مشكله فى عربيتى الافيو 2012

**heshhesh** · 14-11-2011 03:52 AM

انا كنت لسه شارى العربيه من شهر ونص تقريبا

بعد اسبوعين كده ابتديت اسمع صوت تزييق خفيف اوى من وراه كده شمال

التزييق ابتدى يزيد جامد بقى فى اخر اسبوعين دول

وكمان لاما باخد مطب كده او اى نقره بلاقى الدركسيون لوحده كده بيجيب شمال او يمين مش ثابت يعنى

بيحرك ايديه جامد وانا ماسكه

الحاجه التانيه كمان الفرامل خفيفه كده العربيه بتاخد وقت عقبال متقف

انا عملت بالعربيه لحد دلوقتى 2800 كيلو استنى لحد صيانه 5000 ولا اعمل ايه

صحيح انا ركبت جنوط اسبور وكوتش 15 بس الكلام ده اصلا كله حصل قبل مركب الجنوط والكوتش

هما ممكن يتلككو بموضوع الجنوط ده ولا ايه

وشكرا لتعبكم معايا

**S O P H O S** · 14-11-2011 10:59 AM

1_الصوت ممكن يكون العفشة عاوزة تتربط لانها جديدة وممكن الشحن وهي جاية وكده وترصيص وكده متقلقش
2_ الفرامل ممكن لو هي وسك تصبر عليها شوية لان اكيد التيل لسه مطبعش لكن مع الاستخدام هتتحسن انشاء الله
كلامي يحتمل الخطأ حبيت اقولك وجهة نظري القليلة ولازم تأخد راي اصحاب السيارة هناا يارب اكون ساعتدك بجزء صح وبعتذر لو قولت حاجة غلط والله اعلم وادري

**heshhesh** · 14-11-2011 11:44 AM

المشاركة الأصلية كتبت بواسطة ahmed1006

1_الصوت ممكن يكون العفشة عاوزة تتربط لانها جديدة وممكن الشحن وهي جاية وكده وترصيص وكده متقلقش
2_ الفرامل ممكن لو هي وسك تصبر عليها شوية لان اكيد التيل لسه مطبعش لكن مع الاستخدام هتتحسن إن شاء الله
كلامي يحتمل الخطأ حبيت اقولك وجهة نظري القليلة ولازم تأخد راي اصحاب السيارة هناا يارب اكون ساعتدك بجزء صح وبعتذر لو قولت حاجة غلط والله اعلم وادري

متشكرين ياباشا على الرد وياريت ياجماعه حد يفدنى

**أشرف العدوي** · 14-11-2011 12:04 PM

انا من راي انك تروح التوكيل على طول و ما تستناش ( خلي بالك انهم في التوكيل معاملتهم سيئة و هيكلفتوك فأطلب انك تخش الورشة و تشوف الي هيحصل في العربية بنفسك ) و انصحك انك الاول تروح مركز خدمة مقار الي في شارع التحرير لانهم احسن في المعاملة و في الصيانة
موضوع الدركسيون الي بيلعب ده كان عندي و غيرتله حاجة اسمها بيض بارات او بيض طرف مش فاكر بس انت عربيتك لسة بدري عليها ده 2500 كم فقط فأحتمال يكون حاجة تانية و الله اعلم

الفرامل اعتقد انها ممكن تتحسن

التزييق ده في معظم العربيات الافيو و اعتقد مالوش حل لانه لسة عندي

**ahmedeno** · 14-11-2011 05:12 PM

اى عربية زيرو فى الاول بتبقى مش متظبطة روح التوكيل وقولهم على كل ملاحظاتك وإن شاء الله هتتظبط بس متنساش تحط الكاوتش الاصلى بتاعها قبل متروح علشان غحتمال يقولك هو دة السبب فى بوظان العفشة والتزيق