ارجو المساعدة : الدركسيون بيحدف يمين و شمال

**ali_2h** · 14-11-2011 11:12 AM

انا عندى مشكلة بقالها شهر و مش عارف ازاى احلها
السيارة : كيا سيراتو 2005
بدايتها : كنت بسمع صوت طقة مع الفرامل و الميكانيكى قللى ده جلب مقص ,, غيرت جلب المقص وملاقتش الاصلى منها ,, المهم الصوت كان لسة موجود ,,, وفى الاخر طلع الصوت من قاعدة ماتور
بعدها بكام يوم لاحظت انى لما بدوس فرامل الدركسيون بيتحرك سنه يمين ,,, و لما بدوس بنزين فجأه الدركسيون بيتحرط سنة شمال ,, بس طبعا فى السرعات العالية بعد ال 140 و افرمل العربية بتعوم يمين ,, ف طبعا مفيش stability و بقيت اخاف اجرى و ان بسافر كتير و مش عارف الحل ايه
انا ظبت زوايا و مفيش فايدة
رحت لواحد بتاع فرامل قالى المشكلة مش من الفرامل
ملحوظة : انا بحس ان الدكسيون اصلا مش تقيل يعنى لو بحركه سنه يمين او سنه شمال بيكون خفيف جدا فى الاول و بعدين بيرجع يتقل تانى
لو حد قابل المشكلة ده ارجو المساعدة

**ابو ليلى** · 14-11-2011 12:31 PM

اعتقد والله اعلم ..علبة دريكسيون
بص فى عرض مجانى عامله مركز السبع الكشف مجانى بمناسبة الافتتاح لحد يوم 21/11/2011 ممكن تروح تخليهم يكشفو على العربية ويتم تحديد العيب
http://www.nilemotors.net/Nile/252761-a.html

**SAMEH_FOUAD** · 14-11-2011 01:03 PM

اول حاجة اكشف على بارات الطرف والبارات الداخلية لو لقيتهم كويسين خلى الفنى يحرك الترس لو لقى بوش يبقى العيب من الاسكاترا وممكن يرجلشها شوية بس الدركسيون هيتقل شوية

**moha4tec** · 16-11-2011 03:05 AM

بسرعه تروح تعمل زوايا و اتزان عند حد محترف و متكسلش و ممكن تطلع من الاسكاترا فعلا .و خلى بالك لازم تظبط الزوايا و الاتزان بمقاسات معينه و مش اى حاجه .
يعنى لازم تدخل على موقع كيا الكورى و تطبع المقاسات بتاعة الزوايا و الاتزان و تروح للراجل يعملهالك بسرعه
لو معملتش كده توقع العربيه تحت ظروف معينه ممكن تعوم منك او تعمل دريفت او تحدف يمين او شمال,مما يترتب عليه احتمال بحادثه او قلبه .
و الكلام ده كله مذكور على الموقع بتاع كيا اللى هما صنعوا العربيه و هما اكيد بيفهموا اكتر منننا .
بالنسبه لصوت الطقطقه لو هو فى الحفر و المطبات .هيكون من الجلده اللى بتحمى المساعد من التراب ,صوت اصطدامها بالصاجه اللى تحت البطاحه و اللى بتحمى المساعد من التراب بردوا.
و حلها تقص حته كوتش مدوره و تحطها ما بينهم و تلزقها بكولا و كده الصوت يختفى تماما
و ان شاء الله هعمل موضوع بالصور و الشرح و ارفعه باذن الله .
و الله اعلم

**moha4tec** · 16-11-2011 03:09 AM

لو مع الفرامل الدركسيون بيجيب يمين فى شمال ممكن تفك التيل بتاع العجلتين اللى قدام و تشوفه متساوى و الا مختلف التاكل .
لان كان عندى نفس المشكله و طلعت من التيل .
و لما غيرتك لقاته متاكل بطريقه مش متساويه و قالولى ان ده ممكن يعمل كده و الله اعلم .
كمان ضغط الكوتش ممكن يعملك الحدفه يمين او شمال سواء مع فرامل او بنزين
شيك على عجلك كويس و شوف الجنط معوج و الا سليم و شوف الكاوتش فيه بالونه او خرم او الضغط مش مظبوط او كده
كل دى اسباب ممكن تعمل مشكلة حضرتك