ساعدونى

**memo200545** · 13-11-2011 05:04 PM

بداية انا عندى كام مشكلة فى العربية اولا الكارتيرة بتاعت الزيت حوالين الطبة مدمعة زيت فيه زى لحام وهى بتدمع زيت من اللحام فاية الحل ثانيا السخان شغال بس مش معلى عداد الار بى ام اخر ربط مسمار السخان مخليه على 800 بس ثالث حاجة لمبة الفرامل فى العدادات مش راضية تنطفى بالرغم من ان الفرامل ذى الفل مش عارف السبب يمكن فيوز معلقة ولا حاجة اغيثونى

**M.Elgergawy** · 14-11-2011 04:52 PM

وحضرتك عرفت منين ان السخان شغال وهو مبيزدش عن 8000

**memo200545** · 14-11-2011 05:39 PM

لان من مدة غيرت طرمبة الميه فالراجل اللى عباة ميه قالى السخان معبق ورحت لواحد بتاع كربيتير قالى كدة تمام وحيفصل ويشتغل وقالى لو عاوز تظبط السخان تعالى الصبح

**memo200545** · 14-11-2011 05:41 PM

وعرف ان السخان معلق لان الخرطومين بتوع الريداتير مكانوش سخنين

**M.Elgergawy** · 15-11-2011 09:21 AM

انت تسلك الخرطومين وتعلى السخان شوية وان شاء الله تظبط

**memo200545** · 16-11-2011 01:33 PM

يا معالى الباشا سؤال هما الخرطومين بيجيبوا ميه انا سلكت الخرطومين واحد بس بيجيب ميه والتانى مش بيجيب والسخان انا رابطة للاخر ولا كانى فالسؤال هما الخرطومين بيجيبوا ميه

**nonnos5** · 16-11-2011 01:37 PM

بص انا مش متاكد اوى من موضوع ان الاتنين بيجبوا ميه ده بس بيتهيالى ان واحد بيجيب ميه والتانى بيسحب المية بس الاهم انه مش شرط انه يكون الخراطيم هما المسدودين بس غالبا فيه بستم داخل الكربراتير مسدود او معلق نتيجة صدا المية او رواسب فاانت محتاج تفك الربراتير وتنظفه

**memo200545** · 18-11-2011 02:11 AM

طاب والموضوع دا سهل واى حد يعملوا بتاع كربيتير ولا اروح بيها لابراهيم بتاع شبرا لان الميكانيكى قالى مفيش غيرة وبتوع بلادنا حيبوطولك الكربيتير

**nice_bird** · 19-11-2011 07:38 AM

بداية انا عندى كام مشكلة فى العربية اولا الكارتيرة بتاعت الزيت حوالين الطبة مدمعة زيت فيه زى لحام وهى بتدمع زيت من اللحام فاية الحل ثانيا السخان شغال بس مش معلى عداد الار بى ام اخر ربط مسمار السخان مخليه على 800 بس ثالث حاجة لمبة الفرامل فى العدادات مش راضية تنطفى بالرغم من ان الفرامل ذى الفل مش عارف السبب يمكن فيوز معلقة ولا حاجة اغيثونى

بالنسبة لموضوع لمبه الفرامل الي يخليها شغاله
1- انك رافع فرامل اليد او مش منزلها للاخر
2- حدث تاكل للتيل او مستوي زيت الباكم قل (لازم تشوف سبب النقص اما تسريب او تاكل تيل )
3- في قفلة في الضفيرة

**memo200545** · 19-11-2011 02:57 PM

المشاركة الأصلية كتبت بواسطة nice_bird

بالنسبة لموضوع لمبه الفرامل الي يخليها شغاله
1- انك رافع فرامل اليد او مش منزلها للاخر
2- حدث تاكل للتيل او مستوي زيت الباكم قل (لازم تشوف سبب النقص اما تسريب او تاكل تيل )
3- في قفلة في الضفيرة

ياباشا اولا شاكر معاليك جدا على تعاونك هو حضرتك شكلك من سوهاج يعنى محافظة واحدة ههههههههههههه شوف ياباشا المشكلة دى ظهرت بعد ماكلت مطب سريع نورت اللمبة وساعات تطفى وساعات تروح تنور تانى