فضيحة نقص البنسللين طويل المفعول من السوق المصرى.

السلام عليكم و رحمة الله و بركاته

أنا آسف عالموضوع ده اللى ممكن يرى البعض أنه موضوع مش مهم و تافه.

اللى يحس بالموضوع ده, اللى عنده عيل و لا عيلة و بياخد حقنة البنسللين طويل المفعول كل أسبوعين و لا تلاتة و كان بيجيب النوع المصرى اللى اسمه Reterpen و لا Pencitard ب 5 جنيه تقريبا و فجأة, النوع ده انتهى من السوق و الناس مابقاش أدامها الا أنها تدوووووووووووووخ لحد ماتلاقى المستورد اللى بييجى من السعودية ب8 ريال و بيتباع عندنا بحوالى 30 جنيه و نوع تانى تركى, كان بيتباع عندنا فى المنصورة ب35 جنيه للحقنة و كل يوم يطل علينا وزير الصحة و يقولنا أن الحقن نزلت الصيدليات و الناس تيجى تقولنا هاتوا الحقن, ده الوزير قايل فى الأهرام أنها نزلت, نقوله, و الله العظيم ماجالنا حاجة, لحد هنا الكلام عادى, دوا و ناقص فى السوق و ايه يعنى, ما البريزولين قطرة و لبوس الجلسرين بتاع الامساك و لبوس البيساديل الملين و الحقن الشرجية الجاهزة بكل أنواعها ناقصة !!!!!!!!!!!!!!! .

الكلام ده من شهر مايو 2011 تقريبا, لحد مانزل البنسللين طويل المفعول تاااااااااااانى فى الصيدليات و لو عاوز 100 حقنة من الشركة, تديلك, لييييييييييييه هتديلك 100 حقنة؟؟؟؟؟, لأن تاريخ انتهاء صلاحيتها 5-2012 و ده لأن تاريخ انتاجها 5-2008, طاب, أما هو فيه حقن أهوه, كانت فيييييييييييين أيام ألأزمة ؟؟؟!!!!!!!!!

عشان ماتقولوش أنى بفتكس, أنا مصور الحقن اللى عليها تاريخ الانتاج 5-2008 و الانتهاء 5-2012 و عليها رقم التشغيلة اللى هو مكتوب فى الفواتير اللى هو 158603 و الفواتير برضه مكتوب فيها تاريخ الانتهاء اللى هو 5-2012.

السؤال بقه دلوقتى:

مين اللى ليه مصلحة فى أن الحقن دى تنقص ؟؟؟؟؟

مين اللى كان مستورد شوية حقن من برضه و عاوز يوزعهم ؟؟؟

هل كان وزير الصحة و لا أى حد من وزارة الصحة ضالع فى الموضوع ده و قابض تمن سكاته ؟؟؟

لأن الموضوع بالشكل ده مقرف.

المفروض لما تكون الحقن ناقصة, يوم ماتنزل, تنزل حقن جديدة سخنة بنار الفرن, مش انتاج 2008 !!!!!!!!!

أسيبكم مع الصور:

http://www.nileup.com//uploads/image...b8a8e9a13b.jpg


http://www.nileup.com//uploads/image...751a7aee26.jpghttp://www.nileup.com//uploads/image...5a41cb5777.jpg

http://www.nileup.com//uploads/image...73692e584b.jpg

http://www.nileup.com//uploads/image...7e00ef6b8c.jpg



ماحدش بقه يعرف هيئة و لا مكان محترم نقدم فيه بلاغ للتحقيق فى الفضيحة دى.

زميلى فى الشغل بيشتكى مر الشكوى من الموضوع ده و مش بيلاقى تماما

تقدم للنائب العام على حد معلوماتى

الظريف كمان انها نازلة من غير العلب الكرتون ...ياترى ليييييييية ؟؟؟؟؟؟؟؟؟؟؟؟؟؟؟

السلام عليكم و رحمة الله و بركاته

أنا متهيألى أنى حتى لو بعت للنائب العام و لا هيعبر اللى خلفونى, أنا أصلا فقدت الثقة فى كل الناس دى, لنا الله.

بالنسبة للحقن يا باشا, هى أصلا الReterpen بالذات, بتطلع من غير كرتونة من زمان, بعد ماكانت محترمة فى الأول و بتطلع بكرتونة, بقت بتطلع بالشكل ده.

اقتباس:

---

المشاركة الأصلية كتبت بواسطة greekalexander

الظريف كمان انها نازلة من غير العلب الكرتون ...ياترى ليييييييية ؟؟؟؟؟؟؟؟؟؟؟؟؟؟؟

---

المستورد جايب ال 100 حقنة في كرتونة توفيرا للنفقات وزيادة للمكسب

انا عندي منه تاريخه 6/2012 وكان بينزل في كرتونه فعلا كان عندي منه في كرتونه بس مش فاكر تاريخه كان كام بعدين نقص فتره ودلوقتي نزل بس مش اوي يعني وفعلا اول مانزل وجبته عندي استغربت جدااااااااا انه تاريخه قريب وانتاجه قديم اومال كان فين بقه لما هو انتاج قديم كده مش فاهم انا حتى مش راضي اجيب كميه منه عشان تاريخه القريب ده خايف يكون عندهم مخزون قديم بيخلصوه وبعدين ينزلوا الجديد

اخويا صيدلي وقالي نفس الكلام ده اول مانزل البنسلين تاني
واضح كده انه كل البنسلين اللي في السوق تاريخ انتهائه قريب
انا كنت فاكر انه الشركة الموزعة جابتله هو بس بضاعة قديمة متخزنه
ربنا يشفى كل المرضى

في تاريخة قبل كدة بالكرتونة وفى بعد كدة برضة بالكرتونة ..مفيش غير دول بسسس مجهولى الهوية

بس في نوع اسمه بينسي تارد ده تاريخه مش قديم زي ريتاربن

أنا مش عارف أنتم مكبرين الموضوع ليه

الدوا كان فالمخزن وعم سعيد اللي معاه المفتاح سافر بلدهم بعد الثورة عشان يشوف حاله هناك ولما الدنيا ظبطت شوية الراجل رجع فتحلهم المخزن والادوية اتباعت

للتوضيح فقط

حقن ريتاربين كانت ناقصة كمان فى السعودية فنفس وقت نقصها فمصر ، بالتالى الموضوع ملوش علاقة بحد لية مصلحة فنقصها ولا هى مؤامرة على مصر

حاجة مقرفة فعلا...بروزولين بقالها شهور مختفية وكمان تيراميسين وناس كتير بيسألوا عليها

حاجات بتختفي ف ظروف غامضة وترجع ف ظروف أكثر غموضة

اقتباس:

---

المشاركة الأصلية كتبت بواسطة memohamada

للتوضيح فقط

حقن ريتاربين كانت ناقصة كمان فى السعودية فنفس وقت نقصها فمصر ، بالتالى الموضوع ملوش علاقة بحد لية مصلحة فنقصها ولا هى مؤامرة على مصر

---

السلام عليكم و رحمة الله و بركاته

اللى أنا أعرفه, أنها لما نقصت فى مصر و بقى كل واحد عنده عيل و لا عيلة بتاخد البنسللين طويل المفعول ده و مش لاقيه و بقى بيوصى قرايبه و أصحابه و بلدياته اللى جايين من السعودية أنهم يجيبوله معاهم و كمان التجار اللى بيستغلوا الفرص دى, بقوا بيجيبوه من هناك من الصيدليات, نقص فى الصيدليات فى السعودية و بالذات فى المدن اللى بيبقى فيه زيارات دينية زى مكة و المدينة و جدة, لكن مثلا, مانقصشى فى تبوك و لا فى عرعر و لا سكاكا و لا الطايف و الكلام ده مش أول مره يحصل, حصل قبل كده فى اللانوكسين أما كان مستورد لحد سنة 2002 و والدتى و هو بتعمل عمرة فى رمضان سألت عليه فى السعودية و مالقتهوش و زى ما أنا كنت بجيب البنادول اكسترا من السعودية و أنا نازل أجازة و مش معنى أن البنادول اكسترا نقص فى مصر و السعودية, يبقى نقص البنسللين طويل المفعول ده أزمة عالمية, لأنه كان موجود فى قطر و الكويت و فيه حقن من تركيا أنا شفتها هنا و كانت الحقنة الواحدة صيدلية الطرشوبى عندنا فى المنصورة بيبيعها ب35 جنيه.

احنا ماعندناش اعتراض أنه نقص و لا مانقصى, احنا عندنا تساااااااااؤل واحد, العلب اللى معانا دلوقتى دى اللى انتاجها 6-2008, كانت فيييييييييييييين أيام الأزمة ؟؟؟؟

لو حد شايف أننا كأفراد الشعب المصرى مش من حقنا أننا نسأل تساؤل زى ده, يبقى ده أمر تانى بقه !!!!!!!!!!!!!!

اقتباس:

---

المشاركة الأصلية كتبت بواسطة maserati

السلام عليكم و رحمة الله و بركاته

اللى أنا أعرفه, أنها لما نقصت فى مصر و بقى كل واحد عنده عيل و لا عيلة بتاخد البنسللين طويل المفعول ده و مش لاقيه و بقى بيوصى قرايبه و أصحابه و بلدياته اللى جايين من السعودية أنهم يجيبوله معاهم و كمان التجار اللى بيستغلوا الفرص دى, بقوا بيجيبوه من هناك من الصيدليات, نقص فى الصيدليات فى السعودية و بالذات فى المدن اللى بيبقى فيه زيارات دينية زى مكة و المدينة و جدة, لكن مثلا, مانقصشى فى تبوك و لا فى عرعر و لا سكاكا و لا الطايف و الكلام ده مش أول مره يحصل, حصل قبل كده فى اللانوكسين أما كان مستورد لحد سنة 2002 و والدتى و هو بتعمل عمرة فى رمضان سألت عليه فى السعودية و مالقتهوش و زى ما أنا كنت بجيب البنادول اكسترا من السعودية و أنا نازل أجازة و مش معنى أن البنادول اكسترا نقص فى مصر و السعودية, يبقى نقص البنسللين طويل المفعول ده أزمة عالمية, لأنه كان موجود فى قطر و الكويت و فيه حقن من تركيا أنا شفتها هنا و كانت الحقنة الواحدة صيدلية الطرشوبى عندنا فى المنصورة بيبيعها ب35 جنيه.

احنا ماعندناش اعتراض أنه نقص و لا مانقصى, احنا عندنا تساااااااااؤل واحد, العلب اللى معانا دلوقتى دى اللى انتاجها 6-2008, كانت فيييييييييييييين أيام الأزمة ؟؟؟؟

لو حد شايف أننا كأفراد الشعب المصرى مش من حقنا أننا نسأل تساؤل زى ده, يبقى ده أمر تانى بقه !!!!!!!!!!!!!!

---

والله العظيم بقت حاجه تقرف الادويه بقت تختفي من السوق بدون داعي وشركات الادويه بقت تتحكم في السوق الدوائي بلا ضابط ولا رابط ولا ضمير
ماهو لو كل شركه ليها عدد اصناف محدد واعداد البدايل تتحدد بعدد معين كله هيمشي زي الالف و مفيش دواء هينقص والمفروض التراخيص تبقى اما لتوفير دواء جديد وا دواء بدايله قليله
لكن هوجة التراخيص اللي حصلت في الكام سنه الاخيره خلت المصالح هي رقم واحد ومش مهم صحة الناس
ربنا يهديهم