حد ليه في الماك

**GreekAlexander** · 14-11-2011 01:59 AM

بعد ستيف جوبز ابل ولا تسوى

**Amr_tika88** · 14-11-2011 02:06 AM

انا قصدي الويب سايت بتاع ابل نفسها تريد لاين وبست باي موجودين بس في وكيل ماسك الشرق الاوسط كله وتريد لاين هوا اللي بيوزع للتوكيل ده مش دايريكت من ابل

**أبومعاذ** · 14-11-2011 11:48 AM

كلام صاحبك صح بنسبة كبيرة
لو حصل معاك مشكلة سوفتوير مع تريد لاين هيحلوهالك لكن لو مشكلة في الهاردوير هيدفعوك يعني كأنك من غير ضمان

**Beam28** · 14-11-2011 10:37 PM

ابل ليس لها وكيل في مصر ولكن لها وكيل للشرق الاوسط هو شركة أراب بيزنس ماشين وهذه الشركة لها موزعين معتمدين في مصر حسب هذا الرابط
Egypt | Apple Authorized | ARAB BUSINESS MACHINE
وتريد لاين احد هؤلاء الموزعين.
على العموم انا معايا ماك بوك برو كنت شاريه من كمبيو مي من 3 سنين تقريبا ولم احتاج الضمان ولا مرة والجهاز حتى الأن يعمل بكفاءة عالية والحمد لله.
الماك هاردوير وسوفتوير لا يعلى عليه ولا احتاج الوندوز عليه (ماليش في الالعاب يعني بس ممكن يشغل وندوز عادي). الحاجة الوحيدة من وجهة نظري اللي ممكن تفتقدها على الماك محرر النصوص زي الاوفيس وورد باللغة العربية بس ممكن تتغلب عليها بتشغيل فيرشوال ماشين وندوز من داخل الماك وتستخدمها عادي.

**GreekAlexander** · 14-11-2011 11:16 PM

بعد استعمال الماك عدة سنوات اقدر اقولك لو مش محتاج تصمم جرافيك وفر فلوسك
زمان كان فية مشاكل كتير فى الويندوز اشهرها الشاشة الزرقاء واستهلاك موارد الجهاز بنسبة عالية
بعد الويندوز سيفين معدش فية شاشة زرقا ومواصفات جهاز بربع تمن الماك حاليا ممكن تشغل 5-6 نسخ ويندوز مع بعض ومعدش موجودة مشكلة استهلاك موارد الجهاز
ابل عارفة كدة وعلشان كدة رمت حملها كلة على الايفون الكام سنة اللى فاتوا وحتى فى دى سامسونج بالجلاكسى اس وحاليا نوت بتديها رصاصة الرحمة
على فكرة بداية الويندوز مسروقة من ستيف جوبز وكان اسمة dirty system

**GreekAlexander** · 14-11-2011 11:22 PM

بعدين حضرتك مقولتش عاجبك فى الجهاز الهاردوير -ممكن تجيب سونى فايو ( وهايزيد ميقلش )بنص التمن
لو عاجبك السوفت قولى موديل اللابتوب بتاعك وانا اساعدك تشغلة علية- بس اوعدك ان الماك هيقرفك كنظام تشغيل لو مش محتاجة .. انت عارف مثلا ان خاصية زى cut & paste مثلا مش موجودة وهنحطلها برنامج مخصوص علشان تشغلها

**أبومعاذ** · 15-11-2011 07:47 AM

المشاركة الأصلية كتبت بواسطة Beam28

الحاجة الوحيدة من وجهة نظري اللي ممكن تفتقدها على الماك محرر النصوص زي الاوفيس وورد باللغة العربية بس ممكن تتغلب عليها بتشغيل فيرشوال ماشين وندوز من داخل الماك وتستخدمها عادي.

مايكروسوفت نزلت 2011 نسخة مخصوص اسمها Office for MAC

**أبو_يوسف** · 15-11-2011 09:26 AM

المشاركة الأصلية كتبت بواسطة GreekAlexander

بعدين حضرتك مقولتش عاجبك فى الجهاز الهاردوير -ممكن تجيب سونى فايو ( وهايزيد ميقلش )بنص التمن
لو عاجبك السوفت قولى موديل اللابتوب بتاعك وانا اساعدك تشغلة علية- بس اوعدك ان الماك هيقرفك كنظام تشغيل لو مش محتاجة .. انت عارف مثلا ان خاصية زى cut & paste مثلا مش موجودة وهنحطلها برنامج مخصوص علشان تشغلها

طب ولما نشغل السوفت بتاع الماك على ال pc العادي او اللاب توب هايبقى نفس اداء الجهاز الماكنتوش ولا مجرد شكل ؟
وياريت -مشكورا- طريقة تشغيل السوفت على لاب توب ديل N5010