الموضوع: الحقونى المراية اليمين طارت

سلام عليكم

الواحد والله قرف الطريق واقف وزحمة وانا واقف ما بتحركش جه سواق نقل يغير الحارة وهو بيكسر خد المراية اليمين كلها معاه

دلوقتى ضهر المرايا طار والقاعدة بتاعتها اللى فى الباب اتكسرت إيه العمل دلوقتى اعملها فى التوكيل وهتتكلف كام ولو المرايا بتتباع بره الاقيها عند مين فى التوفيقية او شارع دمشق ولو جبتها من بره مين يركبهالى وهل كدا هخرج من الضمان ولا إيه .. المرايا بتاعة الفل اوبشن الكهربا

معلش هتعبكم معايا

المشاركة الأصلية كتبت بواسطة ahmedbakr50

أنا كانت اليمين طارت برده من رمضان قبل إلى فات
وجبتها من شارع دمشق بـ 320 جنيه كهرباء تايوانى من خالد عمران على ما أفتكر ودلوقتى شكلها رخصت
وكان الجزأ المرشوش بلون العربية موجود لوحده عشان ترشه وبعد كده تركبه كبس
بس الجزأ ده فى المرايا القديمة كان الوحيد إلى سليم ففكيته وركبته فى الجديده
حضرتك ممكنم تجيب عنوانه من موضوع مثبت بإسم اماكن واسعار قطع غيار رينو لوجان

الف شكر يا هندسة هكلمه إن شاء الله واشوف عنده :)

المشاركة الأصلية كتبت بواسطة col. Eng. Khaled

ت . خالد عمران 22583355 شارع دمشق ، قبل موقف الأتوبيس - مصر الجديدة

ت . ميشيل حليم 22579666 شارع جسر السويس عمارات الميريلاند (عمارة 2) ، روكسي - مصر الجديدة

تركيب المراية ما تشغلش بالك بيه كلمني لما تجيبها إن شاء الله .

إن شاء الله بالتوفيق .

سيادة العقيد ربنا ما يحرمنا منك :)