الموضوع: اتصالات أسوأ شبكة موبايل في مصر

السلام عليكم،
الموضوع ممكن أعتبره تحذير وحزن من مستوى الشركات العربية عموما وهو عبارة عن تجربة مريرة لم تنتهي بعد مع شركة اتصالات أحد مشغلي خطوط الموبايل في مصر..

ببساطة شديدة منذ 14 شهر قمت بتحويل خط فودافون الى اتصالات على اعتبار ان الدعايا الخاصة بهم حقيقية ولم أتخيل ان كمية الدعاية بتاعتهم في أغلبها مجرد نصب ،،

عانيت كثيرا جدا من شبكة اتصالات خاصة في الدلتا حيث مسقط رأسي، فالشبكة تنقطع تماما في بيت العائلة.
كنت اشتريت منهم خطوط بيزنس لشركتي فألغيتها كلها وطلبت تحويل خط ال 010 الى فودافون مرة أخرى وحتى اﻻن تم رفض الطلب مرتين وكل مرة بتاخد شهر من الإنتظار بسبب الإدعاء أن الإسم غير متطابق،
على الرغم أنني ذهبت للفرع بنفسي وتأكدت أن الإسم مطابق تماما لما في البطاقة الشخصية وهي نفسها طبعا التي قدمت بها الطلب في فودافون.

بصراحة انا وصلت لمرحلة من القرف غير طبيعية وكل ما أكلم خدمة العملاء عندهم يقولك مش مشكلتنا اتصل بفودافون !!!!
طيب اتصل بفودافون أعمل ايه وهما أصلا مالهمش أي تحكم في الخط بتاعي لسه؟

بكره إن شاء الله سأتقدم بشكوى الى المرفق القومي للإتصالات وإن لزم الأمر سأقوم بملاحقتهم قضائيا لأن ده استهتار رهيب الشكل واستخفاف بالعملاء وحسبي الله ونعم الوكيل.

انا فتحت الموضوع لتحذير الأعضاء لأن الشركات دي لازم تعرف ان للعملاء حقوق ولن يتنازلوا عنها ..

ابعت ميل بمشكلتك للقسم الخاص بنقل الارقام في جهاز تنظيم الاتصالات علي
mnp@tra.gov.eg

ويفضل ترفق بيه صورة للعقد بتاعك مع اتصالات وصورة لطلب التحويل اللي قدمته في فودافون