص 500
قاعدة فتيس 270
قاعدة شكمان 70
طرمبة بور 700
زيوت 70
وحاجات تانية مش فاكرها اوي بس الاجمالي 6240 جنيه وفاضل لسه حساس الحرارة بتاع الردياتير لان كل ما افتح الكونتاكت المراوح تشتغل حتى لو الموتور بارد وانا متأكد انه عامل مصلحة جامدة جداً عليا فى الاسعار دي
إن شاء لله ناوى اخلي العربية شويه لحد اخر السنة مثلاً وبعدين ابيعها
خلاصة التجربة :
- قدرت انك تفادى اي حادثة باي تمن ادفعه , لان المناهدة والقرف بتاع الصنايعية اكيد اكيد اكيد هيخليك تكره حياتك والعربية - بس الحمد لله فى الاولى والاخرة
- الصنايعى لو اديتله فوق حقه كمان مليون جنيه برضه هيذل انفاسك ويلطعك جنبه عشان يربط زبون غيرك - الا ما رحم ربي
- لما تيجي تشترى الحاجة تقوله تعالا معايا وهو ينقى الحاجة ويقولك تمام وانت اللي تحاسب - عشان لو مخدتوش معاك هيقولك ياباشا الحتة دي مش مظبوطة ولما تيجي تستلم منه هتلاقى الحتة اللى انت جايبها لو اكصدام مثلاً مفارق مع الفوانيس ولو جيت تتكلم يقولك اصل الحتة دي انت اللى جايبها ولو سيبته هو اللي يجيب الحاجة لوحده هيعمل مصلحة الدنيا عليك (زي حلاتى كدا)
- كل حاجة انا عاوز اكتبها بعد كدا مكتوب فوق فى مشاركة الزميل kok200
انا مش عارف هم ازاي بيستحلو الفلوس دي و ياكلوها كدا "حسبي الله ونعم الوكيل" لو ليا قرش عنده اكله او نصب عليا فيه انا مش مسامحه فيه
الحمد لله فى الاولى والاخرة
قدر الله وما شاء الله فعل
السلام عليكم
لله الحمد رايح استلم العربية بكرة إن شاء الله
بعد عذاب ومعاناة طوال شهرين بالتمام إلا 4 أيام بالظبط
سبحان الله صدق من قال ان مفيش صنايعي بيتقى ربنا إلا ما رحم ربي
السمكرى دا ركنى ركنة الغسيل اللى من كتر الركنة كمكم
فى الاول خالص قاللى العربية هتاخد 25 يوم شغل واستلم انما لحد دلوقتى شهرين الا 4 أيام
الصنايعي دا مع انه مربي دقنه وبيصلي فى الجامع الا انى اول مرة اشوف بعنيا ان "الدين المعاملة" مش بالمظاهر
فى اول يومين تلاتة من بداية الشهرين كان واخد العربية فحت وردم بعد كدا بقت العربية بتتركن باليومين من غير شغل خالص ولما اقوله ايه النظام يقولى اصل انا بعت اشترى الحاجة من التاجر و اتاريه بيظبط فى زبون جديد عشان يربطه واتحرق انا
الراجل دا مع انه شكله صنايعي شاطر الا ان غرور الدنيا فيه واول مايضمن ان رجلك جت فى الخية تلاقى الوش التانى ظهر يعنى يقولك مثلاً "مينفعش تجيلى ياباشا كل يوم كدا انت قاعد بتعد عليا العربيات وتبصلى فى رزقى"
المهم انه هو واخوه فيهم كدب الدنيا كله مثلاً العربية خلصت سمكرة والمفروض تروح للبوهيجي بس طبعاً عشان تروح لازم الرداتير يتركب فلما اسأله العربية واقفه على ايه يقولى ولا حاجة ياباشا والعربية هتروح النهاردة بالليل للبوهيجى فاقول لاخوه انت جبت الردتاير يقوللى طبعاً الردتاتير جبناه فسال الراجل نفسه ادامه يقوللى لسه مجناهوش !!!
وبيعتمد على ميكانيكي مش شاطر خالص لانه لو جاب حد شاطر اكيد هياخد فلوس اكتر وبالتالى ربحه يقل. الميكانيكي دا قعد حوالى خمس ساعات يركب فى طرمبة البور والقنطرة وفى الاخر الساعة 11 بالليل الميكانيكي قال يا جماعة القنطرة دي مش بتاعت لانسر !!!!! وفى الاخر يطلع ان القاعدة اللى فى نص القنطرة عاوزة تتفك وتتلف . حاجة اعوذ بالله
العربية راحت للبوهيجي عشان يسحقها ويوديها الكابينة وكل ما اسأل عليه السمكرى يقوللى العربية فى الفرن ياباشا لمدة خمس أيام والعربية فى الفرن!! - لا حول ولا قوة إلا بالله
العربية طلعت من الفرن وانا اسأله عليها يقوللى عند البوهيجي بيلم الدوكو وينظف ويلمع فيها حوالى 3 او 4 ايام على نفس الاسطوانة
المهم العربية رجعت عند السمكرى واخيرأ شفتها بعد الدوكو قلبـي رفرف كدا وقلت الحمد لله كل القرف اللى فات يهون , ها يا اسطى هستلم امتى قاللى يومين تلاتة بالكتير نقفل كل حاجة وتستلم ياباشا
كدا النهاردة يبقى اليوم الخامس فى التقفيل والمفروض انى إن شاء الله هستلم بكرة
والنهاردة ادانى ورقة المشتريات و قاللى ادي الحاجات اللى اشتريناها بيان واسعار كالتالى:
سدر 650 استيراد
فانوسين 410 ديبو
اكصدام خلفى 300 ديبو
اكصدام امامى بالشبكة 450 ديبو
رفرف 250 استيراد
كبوت 650 استيراد
قنطرة وقواعد امامية 650 جديد
ردياتير 450 جديد
سربنتينة ومراوح وقميص 500 استيراد
قاعدة فتيس 270 جديد
قاعدة شكمان 70 جديد
طرمبة بور 700 استيراد
زيوت 70
زجاج باب امامي 120 جديد
وحاجات تانية مش فاكرها اوي بس الاجمالي 6240 جنيه وفاضل لسه حساس الحرارة بتاع الردياتير لان كل ما افتح الكونتاكت المراوح تشتغل حتى لو الموتور بارد
وانا متأكد انه عامل مصلحة جامدة جداً عليا فى الاسعار دي
إن شاء لله ناوى اخلي العربية شويه لحد اخر السنة مثلاً وبعدين ابيعها
خلاصة التجربة :
- لو قدرت انك تفادى اي حادثة باي تمن ادفعه , لان المناهدة والقرف بتاع الصنايعية اكيد اكيد اكيد هيخليك تكره حياتك والعربية - بس الحمد لله فى الاولى والاخرة
- كل ما تفكر انك تجرى وتغرز بالعربية افتكر ان الحادثة فى ثانية بتحصل وهتقع تحت ضرس الصنايعي اللي هيشتري ويبيع فيك
- الصنايعى لو اديتله فوق حقه كمان مليون جنيه برضه هيذل انفاسك-اسف فى الالفاظ- ويلطعك جنبه عشان يربط زبون غيرك الا ما رحم ربي
- لما تيجي تشترى الحاجة تقوله تعالا معايا وهو ينقى الحاجة ويقولك تمام وانت اللي تحاسب - عشان لو مخدتوش معاك هيقولك ياباشا الحتة دي مش مظبوطة ولما تيجي تستلم منه هتلاقى الحتة اللى انت جايبها لو اكصدام مثلاً مفارق مع الفوانيس ولو جيت تتكلم يقولك اصل الحتة دي انت اللى جايبها ولو سيبته هو اللي يجيب الحاجة لوحده هيعمل مصلحة الدنيا عليك (زي حلاتى كدا) انا مثلاً جبتله سبويلر صينى وقلت بالمرة يترش ويتركب عاوز اقولكو ان الاسبويلر شكله يقرف والفلتو باين من الزوايا ولما جيت اتكلم قاللى اصل ياباشا السبويلر دا صيني كل يترش البوية تقع من عليه
- كل حاجة انا عاوز اكتبها بعد كدا مكتوب فوق فى مشاركة الزميل kok200
انا مش عارف هم ازاي بيستحلو الفلوس دي و ياكلوها كدا "حسبي الله ونعم الوكيل" لو ليا قرش عنده اكله او نصب عليا فيه انا مش مسامحه فيه
دا المفروض ان لما القى واحد فى ازمة اقف جنبه واتقى الله فيه مش احاول انى امص دمه واحاول اطلع منه اي مصلحة حسبي الله ونعم الوكيل ومحدش بيتعلم ببلاش
الحمد لله فى الاولى والاخرة
قدر الله وما شاء الله فعل
الف مبروك وربننا يسترها معاك
فى الاول والاخر قول الحمد لله وقدر الله وما شاء فعل الفلوس فى 60 ...... المهم الصحه ومبروك العربيه وان شاء الله ترجع احسن من الاول وافضل بكتيير
بس انت غلطان متدفعشى فلوس على طووول لاى حد قوله خلص العربيه وبعدين خد فلوس
ثانيا متخليش اى صنايعى يشتريلك اى قطعة غيار لازم ينصب عليك
والف مبروك رجوع العربيه
الحمد لله على كل حال
إن شاء الله هصورها واوريهالكو بعد ما خلصت
الف مبروك
بس نصيحة ما تتعاملش معاه تاني
و سؤال هي قطع الغيار جبهالك إستيراد و لا جديد
إن شاء الله مش ناوى اتعامل معاه تانى
بالنسبة لقطع الغيار :
سدر 650 استيراد
فانوسين 410 ديبو
اكصدام خلفى 300 ديبو
اكصدام امامى بالشبكة 450 ديبو
رفرف 250 استيراد
كبوت 650 استيراد
قنطرة وقواعد امامية 650 جديد
ردياتير 450 جديد
سربنتينة ومراوح وقميص 500 استيراد
قاعدة فتيس 270 جديد
قاعدة شكمان 70 جديد
طرمبة بور 700 استيراد
زيوت 70
زجاج باب امامي 120 جديد
الله يرحم ايامك يا فيرنا
لاء انت بعد كدة ابقى انزل هات حاجتك بنفسك و انسى السمكري ده علشان نصاب
مافيش حاجة اسمها أكصدام ديبو
هو اكيد جابلك التيواني
لان الاصلي سعره اعلى من كدة
و التيواني الواحد بـ 190 - 200 سعر الأمامي زي الخلفي
و الفانوس الديبو بيزيد عن الـ tyc حوالي 10 - 20 جنيه بالكتير و الأتنين نفس الجودة تقريباً
الحمد لله على كل شئ
و اهم حاجة استمتع بعربيتك و ربنا يكفيك شر الطريق و يباركلك فيها .
الحمد لله استلمت الساعة 10:30 بالليل ولقيت فيه حاجات متعملتش زي مثلاً تقفيل الكهربا ( النور العالى مش شغال - ازاز كهربته مش شغالة - السبويلر عاوز يتمعجن ويترش من الاول وجديد - الفوانيس مش مطبعة مع الاكصدام اوى - التكييف عاوز يتشحن - الزوايا عاوزة تتظبط - المصفحة اللي تحت مجبهاش - فيه هوا ضارب فى رجلى الشمال فى الدواسه مش عارف منين - العربية فيها رجة جامدة فى الطلعة)
ودي الحاجات اللى انا شوفتها وحسيتها بعد ما جربت العربية فى ساعه واحدة و بالليل وما خفي كان أعظم
انا بحمد ربنا انى عرفت اخلع بالعربية من عنده والحاجات اللى فوق دي انا هظبطها عند الميكانيكي و الكهربائي والبوهيجي
وفى الاول وفى الاخر اللى كان يهمنى انه يعمل الحوض والشاسيه كويس
وناوى إن شاء الله اورى العربية لكذا صنايعي من اصحابي واخد رأيهم فى الشغل اللى فى الحوض وربنا يستر
واضح ان الشغل تعبان
والسمكري دا نصاب جامد
وخصوصا في قطع الغيار
كلها غاليه من 50 ج الى 100 في كل قطعة
انت لازم تخليه يظبط كل الحاجات ديه عشان هو
مسؤل عنها وواخد فلوسها او تاخد جزء من الفلوس !!
والله يا محمد انا ما صدقت انى اسلتمت العربية من تحت ايده لانى طول الشهرين دول وانا بحاول امس نفسي عشان ما اقفش عليه وانا لسه صباعي تحت ضرسه
ولو قفشت فى النص يبقى انا اللى هعطل عربيتي بنفسي لان لو حتة قفشت عليها معاه هيقوللى طب سيبني يومين تلاتة اظبطها وبدل ما قعدت شهرين كانت قعدت سنين !!
انا شايف انى مخسؤتش كتير بدل ما نقفش على بعض ويضحك عليا ويعمل الحوض مثلاً اي كلام وانا طبعاً مش خبير فى شغله وكنت هستلم العربية من برة تمام بس من جوه اي كلام وارجع اقفش فيه ونتخانق ويرجع يعمل الشغل تانى وعطلة تانى وبرضه مش هعرف اغلب صنايعي
وكل ما افتكر ان انا ومراتى وعيالى اللى اكبرهم 3 سنين طالعين من الحادثة دي من غير ولا خربوش بفضل الله أقول الحمد لله
انا بقول حسبي الله ونعم الوكيل فى اي قرش هو اخده من غير وجه حق او فى اي تحكمات اوذل انا شوفتها
بس الحمد لله انا اتعلمت - لو لاقدر الله وكان فيه حادثة تانى هفكر مليون مرة قبل ما اصلحها ولو صلحتها يبقى مركز صيانة محترم غالى بس احسن من شخص لا يراعى الله فى الناس ولا فى القرش ويستحل اكل مال الناس بغير الحق
اللى مصبرنى شوية انى مش ناوى ابيعها السنة دي خالص لحد ما افوق شوية من فلوسها
لو السمكري ده قريب من اول فيصل
انا ممكن اجي معاك
اصلي ما بحبش الأشكال دي
لو محتاج حد معاك
انا اول واحد جاي
و ممكن ننظم مقابلة لكل اقسام المنتدى عنده في الورشة علشان يعملك الي انت عايزه
انا بتكلم جد
لاحول ولاقوة الا بالله .. حمد الله علي سلامتك وكل الي حصل ده مايجيش حاجه في خدش انت كنت اتخدشته .. انا حصلتلي حادثه افظع من كده شويه والحمد لله ربنا نجاني منها برضو واما شفت ناس ادامي خارجه من حوادث اللي من غير رجل واللي من غير ايد وانا الحمد لله سليم بقيت اقول في داهيه أي حاجه بس انت علشان ماتتعبش ماتحسبهاش هي كانت هتجيب كام ودلوقتي هتجيب كام لان ده ابتلاء من ربنا في المال ونقول الحمد لله
أما بالنسبه للعربيه فانا مع الرأي اللي قالك تستعدل الشاسيه في التوكيل لانهم بيبقي عندهم اجهزة استعدال شاسيه مش مجرد زرجينه وبس لأن الشاسيه بيفرق طبعا في اتزان العربيه علي الطريق اما باقي الحاجات فممكن حضرتك تعملها بره عادي جدا وافضل انها تكون استيراد لأنك لوجبتها جديده أصليه هتبقي أغلي بكتير من الاستيراد ولو جبتها اي كلام "مش اصليه" هتعمل معاك مشاكل معلش انت هتدفع شويه بس علشان ترجعلك زي ما كانت ان شاء الله