عرض للطباعة
كسبت "بلاي ستيشن 3" تبع مسابقة جبنة شغالة اليومين دول وعاوز اسأل عن أفضل لعبة تناسب الأطفال تحت 6 سنوات. وهل فيه إمكانية لألعاب شبيهة الوي أو كينيكت (حاجة تفاعلية مناسبة للأطفال)؟
وياريت كمان لو تنصحوني بتليفزيون هاي ديفينيشن كويس ويكون سعره مناسب !!
دي توريطة مش مكسب :)
وكل سنة وانتم طيبين
الف مبروك يا باشا ..... والله كويس انك كسبت الواحد كان فاكر المسابقات دى اى كلام ...
هنا هاتلاقى قائمة بالالعاب كلها اختار ALL او Kids
PlayStation 3 Games
ممكن تروح Gamevalley ويعدلوا جهازك وتجيب العاب من عندهم
وكمان تختار العاب بالسن هاتضغط بالسن فوق على اليمين
الف شكر يافندم ع النصايح وربنا يبارك فيك :)
أنا ماكنتش مصدق إني كسبت بس رحت استلمت الجهاز النهاردة من الشركة، منتهى الاحترام. (على فكرة لسة فاضل 4 سحوبات كل سحب 20 جهاز، عشان كدة الفرصة كانت كبيرة)
الفيرم وير 3.66 أظن ده صعب التظبيط (بيفتحوا كرش الجهاز ويركبوا تشيب) فغالباً هاختار لعبة أو اتنين اجيبهم مع التليفزيون وأمري لله (وممكن اشوف موضوع PlayStation Move) .
وجزاك الله كل خير
الف مبروك هى موضوع سحوبات ولا بتلاقى ورقه جوه علبه الجبنه النستو "باندا" انك كسبت
معذرة على التأخير في الرد. العلبة فيها كوبون بتبعت رقمه sms على تليفون الشركة (بسعر الرسالة العادي). بيبعتوا سؤال سهل وترد عليه برسالة تانية (برضه بسعر الرسالة العادية). والسحب القادم يوم 20 نوفمبر (20 جهاز !!)