عرض للطباعة
السلام عليكم
لا اظن ان احد منا لم ينفجر غيظا من كثرة المطبات الموجودة بشوارعنا وطرقنا وهي مصنوعة بطرق استفزازية وفي اي مكان وقد فكرت في الرد على من صنعوا هذه المطبات بطريقة عملية واستفزازية ايضا عملا بمدأ البادي اظلم والطريقة هي إلقاء اكياس القمامة امام المنزل او المنشأة التي صنعت المطب او المستفيدة منه يعني ( زي ما بيقرفونا نقرفهم).
انا بدأت اعمل كده واللي عاجباه الفكرة ينفذ او نسمع افكار تانية
طيب ما المطب واصل من اليمين للشمال هاترمي الزبالة قدام مين فيهم ؟
و هاتعمل كدا في شارعك بس ولا هاتلف بقى ترمي زبالة عند كل المطبات ؟
و هل اللي عملو الطب هايفهمو الرسالة و ان دا ردا على المطب ؟
و لو حد مسك في خناقك و عملك مشكلة عشان بترمي زبالة قدامو هاتعمل ايه ؟
.ههههه... طب وهنجيب منين زباله تكفي ... ياريس لو الحكايه كده يبقي هترميلهم زباله هيحطولك خشب مترشق مسامير وبعديه ب 2 متر هايقعدو عيال صغيره تحدف العربيه ب الطوب وبعديها ب 3 متر هيطلع ناس بالألي وياخدو العربيه واللي فيها رهينه... مش هايغلبو يعني... أمرك إلي الله انضم ل 80 مليون مواطن بيغيرو العفشه كل 6شهور..
علي الطريق الزراعي من اسيوط لسوهاج 124 مطب :verygood: ف مسافه 90 كيلو بس يعني كل كيلو الا ربع مثلا مطب :36_2_33: وبناخدها صحراوي وبنمشي حوالي 30 كيلو زياده ولا وجع الدماغ وبنوصل اسرع من الزراعي
ههههههههههههههههههههههههه ههه
124 مطب !!
طيب كويس أوي نقدم في موسوعة جينس وأكيد مش هنلاقي حد متخلف اكتر من كدهاقتباس:
المشاركة الأصلية كتبت بواسطة madaxman
طب ليه حضرتك مفكرتش هم عملوا كده ليه ما جايز قصدهم خير ان الناس متمشيش بسرعة عشان التعدية في الشوارع الداخلية لأن حضرتك عارف الناس و خاصة الشباب بيجروا و خلاص او لتجنب الحوادث
لكن بسبب الجهل بالشئ معملوهاش صح او بطريقة كويسة
لكن معتقدش ان فيه حد هيصرف و يجيب اسفلت و لا اسمنت و يعمل مطب غلاسة ع الناس يعني
انا معاك انها مطبات مستفزة لكن المفروض نحسن الظن بالاخرين لحين ما نتأكد من العكس و ساعتها ممكن مثلا نبلغ
و ميصحش اننا نرمي زبالة في الشارع ده احنا ما بنصدق الشوارع تنضف نيجي نعمل كده ايش حال متعلمين و معانا شهادات او بندرس :)
اقتباس:
المشاركة الأصلية كتبت بواسطة axel
معاك حق
معظم مشاكلنا متشابكة
والواحد بيحتار من الجانى ومين المجنى عليه
ودائما تلاقى كل طرف معاه حق فى تصرفه
فيه سواقين موتوسيكلات وتروسيكلات وميكروباصات وملاكى
بيجروا بمنتهى التهور فى شوارع داخليه كمان بدون مراعاه لطفل ممكن يخرجله فجأة
أو حتى عربية تطلع من شارع جانبى
بس ده بردو مش مبرر للمطبات الغبيه والعشوائية اللى بنشوفها فى كل شوارعنا
يحطلك قالبين طوب فوق بعض
وفوقيهم شويه اسمنت
غباء فى غباء
من الجانبين للأسف
رغم ان معايا عربية تعتبر من العربيات العالية
إلا انى بعانى اشد المعانه من مطبات متخلفة
فى بعض الأماكن
بتلاقى العربية عمالة تحك من تحت
بحس ان قلبى بيتقطع ساعتها
ربنا يرحمنا برحمته
من الاغبياء اللى بيتهوروا فى السواقة
ومن الأغبياء اللى بيعملوا مطبات متخلفة
:36_8_1[1]:
دا فن المطبات ده بقى فن كبير وكل يوم بيتطور
اخر الابتكارات فى شارع قريب لبيتنا لقيت واحد قاطع حرف كاوتش جرار وطبعا الحرف عباره عن كتل كاوتش ناشف والباشا مثبته بمسامير صلب واغلب المسامير طالعه بره الحرف ( مشاء الله على عبقريته ربنا يحفظه لمصر )
وعيش الحياه وانت بتعدى على المطب ده وبتبقى عامل زى الارجوز عشان تحاول تتفادى المسامير
فى طريق البلد عندنا 87 مطب فى 80 كيلو و مطبات ايه رتش و طوب و ظلط و اسمنت و حاجه تقلب البطن
كدة قليل خالص 25 مطب فى 2.5 كيلواقتباس:
المشاركة الأصلية كتبت بواسطة madaxman