____________________
برجاء عدم وضع اعلانات قبل التنسيق مع ادارة المنتدي
مشرف القسم
____________________
برجاء عدم وضع اعلانات قبل التنسيق مع ادارة المنتدي
مشرف القسم
انا معايه اوبل فيكترا ومن فتره لقيت الرديتير بيسرب زيت فى البدايه الت متهيقلى ايه الى جاب الزيت للرديتير لحد لم رحت للتوكيل واكتشفت حاجه غريبه :B4_556: ان الرديتير بتاع الفيكترا ال اوتو بيكون ليه دورت تبريد لزيت الفتيس فى الرديتير ياعنى الرديتير بيبرد الميه الى دخله للموتور وبيبرد زيت الفتيس عشان كدا حرارت ال اوبل بصفه عامه بتكون عاليه سواء صيف او شتا ده عادى يا جماعه
شوفوا هو الكلام بتاع الراجل دة صحيح اذا كانت سرعة المراوح بطيئة عن الطبيعي فدة بيعد حل لكن الى انا عاوز أقوله ان المدرسة الألمانية في تصنيع السيارات بتصمم محركاتها أن تعمل في درجة حرارة 92 و ذلك لضمان احتراق الوقود بالكامل أما عن الطبيعي في الأوبل فهو من 88 الى 92 - 95 بالتكيف على ان لا تزيد عن 97 و الا يكون المحرك في خطر و من الملاحظ أنه بالرغم من السخونة العالية و الملموسة في المحركات الألمانية لكنها لاتؤثر سلبا على المحرك كما في باقي أنواع السيارات - أنا مخلي كل حاجة في العربية على الفابريقة و هو دة الصح يعني الثرموستات الأصلي(205 جنيه) غير الأنواع المضروبة و سائل التبريد mobil الأحمر والمراوح و سرعاتها زي الفابريقة و كانت النتيجة ان السيارة حرارته 88 الى 92 - ممكن توصل 94 بالتكيف (أحيانا) و في توكيل اخوان مقار العريق جدا قالوا لي دة المعدل الطبيعي جدا و لا تقلق من هذه السخونة (السيارة دي ألماني)
على فكرة 98 درجة مش بداية الخطر ولا حاجة بس انت اشرت للعيب بطريقة غير مباشرة - معنى انك انت لما تشغل المراوح بتاعت التكيف على 4 السخونة بتزيد فده سببه انه لما يكون التكيف على 4 فمعناه ان السخونة الي جوة الصالون بتنتقل الى السربنتينة الأمامية و معنى زيادة الحرارة في المحرك انه فيه خلل في نظام التبريد الخاص بالمحرك وغالبا العيب ده ان المراوح غير قادرة على تبريد المحرك بفاعلية راجع سرعة المراوح(كفائتها) الثرموستات - قم بغسيل دورة التبريد جيدا و املأها مبرد موبل الأحمر - غطاء القربه و يوجد عيب خبيث في دائرة تبريد الأوبل - يوجد صمام فتح المياه فاذا كان به صدأ او خلل ما فلن تعمل المراوح في الميعاد المقرر لها فتزيد سخونة المحرك
أما عن استبدال السيارة
يا راجل ده الأوبل سيارة عظيمة و قطع غياره رخصت كتير و لا تضاهيه الكوري و لا حتى الياباني
:Ta_clap[1]:ياريت كل الناس تبقى كدة محدش هيشتكى من حرارة تانى
المية الاصلية للفكترا الخضرا ..
مروحة التكييف ملهاش علاقة بسخونة العربية دة عبارة عن blower جوة صالون العربية لتدوير الهوا على سربنتينة التكييفاقتباس:
معنى انك انت لما تشغل المراوح بتاعت التكيف على 4 السخونة بتزيد فده سببه انه لما يكون التكيف على 4 فمعناه ان السخونة الي جوة الصالون بتنتقل الى السربنتينة الأمام
ظاهريا مروحة التكيف (البلاور) ملهاش علاقة لكن علميا ان كل لما تزود سرعو البلاور بتخلي غاز الفريون ياخد معاه سخونة أكبر من الصالون( نظرية التبادل الحراري) و يوديها على السربنتينة الأماميةلكي تبرد و يعود الفريون الى الحالة السائلة (نظرية التبريد بالفريون) ودة طبعا بينعكس علي سخونة المياه بالرادياتير لأن السربنتينة الأمامية ملاصقة للرادياتير
أما عن المبرد الخاص بالأوبل فكان زمان الأخضر حتى أكتشف في gme و اخوان مقار أن المبرد الأخضر له ضرر على دورة التبريد في الوبل فأقروا سائل تبريد موبل الأحمر ( ممكن تسالوا رأفت في اخوان مقار)
ممكن تدينى نمرة و عنوان( محمد اللى فى صقر قريش )
وشكرًٍِا مقدمًا
بص يا باشا هوا بجد انسان محترم قوي قوي فوق ما تتخيل و امين الصراحه
انت تمشي كورنيش المعادي و انت رايح من التحرير كدا هتلاقي بنزينه علي ايدك الشمال عند مفارق اللي هيا دخله دار السلام تدخل الدخله دي " شمال هيا " و تفضل ماشي جنب الكوبري لحد ما يبقي سد فتدخل يمين في اول شمال في اخر الشارع يمين هتطلع علي الدائري تنزل نزله الاوتستراد مفيش دقيقتين بالعربيه هتلاقي يافطه مكتوب عليها صقر قريش تدخل عندها يمين هوا في اول الشارع علي طول و دا رقمه 0103486261 و قوله جايلك من طرف محمد الليثي بتاع مروحه التكييف و هوا هيظبط معاك الكلام ان شاء الله
وله فى واحد بتاع رداتير فى اكتوابر محترم برضه كان الالرداتير التخرم و انتو عرفين الالمانى و كبس الهواء الى فى الرداتير لزم و احد جديد لحم الرداتير و كبسه هواء بره فى الحوض و بعد كده ركب الدنيه تانى على فكره العربيه اوتو 1600 موديل 2000 بس توقع السعر كام 25 جنيه لحام و 25 فك وتركيب
مروحة الاوبل ليها سرعات احيانا بتلخبط والحج محمد شغل المروحة بدون فصل وده غلط
اكيد غلط و هيهلك المروحه
الكلام دا غلط مينفعش كده
طيب انا شفت واحد حاطط مروحه بتاعت 132 و بيشتكى يقولك عربيات معفنه بتسخن
اعمل فيه ايه ده
لما قلتله مش مروحتها قاللى ما كلها مراوح و خالص متبقاش حنبلى
اموته و اخلص منه عشان يفهم
ههههههههه سيبك منه خلاص اللى بدماغه صح وانت غلط
في ناس كده ياباشا
ما انا التانى قلتله بجد تسلم العبقرية المصرية الفذه
دلوقتى انا شاكك بقالى كام يوم فى غطا الردياتير لما باجى من مشوار باسمع منه صوت تنفيس و العربية ابتدت تسخن
ولا السبب ممكن يكون حاجة تانى
هو بالحق المراوح متشتغلش غير لما بيبقى داخل كهربة للعربية سنت المرش يعنى
اصل عندى بتعمل كده
بالرغم من ان فى عربيات تانية بعد ماتبطل تلاقى المراوح بتاعتها شغالة
اخوكم فى الله
هيثم الغزالى
haitham el-gazaly
انا مستغرب على إشاعة ان الاوبل بتسخن قوى دى! انا معايا الاسترا و عمرى ما حسيت بحراره و انا فقط مواظب على التزويد بالمياه الخضرا فى وقتها للريدياتير
وانا زيك ياباشا حكايه التسخين انا مش عارف جت مننين اول مره اسمع عنها
ايو مراوح الأوبل متشتغلش الا و الكونتاكت مفتوح
و معنديش تسريب عندى صوت تنفيس بس
تنفيس ايه دا ياباشا
الله ينور ياباشا مختار
هههه ايه دا بقى
غزل حليب
ههههه ايه الغزل دا
مش فيه غزل عفيف
ده بقى غزل حليب
:ma::B4_237:
عربيتك اكيد اوتو لان اى عربية اوتو زيت الفتيس بيمر فردياتير عشان يبرد وانتا لازم تغير الردياتير بسرعة لان كدة حيحرق الفتيس لانو حيخشلو مية
ايوا يتسرب عادى جدا لأن تبريد زيت الفتيس الأوتوماتيك فى الأوبل عن طريق مسوره بتعدى فى نفس الياداتير بتاع العربيه وده من اسباب سخونة الفكترا ال 2000 عن ال1600 واحيانا بتتشرخ المسوره وبتدخل زيت الفتيس فى الياداتير والله المستعان