عايزين يزودو 5000 جنيه على سعر العربيه

يا جماعه انا المفروض انى حاجز القشقاى من مودرن موتورز بقالى اكتر من شهرين و اول ما حجزت الكلام زى الفل و هتستلم فى اقل من شهر و الدنيا بييييس جيت بسال عليها قالو اللون اللى انته حاجزه منزلش مع الدفعه اللى نزلت و هتضطر تستنى كمان شهر و هتستلم عربيه 2112 بدل 2011 قولتلهم طيب بالنسبه للسعر قالولى يا فندم العربيه غليت 5000 جنيه بس انته عشان حاجز من قبل كده هنحاسبك بالسعر العادى 160000 قولتلهم ماشى اهو يبقى التاخير قصاد موديل جديد المهم لقيتهم بيتصلو بيا من شويه و بيقولو لا ده موديل جديد و السعر زاد 5000 جنيه سالتهم طيب العربيه نازل فيها حاجه متغيره عن الموديل اللى قبله قالو لا هى هى بالظبط بس فرق الموديل يعنى رقم على ورق اتصرف ازاى معاهم دول بقا حد يقولى

ده اوفر برايس ياباشا عشان المستورد منها قليل

أنا اعتقد انك تتوكل على الله و تشترى موديل 2012 و خاصه ان الفرق مش كبير و لكن هيفرق معاك سنه كامله فى الصنع و اكيد هيتعوض معاك بعد كده فى سعر العربيه مع الوقت و الحمد لله هنا معقوله اوى عشان فى السبورتاج بيوصل الفرق ل 20 الف للاستلام الفورى و مش اجدد موديل ولاحاجه. :wink14:

ده معتمد انت حجزت بكم يعني لو حجزت ب 1000 يبقى لو زودو عليك 10 الاف من حقهم لان ده مجرد ربط كلام

اما لو حجزت بمبلغ بالاتفاق معاهم ان ده حيثبت السعر مثلا 20 الف فساعتها ممكن تزعل لان هم بيستفادو من الفلوس دي في بضاعة وحاجات قبل ما تغلى

كلام فارغ
اسلوب غير مقبول تماما من شركه كبيره
اكيد استاذ احمد ممكن يفيدك
انتظر رده

انا اتكلمت مع استاذ محمود مكاوى فى مودرن موتورز و هو حاول يكلم الاداره و اخر الكلام انهم هيخصمو نص المبلغ يعنى 2500 جنيه فقولت يلا مش مشكله الحمد لله لان المشكله انك لما بتحجز مش بيكتبلك سعر العربيه الاجمالى انت مجرد بتاخد وصل من الخزنه تحت حساب العربيه من غير ما يكتب سعرها المهم انا النهارده دفعت باقى المبلغ اللى اصبح 162500 جنيه و قالولى ان الاستلام فى خلال 48 ساعه ربنا يستر بقا و يصدقو لحد كده و ميعملوش حركات قله تانى

افهم من كده انه فى تقرير الاميك لشهر نوفمبر اللى هايتنشر فى ملحق الاهرام باذن الله هايتكتب تم الافراج عن عدد ؟؟؟ سيارة نيسان منها 1 قاشقاى ؟ :wink14:
الف مبروووووك مقدما وفى انتظار تقرير الاستلام والتجربة

ناشيونال يونيون ( موزع معتمد نيسان فقط ) شارع النزهة بعد الرقابة الإدارية و بعد توكيل دايهاتسو و أنت رايح بأتجاه مدينة نصر
جايب عربيتي الصني من عندهم معندهمش أوفر برايس بيبيع بالأسعار الرسمية
أتصل بي مدير المبيعات اليوم بالصدفة عشان كنت سألته عن القشقاي و قال أنه داخله دفعة منها اليوم
اتصل عليهم و اسأل عن السعر
ده تليفون المعرض
01000092301
أ- حسين مدير المبيعات

و أسأل برضه في أوتو أيجيبت مدينة نصر برضه ناس محترمين جدا و برضه بيبيعو بالأسعار الرسمية

و ربنا يوفقك

اقتباس:

---

المشاركة الأصلية كتبت بواسطة darkmagician

ده معتمد انت حجزت بكم يعني لو حجزت ب 1000 يبقى لو زودو عليك 10 الاف من حقهم لان ده مجرد ربط كلام

اما لو حجزت بمبلغ بالاتفاق معاهم ان ده حيثبت السعر مثلا 20 الف فساعتها ممكن تزعل لان هم بيستفادو من الفلوس دي في بضاعة وحاجات قبل ما تغلى

---

نفس الرد وموافق اسامة فيه

هو ده الصح عشان تثبت سعر .. تدفع مبلغ اكبر من 1000 جنيه
واكيد مكنش مندوب المبيعات مش عنده خبر بالزيادة

بس بصراحة الزيادة دى بقالها فترة حتى فى مويدلات 2011 .. واتو اجيبت بيبعوا بالسعر ده بقالهم فترة

القاشقاى سعرها بقا 165 الف المانيول منها

وياسلام بصراحة لو تاجل الشراء لغاية معرض فورميلا وتجيب الاتوماتيك منها وسعرها حيكون فى حدود 180 الف ويمكن اقل فى حدود 175 الف ممكن

الا اذا لو عايز منها المانيول

تحياتى

لو 175 الف ده الاتوماتيك تبقى منافسه جداً السبورتاج و تشجع ناس كتير على الشراء و أنا واحد منهم علشان مانيوال على السعر ده كتير بصراحه و خاصه فى ظل الزحمه و واريت ينزلوها بسرعه و يحطوا فيها موتور اكبر من بتاع التيدا علشان مش هينفع مع الاوتوماتيك ووزن العربيه